UDavida ubusa ilizwe lonke lakoIsrayeli

5Khona zonke izizwe zakoIsrayeli zeza kuDavida eHebronia, zakhuluma zisithi: Khangela, thina silithambo lakho lenyama yakhob. 2 Lesikhathini esidlulileyo, uSawuli eseyinkosi phezu kwethu, nguwe owakhupha lowangenisa uIsrayelic, leNkosi yathi kuwe: Wena uzakwelusa abantu bami uIsrayeli, lawe uzakuba ngumbusi phezu kukaIsrayelid. 3 Ngakho kwafika bonke abadala bakoIsrayeli enkosini uDavida eHebronie; inkosi uDavida yasisenza isivumelwano labo eHebronif phambi kweNkosig; basebemgcoba uDavida, waba yinkosi phezu kukaIsrayeli.

4 UDavida wayeleminyaka engamatshumi amathathu ekubeni kwakhe yinkosi; wabusa iminyaka engamatshumi amaneh. 5 EHebroni wabusa phezu kukaJuda iminyaka eyisikhombisa lenyanga eziyisithupha; leJerusalema wabusa iminyaka engamatshumi amathathu lantathu phezu kukaIsrayeli wonke loJudai.

UDavida uthatha inqaba yeZiyoni

6 Inkosi labantu bayo basebesiya eJerusalemaj kumaJebusi, abahlali belizwek; akhuluma kuDavida athi: Kawuyikungena lapha, ngaphandle kokuthi ususe iziphofu labaqhulayo; besithi uDavida kayikungena lapho. 7 Kodwa uDavida wayithumba inqaba yeZiyoni; le ngumuzi kaDavidal. 8 UDavida wasesithi ngalolosuku: Ngulowo lalowo otshaya umJebusi, katshaye emgelweni wamanzi abaqhulayo leziphofu, abazondwa ngumphefumulo kaDavidam. Ngakho bathi: Isiphofu loqhulayo kabayikungena endlinin. 9 Ngakho uDavida wahlala enqabeni, wayibiza ngokuthi ngumuzi kaDavida. UDavida wakha inhlangothi zonke, kusukela eMilo kusiya phakathio. 10 UDavida waqhubeka njalo esiba lamandla, njalo iNkosi, uNkulunkulu wamabandla, yayilaye.

11 UHiramu inkosi yeTire wasethuma izithunywa kuDavidapq, lezigodo zemisedari, lababazi bezigodo lababazi bamatshe; basebemakhela uDavida indlu. 12 UDavida wasekwazi ukuthi iNkosi yayimmisile ukuthi abe yinkosi phezu kukaIsrayeli, lokuthi iwuphakamisile umbuso wakhe ngenxa yabantu bayo uIsrayelir.

Abantwana bakaDavida abazalelwa eJerusalema

13 UDavida wasethathas abanye abafazi abancane labafazi bevela eJerusalema, esevela eHebronit, njalo kwakulamanye amadodana lamadodakazi azalelwa uDavida. 14 Njalo la ngamabizo alabo abazalelwa yena eJerusalema: OShamuwa, loShobabi, loNathani, loSolomoni, 15 loIbihari, loElishuwa, loNefegi, loJafiya, 16 loElishama, loEliyada, loElifeleti.

UDavida unqoba amaFilisti

17 Kwathi amaFilisti esezwile ukuthi bamgcobile uDavida ukuthi abe yinkosi phezu kukaIsrayeli, wonke amaFilisti enyuka ukuyamdinga uDavida; uDavida wakuzwa, wehlela enqabeniu. 18 AmaFilisti esefikile asabalalav esihotsheni seRefayimiw. 19 UDavida wasebuza eNkosini esithi: Ngingenyukela yini kumaFilisti? Uzawanikela esandleni sami yini? INkosi yasisithi kuDavida: Yenyuka, ngoba isibili ngizawanikela amaFilisti esandleni sakhox. 20 UDavida wasefika eBhali-Perazimiy, uDavida wawatshaya khona, wathi: INkosi izifohlele izitha zami phambi kwami njengokufohla kwamanzi. Ngakho wabiza ibizo laleyondawo ngokuthi yiBhali-Perazimi. 21 Asetshiya izithombe zawo lapho, loDavida labantu bakhe bazisusaz.

22 AmaFilisti asebuya enyuka futhi, asabalala esihotsheni seRefayimia. 23 Lapho uDavida ebuza iNkosi, yathi: Ungenyuki; bhoda ngemuva kwawo, uwasukele usuka maqondana lezihlahla zebhalisamub. 24 Kuzakuthi-ke lapho usizwa isisinde sokuhamba ezihlokweni zezihlahla zebhalisamu, lapho uphangisec, ngoba ngalesosikhathi iNkosi izaphuma phambi kwakho ukutshaya ibutho lamaFilistid. 25 UDavida wasesenza njalo, njengokumlaya kwayo iNkosi, wawatshaya amaFilisti kusukela eGeba uze ufike eGezerie.