| NdebeleTeam » 1 Chronicles » 22 |
22UDavida wasesithi: Le yindlu yeNkosi uNkulunkulu, laleli lilathi lomnikelo wokutshiswa kaIsrayelia.
UDavida ulungiselela ukwakhiwa kwethempeli
2 UDavida waselaya ukubuthanisa abezizweni ababeselizweni lakoIsrayelib; wamisa ababazi bamatshe ukuthi babaze amatshe alungisiweyo okwakha indlu kaNkulunkuluc. 3 UDavida waselungisa insimbi enengi kakhulu yezipikili zezivalo zamasango leyokuhlanganisad; lethusi elinengi kakhulu elalingelakulinganiswa ngesisindoe; 4 lezigodo zemisedari ezingelakubalwa; ngoba amaSidoni lamaTire amlethela uDavida izigodo zemisedari ezinengi kakhuluf. 5 UDavida wasesithi: USolomoni indodana yami ungumfana, ubuthakathaka, lendlu ezakwakhelwa iNkosi kumele yenziwe ibe nkulu kakhulu, ibe lebizo ibe lodumo emazweni wonke. Ngakho ngizayilungiselela. UDavida waselungiselela kakhulu phambi kokufa kwakheg.
6 Wasebiza uSolomoni indodana yakhe, wamlaya ukuthi akhele iNkosi uNkulunkulu kaIsrayeli indlu. 7 UDavida wasesithi kuSolomoni: Ndodana yami, mina-ke, kwakusenhliziyweni yamih ukwakhela ibizo leNkosi uNkulunkulu wami indlui. 8 Kodwa ilizwi leNkosi lafika kimi lisithi: Uchithe igazi elinengij, walawula izimpi ezinkulu; kawuyikwakhela ibizo lami indlu, ngoba uchithe igazi elinengi emhlabeni phambi kwamik. 9 Khangela, uzazalelwa indodana ezakuba ngumuntu wokuphumulal; njalo ngizayiphumuza ezitheni zayo zonke inhlangothi zonke: Ngoba ibizo layo lizakuba nguSolomoni, njalo ngizanika ukuthula lokuphumula phezu kukaIsrayeli ensukwini zakhe. 10 Yena uzakwakhela ibizo lami indlum. Yena-ke uzakuba yindodana yami, lami ngibe nguyise; ngiqinise isihlalo sakhe sobukhosi phezu kukaIsrayeli kuze kube ninininin. 11 Khathesi, ndodana yami, iNkosi ibe lawe, njalo uphumelele wakhe indlu yeNkosi uNkulunkulu wakho, njengokutsho kwayo ngaweo. 12 Kuphela iNkosi ikunike inhlakanipho lokuqedisisa, ikulaye ngoIsrayeli, ukuze ulondoloze umlayo weNkosi uNkulunkulu wakhop. 13 Khona uzaphumelela, uba unanzelela ukwenza izimiso lezahlulelo iNkosi eyakulaya uMozisi ngoIsrayeliq; qina, ube lesibindir; ungesabi, ungatshaywa luvalos. 14 Khangela-ke, ekuhluphekeni kwami ngilungisele indlu yeNkosi amathalenta* egolide ayizinkulungwane ezilikhulu, lamathalenta esiliva ayizinkulungwane eziyinkulungwanet, lethusi lensimbi okungelakulinganiswa ngesisindou, ngoba kunengi kakhulu; ngilungise lezigodo lamatshe. Uzakwengezelela-ke kukho. 15 Njalo ulezisebenzi ezinengi, ababazi bamatshe, lezingcitshi zamatshe lezezigodo, layo yonke indoda ehlakaniphileyo kuwo wonke umsebenzi. 16 Kakulanani legolide, lelesiliva, lelethusi, lelensimbiv. Sukuma usebenze; njalo iNkosi ibe lawew!
17 UDavida waselaya zonke izinduna zakoIsrayeli ukusiza uSolomoni indodana yakhex, esithi: 18 INkosi uNkulunkulu wenu kayilani yiniy? Kambe kayilinikanga yini ukuphumula inhlangothi zonkez? Ngoba inikele abahlali belizwe esandleni sami, lelizwe lehliselwe phansi phambi kweNkosi laphambi kwabantu bayo. 19 Khathesi misani inhliziyo yenu lomphefumulo wenu ukudinga iNkosi uNkulunkulu wenua. Sukumani-ke lakhe indawo engcwele yeNkosi uNkulunkulu, ukungenisa umtshokotsho wesivumelwano seNkosi lezitsha ezingcwele zikaNkulunkulu endlini eyakhelwe ibizo leNkosib.
a 21.18,19,26,28. 2 Lan. 3.1. Dute. 12.5.
b 1 Kho. 9.21. 2 Lan. 2.17.
c 1 Kho. 5.17.
d 2 Lan. 34.11.
e 22.14. 1 Kho. 7.47.
f 1 Kho. 5.6.
g 29.1. 1 Kho. 3.7. Zaga 4.3.
h 2 Lan. 24.4. 29.10. 2 Sam. 7.3. Hlab. 132.1-5.
i 22.8,19. Dute. 12.5,11. 1 Kho. 5.3.
j 28.3.
k 1 Kho. 5.3.
l 22.18. 1 Kho. 4.25. 5.4.
m 2 Sam. 7.13.
n 28.6. 2 Sam. 7.14. Heb. 1.5.
o 22.16. 1 Sam. 20.13.
p 1 Kho. 3.9,12. Hlab. 72.1.
q 28.7. Josh. 1.7,8.
r 28.20. Dute. 31.6.
s Dute. 31.8.
t 29.4.
u 22.3.
v 22.4.
w 22.11.
x 28.1,2.
y Jobe 3.11.
z 23.25. 22.9. Dute. 12.10. Josh. 21.44. 23.1. 2 Sam. 7.1.
a 2 Lan. 20.3.
b 1 Kho. 8.6,21. 2 Lan. 5.7. 6.11.