Ukufa kukaMozisi

34UMozisi wasesenyuka esuka emagcekeni akoMowabi, esiya entabeni yeNebo, engqongeni yePisiga, emaqondana leJerikoa. INkosi yasimtshengisa ilizwe lonke, iGileyadi kuze kube koDanib, 2 layo yonke iNafithali, lelizwe lakoEfrayimi, leManase, lelizwe lonke lakoJuda, kwaze kwaba selwandle lokucinac, 3 leningizimu, legceke lesigodi seJerikod, umuzi wamalalae, kwaze kwaba seZowarif. 4 INkosi yasisithi kuye: Leli yilizwe engalifungela uAbrahama, uIsaka, loJakobe ngisithi: Ngizalinika inzalo yakhog. Sengikwenze walibona ngamehlo akho, kodwa kawuyikuchaphela kiloh.

5 UMozisi inceku yeNkosi wasefela khona elizweni lakoMowabi njengokomlayo weNkosi. 6 Yasimngcwaba esigodini elizweni lakoMowabi maqondana leBeti-Peyorii; kodwa kakulamuntu olaziyo ingcwaba lakhe kuze kube lamuhlaj.

7 Njalo uMozisi wayeleminyaka elikhulu lamatshumi amabili ekufeni kwakhek. Amehlo akhe ayengafiphalanga, lamandla akhe ayenganyamalalangal.

8 Abantwana bakoIsrayeli basebemlilela uMozisi emagcekeni akoMowabi insuku ezingamatshumi amathathu; zaphela-ke insuku zokukhala zokumlilela uMozisim.

9 Njalo uJoshuwa indodana kaNuni wayegcwele umoya wokuhlakaniphan, ngoba uMozisi wayebekile izandla zakhe phezu kwakhe. Ngakho abantwana bakoIsrayeli bamlalela, benza njengalokhu iNkosi imlayile uMozisio.

10 Kakusavelanga-ke umprofethi koIsrayeli onjengoMozisip, iNkosi eyamazi ubuso ngobusoq, 11 ngazo zonke izibonakaliso lezimangaliso iNkosi eyamthuma ukuthi azenze elizweni leGibhithe, kuFaro lakuzo zonke inceku zakhe lelizweni lakher lonke, 12 langaso sonke lesosandla esilamandlas langakho konke okwesabekayo okukhulut uMozisi akwenzayo phambi kwamehlo kaIsrayeli wonke.