Bible

6Abantwana bakoIsrayeli basebesenza okubi emehlweni eNkosia; iNkosi yasibanikela esandleni sikaMidiyanib iminyaka eyisikhombisa. 2 Lesandla sikaMidiyani saba lamandla phezu kukaIsrayeli. Ngenxa kaMidiyanic abantwana bakoIsrayeli bazenzela imihume esezintabeni, lembalud, lezinqaba. 3 Kwasekusithi uIsrayeli esehlanyele, enyuka amaMidiyanie lamaAmalekif labantwana bempumalangag, benyuka bamelana labo, 4 bamisa inkamba maqondana labo, bachitha izithelo zelizweh, uze ufike eGazai, njalo kabatshiyanga okondlayo koIsrayeli loba imvu loba inkabi loba ubabhemi. 5 Ngoba bona benyuka lezifuyo zabo lamathente abo, bafika njengokugcwala kwentethe ngobunengij, okokuthi bona lamakamela abo babengelanani; basebengena elizweni ukulichitha. 6 UIsrayeli wasesiba ngumyanga kakhulu ngenxa yamaMidiyani, labantwana bakoIsrayeli bakhala eNkosinik.

7 Kwasekusithi lapho abantwana bakoIsrayeli bekhala eNkosinil ngenxa yamaMidiyanim, 8 iNkosi yathuma umprofethi kubantwana bakoIsrayeli, owathi kibo: Itsho njalo iNkosi, uNkulunkulu wakoIsrayeli: Mina ngalenyusa lisuka eGibhithen ngalikhupha endlini yobugqili, 9 ngalihluthuna esandleni samaGibhithe, lesandleni sabo bonke abalicindezelayo, ngabaxotsha phambi kwenuo, ngalinika ilizwe labo, 10 ngathi kini: NgiyiNkosi uNkulunkulu wenu; lingesabi onkulunkulu bamaAmorip elihlala elizweni lawo. Kodwa kalililalelanga ilizwi lami.

11 Kwasekufika ingilosi yeNkosi, yahlala ngaphansi kwesihlahla se-okhi esiseOfira, esasingesikaJowashi umAbiyezeriq, lendodana yakhe uGidiyoni yayibhula ingqoloyi esikhamelweni sewayini, ukuze iyifihlele amaMidiyanir. 12 Ingilosi yeNkosi yasibonakala kuyes, yathi kuye: INkosi ilawet, qhawe elilamandla. 13 UGidiyoni wasesithi kuyo: Hawu Nkosi yami, uba iNkosi ilathi, kungani konke lokhu kusehleleu? Kanti zingaphi zonke izimangalisov zayo abasitshela zona obabaw besithi: INkosi kayisenyusanga siphuma eGibhithe yini? Kodwa khathesi iNkosi isidelile, yasinikela esandleni samaMidiyanix. 14 INkosi yasiphendukela kuye yathi: Hamba ngalamandla akhoy, ukhulule uIsrayeli esandleni samaMidiyaniz. Kangikuthumanga yinia? 15 Wasesithi kuyo: Hawu Nkosi yami, ngizamkhulula ngani uIsrayeli? Khangela, usendo lwami lungumyanga koManaseb, njalo ngingomncinyane endlini kababa. 16 INkosi yasisithi kuye: Ngoba ngizakuba lawec, uzawatshaya-ke amaMidiyanid njengendodanye. 17 Wasesithi kuyo: Uba khathesi ngithole umusa emehlweni akhoe, ngenzela isibonakalisof sokuthi nguwe okhuluma lami. 18 Ake ungasukig lapha, ngize ngibuye kuwe, ngikhuphe isipho sami, ngisibeke phambi kwakho. Yasisithi: Mina ngizahlala uze uphenduke.

19 UGidiyoni wasengenah, walungisa izinyane lembuzi, lezinkwa ezingelamvubelo nge-efa* lempuphu, inyama wayifaka esitsheni, lomhluzi wawufaka embizeni, wakukhuphela kuyo ngaphansi kwesihlahla se-okhi, wakusondeza. 20 Ingilosi kaNkulunkulu yasisithi kuye: Thatha inyama lezinkwa ezingelamvubelo, ukubeke phezu kwalelidwalai, ubusuthela umhluzij. Wasesenza njalo. 21 Ingilosi yeNkosi yasiselula isihloko somqwayi owawusesandleni sayo, yathinta inyama lezinkwa ezingelamvubelo; kwasekusenyuka umlilo uphuma edwalenik, wadla inyama lezinkwa ezingelamvubelo. Lengilosi yeNkosi yasuka emehlweni akhe. 22 UGidiyoni wasebona ukuthi yayiyingilosi yeNkosil. UGidiyoni wathi: Maye, Nkosi Jehova! Ngenxa yokuthi ngibone ingilosi yeNkosi ubuso ngobusom. 23 Kodwa iNkosi yathi kuye: Ukuthula kakube kuwen, ungesabi, kawuyikufa. 24 UGidiyoni waseyakhela iNkosi ilathi lapho, walibiza ngokuthi uJehova-shalomi. Kuze kube lamuhla lisesekhona eOfira lamaAbiyezerio.

25 Kwasekusithi ngalobobusuku iNkosi yathi kuye: Thatha ijongosi lenkunzi engekayihlo, ngitsho ijongosi lesibili elileminyaka eyisikhombisa, udilize ilathi likaBhali elingelikayihlo, lesixuku esiphansi kwalo usigamulep; 26 wakhele iNkosi uNkulunkulu wakho ilathi phezu kwengqonga yalinqaba, njengokwejwayelekileyo; ubusuthatha ijongosi lesibili, unikele umnikelo wokutshiswa ngenkuni zesixuku ozasigamula. 27 UGidiyoni wasethatha amadoda alitshumi ezincekwini zakhe, wenza njengokutsho kweNkosi kuye; kodwa kwathi ngenxa yokuthi wayesesaba indlu kayise lamadoda omuzi ukukwenza emini, wakwenza ebusuku.

28 Lapho amadoda omuzi evuka ekuseni kakhulu, khangela, ilathi likaBhali lalidiliziwe, lesixuku esasiphansi kwalo sesiganyuliwe, lejongosi lesibili lanikelwa phezu kwelathi elaselakhiwe. 29 Basebesithi omunye komunye: Ngubani owenze loludaba? Nxa sebedingile bebuza bathi: UGidiyoni indodana kaJowashi wenze loludaba. 30 Amadoda omuzi asesithi kuJowashi: Khupha indodana yakho ukuze ife, ngoba idilizile ilathi likaBhali, langoba igamule isixuku esasiphansi kwalo. 31 Kodwa uJowashi wathi kubo bonke ababemi ngakuye: Lina lizamlwela uBhali yini, kumbe lina limsindise? Omlwelayo uzabulawa kusesekuseni. Uba engunkulunkulu, kazilwele, ngoba ilathi lakhe lidiliziwe. 32 Ngakho ngalolosuku wambiza ngokuthi nguJerubali, esithi: UBhali kalwe laye, ngoba ulidilizile ilathi lakhe.

33 Lawo wonke amaMidiyani lamaAmaleki labantwana bempumalangaq babuthana ndawonye, bachapha, bamisa inkamba esigodini seJizereyelir. 34 LoMoya weNkosi wembesa uGidiyonis; wavuthela uphondot, lamaAbiyezeri abizwa emva kwakhe. 35 Wasethuma izithunywa kuye wonke uManase, labo futhi babizwa emva kwakhe. Wasethuma izithunywa koAsheri lakoZebuluni lakoNafithali; basebesiza ukubahlangabeza.

36 UGidiyoni wasesithi kuNkulunkulu: Uba uzasindisa uIsrayeli ngesandla sami njengokutsho kwakho, 37 khangelau, ngizabeka uboya bezimvu obugundiweyo ebaleni lokubhulela; uba amazolo ezakuba phezu koboya obugundiweyo kuphela, lokoma emhlabathini wonke, ngizakwazi-ke ukuthi uzamsindisa uIsrayeli ngesandla sami, njengokutsho kwakho. 38 Kwasekusiba njalo. Lapho evuka ngovivi kusisa, wacindezela uboya obugundiweyo, wakhama amazolo eboyeni obugundiweyo, umganu ogcwele amanziv. 39 UGidiyoni wasesithi kuNkulunkulu: Ulaka lwakho lungangivutheliw, ngizakhuluma khathesi kuphela; ake ngihlole khathesi kuphela ngoboya obugundiweyo; ake kube lokoma eboyeni obugundiweyo kuphela, lemhlabathini wonke kakube lamazolo. 40 UNkulunkulu wasesenza njalo ngalobobusuku; ngoba kwaba lokoma eboyeni obugundiweyo kuphela, kodwa emhlabathini wonke kwaba lamazolo.

a 2.19.

b Gen. 25.2; 37.28. Eks. 2.15,16; 18.1. Nani 22.4,7; 25.15,17,18; 31.2,3,7-9. Hlu. 7.1,2; 8.1. 1 Kho. 11.18. Hlab. 83.9. Isa. 9.4; 10.26; 60.6. Hab. 3.7.

c Gen. 25.2; 37.28. Eks. 2.15,16; 18.1. Nani 22.4,7; 25.15,17,18; 31.2,3,7-9. Hlu. 7.1,2; 8.1. 1 Kho. 11.18. Hlab. 83.9. Isa. 9.4; 10.26; 60.6. Hab. 3.7.

d 1 Sam. 13.6. Heb. 11.38.

e Gen. 25.2; 37.28. Eks. 2.15,16; 18.1. Nani 22.4,7; 25.15,17,18; 31.2,3,7-9. Hlu. 7.1,2; 8.1. 1 Kho. 11.18. Hlab. 83.9. Isa. 9.4; 10.26; 60.6. Hab. 3.7.

f 3.13.

g Gen. 29.1. Hlu. 6.33; 7.12; 8.10. 1 Kho. 4.30. Jobe 1.3. Gen. 25.6.

h Levi 26.16.

i Josh. 15.47.

j 7.12.

k 3.9. Hos. 5.15.

l 3.9. Hos. 5.15.

m Gen. 25.2; 37.28. Eks. 2.15,16; 18.1. Nani 22.4,7; 25.15,17,18; 31.2,3,7-9. Hlu. 7.1,2; 8.1. 1 Kho. 11.18. Hlab. 83.9. Isa. 9.4; 10.26; 60.6. Hab. 3.7.

n 1 Sam. 10.18. Hlab. 44.2,3.

o 1 Sam. 10.18. Hlab. 44.2,3.

p Josh. 24.15. 2 Kho. 17.35-38. Jer. 10.2.

q Josh. 17.2.

r 6.4.

s 13.3. Luka 1.11. Seb. 10.3.

t Josh. 1.5.

u Dute. 31.17.

v Hlab. 89.49. Isa. 59.1; 63.15.

w Hlab. 44.1.

x Gen. 25.2; 37.28. Eks. 2.15,16; 18.1. Nani 22.4,7; 25.15,17,18; 31.2,3,7-9. Hlu. 7.1,2; 8.1. 1 Kho. 11.18. Hlab. 83.9. Isa. 9.4; 10.26; 60.6. Hab. 3.7.

y 1 Sam. 12.11. Heb. 11.32,34.

z Gen. 25.2; 37.28. Eks. 2.15,16; 18.1. Nani 22.4,7; 25.15,17,18; 31.2,3,7-9. Hlu. 7.1,2; 8.1. 1 Kho. 11.18. Hlab. 83.9. Isa. 9.4; 10.26; 60.6. Hab. 3.7.

a Josh. 1.9. Hlu. 4.6.

b 1 Sam. 9.21.

c Eks. 3.12. Josh. 1.5.

d Gen. 25.2; 37.28. Eks. 2.15,16; 18.1. Nani 22.4,7; 25.15,17,18; 31.2,3,7-9. Hlu. 7.1,2; 8.1. 1 Kho. 11.18. Hlab. 83.9. Isa. 9.4; 10.26; 60.6. Hab. 3.7.

e Eks. 33.13.

f Hlab. 86.17. Eks. 4.1-8. Hlu. 6.36,37. 1 Sam. 10.7. 2 Kho. 20.8,9. Isa. 7.11.

g Gen. 18.3,5. Hlu. 13.15.

h Gen. 18.6-8.

i 6.21; 13.19.

j 1 Kho. 18.33,34.

k Levi 9.24.

l 13.21.

m Gen. 32.30. Eks. 33.20. Hlu. 13.22. Dute. 34.10.

n Dan. 10.19.

o 6.11; 8.27,32.

p Eks. 34.13. Hlu. 3.7.

q 6.3.

r Josh. 17.16.

s 3.10.

t 3.27.

u Eks. 4.1-7.

v 5.25.

w Gen. 18.32.