NdebeleTeam » 2 Samuel » 21

AbeGibeyoni bayaphindisela

21Kwasekusiba khona indlala ensukwini zikaDavida iminyaka emithathu, umnyaka ngomnyaka ilandelana; uDavida wadinga ubuso beNkosi. INkosi yasisithi: Kungenxa kaSawuli langenxa yendlu yakhe yegazi, ngoba wabulala amaGibeyonia. 2 Ngakho inkosi yabiza amaGibeyoni yathi kuwo: (AmaGibeyoni-ke ayengeyisiwo awabantwana bakoIsrayeli, kodwa ayengawensali yamaAmori; njalo abantwana bakoIsrayeli babefungile kuwo; uSawuli wasedinga ukuwatshaya ekutshisekeleni kwakhe abantwana bakoIsrayeli loJudab.) 3 Ngakho uDavida wathi kumaGibeyoni: Ngingalenzelani? Ngingayenza ngani inhlawulo yokuthula ukuze libusise ilifa leNkosic? 4 AmaGibeyoni asesithi kuye: Kayisindaba yesiliva kumbe igolide loSawuli lendlu yakhe; futhi kakusikwethu ukubulala umuntu koIsrayeli. Wasesithi: Lokho elikutshoyo ngizalenzela khona. 5 Basebesithi enkosini: Umuntu owasiqedayo, owaceba emelene lathi ukuthi sichithwe singasali lakuwuphi umngcele wakoIsrayeli, 6 kasinikwe amadoda ayisikhombisa emadodaneni akhed, njalo siwaphanyekele iNkosi eGibeya kaSawuli, okhethiweyo weNkosie. Inkosi yasisithi: Mina ngizalipha. 7 Kodwa inkosi yamyekela uMefiboshethi indodana kaJonathani indodana kaSawuli ngenxa yesifungo seNkosi esasiphakathi kwabo, phakathi kukaDavida loJonathani indodana kaSawulif. 8 Kodwa inkosi yathatha amadodana amabili kaRizipa indodakazi kaAya ayewazalele uSawulig, uArimoni loMefiboshethi, lamadodana amahlanu kadadewabo kaMikhali indodakazi kaSawuli ayewazalele uAdriyeli indodana kaBarizilayi umMehola, 9 yabanikela esandleni samaGibeyoni, asebaphanyeka entabeni phambi kweNkosi, njalo abayisikhombisa bawa kanyekanye. Babulawa ensukwini zokuvuna, ensukwini zakuqala ekuqaleni kokuvunwa kwebhali*h.

10 URizipa indodakazi kaAya wasethatha isaka, wazendlalela lona phezu kwedwala, kusukela ekuqaleni kokuvuna kwaze kwathonta amanzi phezu kwabo evela emazulwini; kavumelanga inyoni zamazulu ukuthi zihlale phezu kwabo emini, lezilo zeganga ebusukui. 11 Kwasekubikelwa uDavida lokho uRizipa indodakazi kaAya, umfazi omncane kaSawuli, ayekwenzile.

12 UDavida wasehamba wayathatha amathambo kaSawuli lamathambo kaJonathani indodana yakhe kubahlali beJabeshi-Gileyadij ababewebilek emdangeni weBeti-Shani, lapho amaFilisti ayebaphanyeke khona mhla amaFilisti etshaya uSawuli eGilibowal. 13 Wasesenyusa esuka lapho amathambo kaSawuli lamathambo kaJonathani indodana yakhe; basebeqoqa amathambo awababephanyekiwe. 14 Basebewangcwaba amathambo kaSawuli lakaJonathani indodana yakhe elizweni lakoBhenjamini eZelam, engcwabeni likaKishi uyise. Benza konke inkosi eyayibalaye khona. Njalo emva kwalokho uNkulunkulu wancengeka ngenxa yelizwen.

Abantu bakaDavida babulala isiqhwaga

15 AmaFilisti abuye aba lempi futhi loIsrayeli; uDavida wasesehla lenceku zakhe kanye laye, njalo balwa lamaFilisti; uDavida wasedinwa. 16 UIshibi-Benobi owayengowabantwana besiqhwaga, osisindo somkhonto wakhe sasingamashekeli angamakhulu amathathu ethusi, wayebhince inkemba entsha, wathi uzamtshaya uDavidao. 17 Kodwa uAbishayi indodana kaZeruya wamsiza, wamtshaya umFilisti wambulalap. Khona abantu bakaDavida bafunga kuye besithi: Kawusayikuphuma impi lathi, hlezi ucitshe isibane sikaIsrayeliq. 18 Kwasekusithi emva kwalokhu kwaba lempi futhi lamaFilisti eGobir; khona uSibekayis umHusha watshaya uSafi, owayengowabantwana besiqhwagat. 19 Kwasekusiba lempi futhi lamaFilisti eGobi; uElihanani indodana kaJahari-Oregimi umBhethelehemau, watshaya umfowabo kaGoliyathi umGitiv, oluthi lomkhonto wakhe lwalunjengogodo lomalukiw. 20 Njalo kwabuye kwaba lempi eGathix, lapho okwakulomuntu omude, owayeleminwe eyisithupha ezandleni zakhe, lamazwane ayisithupha ezinyaweni zakhe, kungamatshumi amabili lane ngenani; laye-ke wayezalelwe isiqhwaga. 21 Lapho eseyisa uIsrayeli, uJonathani indodana kaShimeya, umfowabo kaDavida, wamtshayay. 22 Laba abane babezalelwe isiqhwaga eGathi; njalo bawa ngesandla sikaDavida langesandla senceku zakhez.

a 21.2. 1 Sam. 22.18,19.

b Josh. 9.3-17.

c 20.19. 1 Sam. 26.19.

d Hlu. 20.5. Hlab. 50.21.

e Josh. 18.28.

f 1 Sam. 20.8.

g 3.7.

h Ruthe 1.22.

i Dute. 21.23.

j 2.4,5. Josh. 24.11.

k 1 Sam. 31.10-13. Hlu. 21.8.

l Josh. 17.11.

m Josh. 18.28.

n 24.25. Gen. 25.21.

o 18.11.

p 1 Sam. 26.6.

q 18.3.

r 1 Lan. 20.4-8.

s 23.27. 1 Lan. 4.4. 1 Lan. 27.11.

t 23.27. 1 Lan. 4.4. 1 Lan. 27.11.

u 23.24.

v 5.8. 1 Lan. 20.5.

w 23.7. 1 Sam. 17.7.

x 1 Sam. 17.4.

y 1 Sam. 16.9.

z 21.16,17.