USamsoni lowesifazana weThiminathi

14USamsoni wasesehlela eThiminathi, wabona owesifazana eThiminathi wamadodakazi amaFilistia. 2 Wenyuka wabatshela oyise lonina wathi: Ngibone owesifazana eThiminathi wamadodakazi amaFilisti. Ngakho-ke ngithatheleni yena abe ngumkamib. 3 Kodwa uyise lonina bathi kuye: Kakula owesifazana yini phakathi kwamadodakazi abafowenu loba phakathi kwabo bonke abantu bakithic ukuthi uyethatha umfazi kumaFilisti angasokangad? USamsoni wasesithi kuyise: Ngithathele yena ngoba yena uyathandeka emehlweni ami. 4 Kodwa uyise lonina babengazi ukuthi lokho kuvela eNkosini, ukuthi wayedinga ithuba lokumelana lamaFilistie; ngoba ngalesosikhathi amaFilisti ayebusa phezu kukaIsrayelif.

5 USamsoni wasesehla loyise lonina esiya eThiminathi, bafika ezivinini eThiminathi, khangela-ke, ibhongo lesilwane lambhongelag. 6 UMoya weNkosi wasefika ngamandla phezu kwakheh; walidabula njengodabula izinyane; njalo kwakungelalutho esandleni sakhe; kodwa kabatshelanga oyise lonina lokho akwenzileyo. 7 Wasesehla, wakhuluma lowesifazana, njalo wayethandeka emehlweni kaSamsoni.

8 Lemva kwezinsuku wabuyela ukuyamthatha; waphambuka ukuthi abone isidumbu sesilwane, khangela-ke, kwakulomtshitshi wenyosi loluju esidunjini sesilwane. 9 Wazithapha ngezandla zakhe, wahamba, ehamba esidla, wafika kuyise lakunina, wabanika, badla. Kodwa kabatshelanga ukuthi wayethaphe uluju esidunjini sesilwane.

10 Uyise wasesehla waya kowesifazana, loSamsoni wenza idili khona, ngoba ayesenza njalo amajaha. 11 Kwasekusithi lapho bembona bathatha abanakwabo abangamatshumi amathathu ukuze babe laye. 12 USamsoni wasesithi kibo: Ake ngililibhe ngelibhoi; uba lingangitshela lona kuhle ensukwini eziyisikhombisa zedilij, lilithole, ngizalinika izembatho zelembu elihle ezingamatshumi amathathu lezembatho zokuntshintsha ezingamatshumi amathathuk. 13 Kodwa uba lingelakho ukungitshela, khona lina lizanginika izembatho zelembu elihle ezingamatshumi amathathu lezembatho zokuntshintsha ezingamatshumi amathathul. Basebesithi kuye: Libha ilibho lakho ukuze silizwe. 14 Wasesithi kubo: Kodlayo kwaphuma ukudla, lakolamandla kwaphuma okumnandi. Kodwa babengelakulichasisa ilibho ensukwini ezintathu. 15 Kwasekusithi ngosuku lwesikhombisa bathi kumkaSamsoni: Huga umkakho ukuthi asichasisele ilibhom, hlezi sikutshise lendlu kayihlo ngomlilon. Lisinxusele ukuthi lisithathele esilakho yini? Akunjalo yini? 16 UmkaSamsoni wasekhala inyembezi phambi kwakhe wathi: Uyangizonda nje, kawungithandi; uwalibhile ilibho amadodana abantu bakithi, kodwa mina kawungitshelangao. Wasesithi kuye: Khangela ubaba lomama kangibatshelanga, wena-ke ngizakutshela yini? 17 Wakhala inyembezi phambi kwakhe insuku eziyisikhombisa beseledili. Kwasekusithi ngosuku lwesikhombisa wamtshela ngoba wamcindezela kakhulu. Wasewatshela amadodana abantu bakibop. 18 Amadoda omuzi asesithi kuye ngosuku lwesikhombisa ilanga lingakatshoni: Kuyini okumnandi okwedlula uluju? Njalo kuyini okulamandla kulesilwane? Wasesithi kiwo: Uba belingalimanga ngethokazi lami, belingayikulithola ilibho lami.

19 UMoya weNkosi wasefika ngamandla phezu kwakheq, wehlela eAshikelonir, watshaya kuwo amadoda angamatshumi amathathu, wathatha izembatho zawo, wanika izembatho zokuntshintsha labo ababechasise ilibhos. Intukuthelo yakhe yasivutha wasesenyukela endlini kayise. 20 Kodwa umkaSamsoni waba ngowomnakwabot, owayengumngane wakheu.