NdebeleTeam » Judges » 3

INkosi itshiya izizwe ezithile ukuze ihlole uIsrayeli ngazo

3Lalezi yizizwe iNkosi eyazitshiyayoa ukuze ihlole uIsrayeli ngazo, bonke abangazazanga zonke izimpi zeKhanani; 2 kuphela ukuze izizukulwana zabantwana bakoIsrayeli zazi, ukuzifundisa impi, kuphela abangazazanga phambili: 3 Amakhosi amahlanu amaFilistib, lawo wonke amaKhanani, lamaSidoni, lamaHivi ayehlala entabeni yeLebhanonic, kusukela entabeni yeBhali-Hermoni kuze kube sekungeneni kweHamathi. 4 Zazingezokuhlola uIsrayeli ngazod ukwazi ukuthi bazayilalela yini imilayo yeNkosi eyabalaya yona oyise ngesandla sikaMozisi.

UOthiniyeli

5 Abantwana bakoIsrayeli bahlala-ke phakathi kwamaKhananie, amaHethi, lamaAmori, lamaPerizi, lamaHivi, lamaJebusi. 6 Basebethatha amadodakazi awo ukuba ngomkabof, lamadodakazi abo bawanika amadodana awo, bakhonza onkulunkulu bawo. 7 Abantwana bakoIsrayeli basebesenza okubi emehlweni eNkosig, bayikhohlwa iNkosi uNkulunkulu wabo, bakhonza oBhalih lezixukui. 8 Ngakho ulaka lweNkosi lwavutha kuIsrayelij, yabathengisa esandlenik sikaKushani-Rishathayimil inkosi yeMesopotamiya. Abantwana bakoIsrayeli basebeyisebenzela inkosi uKushani-Rishathayimi iminyaka eyisificaminwembili. 9 Kwathi abantwana bakoIsrayeli bekhala eNkosinim, iNkosi yabavusela abantwana bakoIsrayeli umkhululin owabakhululayo, uOthiniyeli indodana kaKenazio umfowabo kaKalebi ongumnawakhe. 10 Njalo uMoya weNkosi wayephezu kwakhep, wahlulela uIsrayeli, waphuma impi, iNkosi yanikela esandleni sakhe uKushani-Rishathayimi inkosi yeSiriya, lesandla sakhe saba lamandla phezu kukaKushani-Rishathayimi. 11 Lelizwe laba lokuthula iminyaka engamatshumi amaneq. UOthiniyeli indodana kaKenazi wasesifa.

UEhudi

12 Abantwana bakoIsrayeli basebebuya besenza okubi emehlweni eNkosir. INkosi yasimqinisa uEgiloni inkosi yakoMowabi ukumelana loIsrayelis, ngenxa yokuthi babenzile okubi emehlweni eNkosi. 13 Wasezibuthela abantwana bakoAmonit loAmalekiu, waya wamtshaya uIsrayeli, badla ilifa lomuzi wamalalav. 14 Abantwana bakoIsrayeli basebesebenzela uEgiloni inkosi yakoMowabiw iminyaka elitshumi leyisificaminwembili.

15 Kwathi abantwana bakoIsrayeli bekhala eNkosinix, iNkosi yabavusela umkhululi, uEhudi indodana kaGera, umBhenjamini owayelinxele. Abantwana bakoIsrayeli basebethumela ngesandla sakhe isipho kuEgiloni inkosi yakoMowabiy. 16 UEhudi wasezenzela inkemba ebukhali inhlangothi ezimbili, ubude bayo buyingalo, wayibophela ngaphansi kwezigqoko zakhe ethangazini lakhe lokunene. 17 Wasondeza isipho kuEgiloni inkosi yakoMowabi. Njalo uEgiloni wayengumuntu okhulupheleyo kakhulu. 18 Kwasekusithi eseqedile ukusondeza isipho, wasephelekezela abantu ababethwele isiphoz. 19 Kodwa yena wabuyela emuva ezithombeni ezibaziweyo ezaziseGiligalia, wathi: Nkosi, ngilendaba eyimfihlo kuwe. Yasisithi: Thula. Bonke ababemi laye basebephuma. 20 UEhudi wasesiza kuye ehlezi endlini ephezulu epholileyo eyayingeyakhe yedwa. UEhudi wathi: Ngilendaba kaNkulunkulu kuwe. Wasesukuma esihlalweni. 21 UEhudi waseselula isandla sakhe sokhohlo, wathatha inkemba ethangazini lakhe lokunene, wayithela esiswini sakhe, 22 kwaze kwangena lesilanda emva kobukhali, amahwahwa agubuzela ubukhali, ngoba kayingcothulanga inkemba esiswini sakhe, kwasekuphuma umswane. 23 UEhudi wasephuma ekhulusini, wavala iminyango yendlu ephezulu emva kwakheb, wayikhiyac.

24 Yena esephumile, kwafika izinceku zakhe; kwathi zibona, khangela-ke, iminyango yendlu ephezulu yayikhiyiwe, zathi: Sibili wembese inyawo zakhe endlini epholileyo. 25 Njalo zalinda zaze zaba lenhloni; khangela-ke kavulanga iminyango yendlu ephezulu; ngakho zathatha isihluthulelo zavula, khangela-ke, inkosi yazo yayiwele phansi ifile.

26 UEhudi wasephunyuka zisalibeled, yena wedlula ezithombeni ezibaziweyoe, waphunyuka waya eSeyira. 27 Kwasekusithi ekufikeni kwakhe wavuthela uphondof entabeni yakoEfrayimig. Abantwana bakoIsrayeli basebesehla laye ezintabeni, yena ephambi kwabo. 28 Wasesithi kibo: Landelani emva kwami, ngoba iNkosi inikele izitha zenu amaMowabi esandleni senuh. Ngakho behla bamlandela, bathumba amazibuko eJordani aye koMowabii, kabavumelanga muntu ukuchapha. 29 Basebebulala amaMowabi ngalesosikhathi angaba zinkulungwane ezilitshumi, amadoda wonke aqatha lawo wonke amadoda alamandla, njalo kakuphunyukanga muntu. 30 Ngalokho uMowabi wehliselwa phansi mhlalokho ngaphansi kwesandla sikaIsrayeli. Lelizwe laba lokuthula iminyaka engamatshumi ayisificaminwembilij.

UShamigari

31 Lemva kwakhe kwaba loShamigari indodana kaAnathi, owatshaya amaFilisti amadoda angamakhulu ayisithupha ngocijo lwenkabi; laye wasemkhulula uIsrayelik.

a 2.21,22; 3.4. Josh. 13.2-6.

b Josh. 13.3.

c Josh. 13.4,5.

d 2.21,22; 3.4. Josh. 13.2-6.

e Hlab. 106.35. Eks. 13.5.

f Eks. 34.16.

g 2.11.

h 2.13.

i Eks. 34.13. Dute. 16.21.

j 2.14.

k 2.14.

l Hab. 3.7.

m 3.15; 4.3; 6.6,7; 10.10. 1 Sam. 12.10. Neh. 9.27. Hlab. 22.5. Hlab. 78.34; 106.44; 107.6,13,19,28.

n 2.16.

o 1.13.

p Gen. 41.38. Nani 27.18. Hlu. 6.34; 11.29; 13.25; 14.6,19; 15.14. 1 Sam. 10.6,10; 11.6; 16.13. 2 Lan. 15.1; 20.14; 24.20.

q 3.3; 5.31; 8.28. Josh. 11.23.

r 2.19.

s 1 Sam. 12.9.

t 1 Sam. 11.1.

u 5.14; 6.3,33.

v Dute. 34.3.

w Dute. 28.48.

x 3.9.

y 1 Sam. 10.27.

z 2 Sam. 8.2.

a 3.13. Josh. 4.20.

b Gen. 7.16. Hlu. 9.51.

c 2 Sam. 13.17,18.

d Gen. 19.16; 43.10. Hlab. 119.60. Hab. 2.3.

e 3.19.

f 6.34. 1 Sam. 13.3. Nani 10.9.

g 5.14. Josh. 24.33.

h 4.7,14; 6.1; 7.9,15. 1 Sam. 17.47.

i Josh. 2.7. Hlu. 12.5. Josh. 22.11. Hlu. 7.24. 2 Sam. 19.18. Hlu. 3.13.

j 3.11.

k 2.16. Levi 26.8. 1 Sam. 17.47,50.