Inzalo kaRubeni

5Njalo amadodana kaRubeni, izibulo likaIsrayeli (ngoba wayelizibuloa, kodwa njengoba wayengcolise umbheda kayiseb, ubuzibulo bakhe banikwa amadodana kaJosefa indodana kaIsrayelic; futhi wayengabhalwanga njengezibulo; 2 ngoba uJuda wayelamandla kulabafowabo, lowayengumbusi wavela kuye, kodwa ubuzibulo babungobukaJosefad). 3 Amadodana kaRubeni, izibulo likaIsrayeli: OHanoki, loPalu, uHezironi, loKarmie. 4 Amadodana kaJoweli: UShemaya indodana yakhe, uGogi indodana yakhe, uShimeyi indodana yakhe, 5 uMika indodana yakhe, uReyaya indodana yakhe, uBhali indodana yakhe, 6 uBehera indodana yakhe, uTiligathi-Pilineseri inkosi yeAsiriya eyamthumbayo; wayeyisiphathamandla sabakoRubeni. 7 Njalo abafowabo ngensendo zabo, lapho bebhalwa ngokwezizukulwana zabof, bayizinhloko: OJeyiyeli, loZekhariya, 8 loBhela indodana kaAzazi indodana kaShema indodana kaJoweli, owayehlala eArowerig, njalo kwaze kwaba seNeboh leBhali-Meyonii. 9 Langempumalanga wahlala kwaze kwaba sekungeneni kwenkangala kusukela emfuleni iYufrathi, ngoba izifuyo zabo zasezandile elizweni leGileyadij. 10 Ensukwini zikaSawuli balawula-ke impi lamaHagarik, awa ngesandla sabo; bahlala emathenteni awo elizweni lonke lempumalanga yeGileyadi.

Inzalo kaGadi

11 Labantwana bakoGadi bahlala maqondana labo elizweni leBashani kwaze kwaba seSalekal. 12 UJoweli inhloko, loShafamu owesibili, loJanayi loShafati eBashani. 13 Labafowabo ngendlu yaboyise: OMikayeli loMeshulamu loShebha loJorayi loJakani loZiya loEberi, beyisikhombisa. 14 Laba babengamadodana kaAbihayili indodana kaHuri indodana kaJarowa indodana kaGileyadi indodana kaMikayeli indodana kaJeshishayi indodana kaJahido indodana kaBuzi. 15 UAhi indodana kaAbidiyeli indodana kaGuni wayeyinhloko yendlu yaboyise. 16 Basebehlala eGileyadi, eBashani, lemizaneni yayo, lakuwo wonke amadlelo eSharonim, kwaze kwaba sekuphumeni kwawo. 17 Bonke laba babhalwa ngezizukulwana zabo ezinsukwini zikaJothamu inkosi yakoJudan lensukwini zikaJerobhowamu inkosi yakoIsrayelio.

Isizwe sakoRubeni lesakoGadi lengxenye yesizwe sakoManase

18 Amadodana kaRubeni labakoGadi lengxenye yesizwe sakoManase, emadodeni angamaqhawe, athwala isihlangu lenkemba, anyathela idandili, lezingcitshi empinip, ayeyizinkulungwane ezingamatshumi amane lane lamakhulu ayisikhombisa lamatshumi ayisithupha, ephumela ebuthweniq. 19 Basebelawula impi lamaHagarir loJeturis loNafishi loNodabit. 20 Bancediswa bemelene labo, amaHagari asenikelwa esandleni sabo, labo bonke ababelawo; ngoba bakhala kuNkulunkulu besempini, wasencengeka ngabou, ngoba bamthembav. 21 Bathumba izifuyo zabo, amakamela azinkulungwane ezingamatshumi amahlanu, lezimvu ezizinkulungwane ezingamakhulu amabili lamatshumi amahlanu, labobabhemi abazinkulungwane ezimbili, lemiphefumulo yabantu ezinkulungwane ezilikhulu. 22 Ngoba kwawa abanengi ababuleweyo, ngoba impi yayingekaNkulunkulu. Basebehlala ezindaweni zabow kwaze kwafika ukuthunjwax.

23 Abantwana bengxenye yesizwe sakoManase basebehlala elizweni; kusukela eBashani kusiya eBhali-Hermoni leSeniriy lentabeni yeHermoni bona bandaz. 24 Lalezi zinhloko zendlu yaboyise, ngitsho oEferi loIshi loEliyeli loAziriyeli loJeremiya loHodaviya loJahidiyeli, amadoda angamaqhawe alamandla, amadoda alamabizo, inhloko zendlu yaboyise.

25 Kodwa bona kuNkulunkulu waboyise, baphinga ngokulandela onkulunkulu babantu balelolizwe, uNkulunkulu abachithayo phambi kwaboa. 26 Ngakho uNkulunkulu kaIsrayeli wavusa umoya kaPhuli inkosi yeAsiriyab, lomoya kaTiligathi-Pilineseri inkosi yeAsiriyac, wabathumba, ngitsho abakoRubeni labakoGadi lengxenye yesizwe sakoManase, wabasa eHalad leHaborie leHara lemfuleni iGozanif, kuze kube lamuhla.