NdebeleTeam » Judges » 17

UMika lendlu yakhe yezithombe

17Kwakukhona-ke umuntu wentabeni yakoEfrayimia, obizo lakhe lalinguMikab. 2 Wasesithi kunina: Izinhlamvu zesiliva eziyinkulungwane lekhulu ezathathwa kuwe, owaqalekisa ngazo, njalo wakhuluma endlebeni zami, khangela, leyomali ikimi, mina ngayithatha. Unina wasesithi: Kawubusiswe eNkosini, ndodana yamic. 3 Wathi esezibuyisele kunina izinhlamvu eziyinkulungwane lekhulu zesiliva, unina wathi: Ngasengisehlukanisile lokusehlukanisela iNkosi isiliva sami sivela esandleni sami sibe ngesendodana yami, ukuze ngenze isithombe esibaziweyod lesithombe esibunjwe ngokuncibilikisae. Khathesi-ke ngizasibuyisela kuwe. 4 Kodwa wayibuyisela imali kunina. Unina wasethatha izinhlamvu zesiliva ezingamakhulu amabili, wazinika umkhandif, owenza ngazo isithombe esibaziweyog lesithombe esibunjwe ngokuncibilikisah; zasezisiba sendlini kaMikai. 5 Njalo lowomuntu uMika wayelendlu yabonkulunkulu, wenza i-efodi*j lamatherafik, wehlukanisa omunye wamadodana akhe, ukuze abe ngumpristi wakhe. 6 Ngalezonsuku kwakungelankosi koIsrayelil; wonke umuntu wayesenza okwakulungile emehlweni akhem.

7 Njalo kwakukhona ijaha leBhethelehema-Judan, elosendo lukaJuda, elalingumLevi, njalo lahlala njengowezizwe khona. 8 Lowomuntu wasesuka emzini, eBhethelehema-Juda, ukuyahlala njengowezizwe lapho ayengathola khona indawo. Wafika entabeni yakoEfrayimi, endlini kaMikao, ehamba ngendlela yakhe. 9 UMika wasesithi kuye: Uvela ngaphi? Wasesithi kuye: NgingumLevi weBhethelehema-Juda, ngiya ukuyahlala njengowezizwe lapho engingathola khona indawo. 10 UMika wasesithi kuye: Hlala lami, ube kimip ngubaba lompristiq, mina ngizakunika izinhlamvu zesiliva ezilitshumi ngomnyakar, lezigqoko zokugqoka, lokudla kwakho. UmLevi wasengena. 11 UmLevi wavuma ukuhlala lalowomuntu; njalo ijaha laba kuye njengomunye wamadodana akhes. 12 UMika wamehlukanisa umLevit, ijaha laselisiba ngumpristi wakheu, laba sendlini kaMika. 13 UMika wasesithi: Khathesi ngiyazi ukuthi iNkosi izangenzela okuhle, ngoba ngilomLevi ongumpristi.

a 17.8. Josh. 24.33.

b 17.4. 1 Kho. 22.8.

c 1 Sam. 15.13.

d Eks. 20.4.

e Levi 19.4.

f Isa. 40.19. 46.6.

g Eks. 20.4.

h Levi 19.4.

i 17.4. 1 Kho. 22.8.

j 8.27. 18.14,17.

k Gen. 31.19.

l 18.1. 19.1. 21.25.

m 21.25. Dute. 12.8.

n 12.8,10. 19.1. Gen. 35.19, Josh. 19.15.

o 17.8. Josh. 24.33.

p 18.19.

q 18.19. Gen. 45.8. 2 Kho. 5.13.

r 11.40.

s Eks. 2.21.

t 17.5.

u 18.30.