23UDavida esemdala esanele ngensukua wamisa uSolomoni indodana yakhe ukuthi abe yinkosi phezu kukaIsrayelib.

Izigaba zabapristi lezamaLevi lemisebenzi yazo

2 Wasebuthanisa zonke induna zakoIsrayeli labapristi lamaLevi. 3 AmaLevi asebalwa kusukela koleminyaka engamatshumi amathathu kusiya phezuluc; lenani lawo, ngamakhanda awod, ngamadoda, laba zinkulungwane ezingamatshumi amathathu lesificaminwembilie. 4 Kula kwakulezinkulungwane ezingamatshumi amabili lane okuqondisa umsebenzi wendlu yeNkosi; lezinduna labahluleli abayizinkulungwane eziyisithuphaf; 5 labagcini bamasango abayizinkulungwane ezine; labadumisi beNkosi abayizinkulungwane ezine ngezinto engizenzele ukudumisag, watsho uDavidah. 6 UDavida wasewehlukanisa ngezigabai, ngokwamadodana kaLevi, oGerishoni, uKohathi, loMerarij.

7 KumaGerishoni kwakungoLadani loShimeyik. 8 Amadodana kaLadani: OJehiyeli inhlokol, loZethamum, loJoweli, emathathun. 9 Amadodana kaShimeyi: OShelomithi loHaziyeli loHarani, emathathu. La ayezinhloko zaboyise koLadani. 10 Lamadodana kaShimeyio: OJahathi, uZiza, loJewushi, loBeriya. La ayengamadodana kaShimeyi, emane. 11 LoJahathi wayeyinhloko, loZiza engowesibili; kodwa uJewushi loBeriya babengelabantwana abanengi, ngakho babesendlini yaboyise ngokubalwa kanye.

12 Amadodana kaKohathi: OAmramu, uIzihari, uHebroni, loUziyeli, emanep. 13 Amadodana kaAmramu: OAroni loMozisiq. UAroni wehlukaniselwa-ker ukungcwelisa izinto ezingcwelengcwele, yena lamadodana akhe, kuze kube ninininis, ukutshisa impepha phambi kweNkosit, ukuyikhonzau, lokubusisa ngebizo layo kuze kube ninininivw. 14 NgoMozisi umuntu kaNkulunkulux, amadodana akhe abizwa ngaphansi kwesizwe sakoLeviy. 15 Amadodana kaMozisi: OGereshoma loEliyezeriz. 16 Amadodana kaGereshoma: UShebuweli inhlokoa. 17 Lamadodana kaEliyezeri ayenguRehabhiya inhlokob; uEliyezeri wayengelawo-ke amanye amadodana, kodwa amadodana kaRehabhiya ayemanengi okwedlulisayo. 18 Amadodana kaIzihari: UShelomithi inhloko. 19 Amadodana kaHebroni: OJeriya inhloko, uAmariya owesibili, uJahaziyeli owesithathu, uJekameyamu owesinec. 20 Amadodana kaUziyeli: OMika inhlokod, loIshiya owesibilie.

21 Amadodana kaMerari: OMahli loMushif. Amadodana kaMahli: OEleyazare loKishig. 22 UEleyazare wasesifa, wayengelamadodana kodwa amadodakazih; amadodana kaKishi, abafowabo, asewathathai. 23 Amadodana kaMushi: OMahli loEderi loJeremothi, emathathuj.

24 La ngamadodana kaLevi ngendlu yaboyisek, inhloko zaboyise, ngokubalwa kwawo, ngenani lamabizo, ngamakhanda awo, esenza umsebenzi wenkonzo yendlu yeNkosil, kusukela koleminyaka engamatshumi amabili kusiya phezulum. 25 Ngoba uDavida wathi: INkosi, uNkulunkulu kaIsrayeli, ibanikile abantu bayo ukuphumula, bazahlala eJerusalema kuze kube sephakadenin. 26 Ngokunjalo-ke kumaLevi; kakulamuntu ozathwala ithabhanekele laloba yiziphi izitsha zalo zenkonzo yaloo. 27 Ngoba ngamazwi kaDavida okucina amadodana kaLevi abhalwa kusukela kwaleminyaka engamatshumi amabili kusiya phezulu. 28 Ngoba indawo yawo yayingasesandleni samadodana kaAroni enkonzweni yendlu yeNkosi, phezu kwamaguma, laphezu kwamakamelo, laphezu kokuhlambulula zonke izinto ezingcwele, lomsebenzi wenkonzo yendlu kaNkulunkulup, 29 lowezinkwa zokubukiswaq, lowempuphu ecolekileyo yomnikelo wokudlar, lowezinkwana eziyizipatalala ezingelamvubelo, lowokubhakwe ngepanis, lowokukhanzingiweyot, lowesilinganiso sonkeu lobukhuluv; 30 lokuma ukusa ngokusa ukubonga lokudumisa iNkosi, kanjalo lantambama, 31 lokunikela konke kweminikelo yokutshiswa eNkosini ngamasabathaw, ngokuthwasa kwenyangax, langemikhosi emisiweyoy, ngenani, ngokwesimiso kukho, njalonjalo phambi kweNkosi. 32 Njalo azagcina umlindo wethente lenhlangano, lomlindo wendlu engcwelez, lomlindo wamadodana kaAroni, abafowabo, enkonzweni yendlu yeNkosia.