Izibusiso zokulalela

28Kuzakuthi-ke, uba ulalela lokulalela ilizwi leNkosi uNkulunkulu wakho, ukugcina ukwenza yonke imilayo yayo engikulaya yona lamuhlaa, iNkosi uNkulunkulu wakho izakumisa phezulu phezu kwazo zonke izizwe zomhlabab. 2 Lalezizibusiso zonke zizakuza phezu kwakho, zikufice, nxa ulalela ilizwi leNkosi uNkulunkulu wakhoc.

3 Uzabusiswa emzini, ubusiswe futhi ensiminid.

4 Sizabusiswa isithelo sesizalo sakho, lesithelo somhlaba wakho, lenzalo yezifuyo zakhoe, umqegu wenkomo zakho, lamazinyane ezimvu zakhof.

5 Kuzabusiswa isitsha sakhog, lomganu wakho wokuxovela izinkwa.

6 Uzabusiswa ekungeneni kwakho, ubusiswe ekuphumeni kwakhoh.

7 INkosi izakwenza izitha zakho ezikuvukelayo zitshaywe phambi kwakho; zizaphuma ukumelana lawe ngandlelanye, zibaleke phambi kwakho ngezindlela eziyisikhombisai.

8 INkosi izalaya isibusiso phezu kwakho, eziphaleni zakhoj lakukho konke obeka kukho isandla sakho, ikubusise elizweni iNkosi uNkulunkulu wakho ekunika lonak.

9 INkosi izazimisela wena ube yisizwe esingcwele, njengokufunga kwayo kuwe, uba ugcina imilayo yeNkosi uNkulunkulu wakho, uhambe endleleni zayol. 10 Labo bonke abantu basemhlabeni bazabona ukuthi ibizo leNkosi libizwa phezu kwakhom, bakwesaben. 11 LeNkosi izakwandisela okuhle, esithelweni sesizalo sakho, lenzalweni yezifuyo zakho, lesithelweni somhlaba wakho, elizweni iNkosi eyafungela oyihlo ukukunika lonao. 12 INkosi izakuvulela okuligugu kwayo okulungileyo, amazulu, ukunika izulu elizweni lakho ngesikhathi salop, lokubusisa umsebenzi wonke wesandla sakhoq; njalo uzakweboleka izizwe ezinengi, kodwa wena ungeboleki kuzor. 13 INkosi izakwenza ube yinhloko, ungabi ngumsila; uzakuba ngaphezulu kuphela, ungabi ngaphansi, uba ulalela imilayo yeNkosi uNkulunkulu wakho engikulaya yona lamuhla ukuyigcina lokuyenzas. 14 Ungaphambuki lakwelilodwa lamazwi engililaya wona lamuhla, ukuya ngakwesokunene langakwesokhohlo, ukulandela abanye onkulunkulu ukubakhonzat.

Iziqalekiso zokungalaleli

15 Kodwa kuzakuthi, uba ungalaleli ilizwi leNkosi uNkulunkulu wakho, ukugcina ukwenza yonke imilayo yayo lezimiso zayo engikulaya zona lamuhla, leziziqalekiso zonke zize phezu kwakhou zikuficev.

16 Uzaqalekiswa emzini, uqalekiswe futhi ensiminiw.

17 Kuzaqalekiswa isitsha sakho lomganu wakho wokuxovela izinkwa.

18 Kuzaqalekiswa isithelo sesizalo sakho, lesithelo somhlaba wakho, umqegu wenkomo zakho, lamazinyane ezimvu zakho.

19 Uzaqalekiswa ekungeneni kwakho, uqalekiswe ekuphumeni kwakho.

20 INkosi izathumela phakathi kwakho isiqalekisox, inhluphekoy, lokukhuzaz, kukho konke obeka isandla sakho kukho ukukwenza, uze uchithwe, njalo uze ubhubhe masinyane, ngenxa yobubi bezenzo zakho, ongidele ngazoa. 21 INkosi izanamathelisa kuwe umatshayabhuqe wesifo, aze akuqede usuke elizweni oya kulo ukudla ilifa lalob. 22 INkosi izakutshaya ngesifo esicakisayoc, langoqhuqho, langokuvuvuka komzimba, langokutshisa okukhulukazi, langenkembad, langokuhangukae, langengumanef; njalo kuzakuxotsha uze ubhubhe. 23 Lesibhakabhaka sakho esiphezu kwekhanda lakho sizakuba lithusi, lomhlaba ongaphansi kwakho ube yinsimbig. 24 INkosi izakwenza izulu lelizwe lakho libe lubhuqu lothuli, kwehlele phezu kwakho kuvela emazulwini, uze ubhujiswe. 25 INkosi izakwenza utshaywe phambi kwezitha zakho; uzaphuma umelane lazo ngandlelanye, njalo uzabaleka phambi kwazo ngezindlela eziyisikhombisah; uzakuba yinto eyesabekayo kuyo yonke imibuso yomhlabai. 26 Lesidumbu sakho sizakuba yikudla kwenyoni zonke zamazulu lokwezinyamazana zomhlabaj, njalo kungabi khona ozethusayok. 27 INkosi izakutshaya ngamathumba eGibhithel, lamaqhubum, loqweqwe, lenkomo, ongelakwelatshwa kukhon. 28 INkosi izakutshaya ngobuhlanya langobuphofuo langokudideka kwenhliziyop. 29 Njalo uzaphumputha emini njengesiphofu siphumputha emnyameni, ungenzi indlela zakho ziphumelele; ucindezelwe kuphela, uphangwe insuku zonke, kungabi khona osindisayoq. 30 Uzagana umfazi, kodwa enye indoda ilale layer; uzakwakha indlu, kodwa ungahlali kuyo; uhlanyele isivini, kodwa ungakhi izithelo zasos. 31 Inkabi yakho izahlatshwa phambi kwamehlo akho, ungadli okwayo; ubabhemi wakho athathwe ngodlakela phambi kobuso bakho, angabuyiselwa kuwe; izimvu zakho zizanikwa izitha zakho, kungabi khona okusindiselayo. 32 Amadodana akho lamadodakazi akho azanikelwa kwesinye isizwe, lamehlo akho azakhangela abalangathe usuku lonket; kodwa kungabi lamandla esandleni sakhou. 33 Isithelo somhlaba wakho, lomsebenzi wakho wonke, isizwe ongasaziyo sizakudla. Uzacindezelwa kuphela, uchotshozwe insuku zonkev, 34 uze uhlanye ngenxa yokubona kwamehlo akho ozakubonaw. 35 INkosi izakutshaya emadolweni lemilenzeni ngamathumba amabi angelakwelatshwa, kusukela kungaphansi yonyawo lwakho kuze kube senkanda yakhox. 36 INkosi izakusa wena lenkosi yakho owayibeka phezu kwakho esizweni ongasaziyo wena laboyihloy, ukhonze lapho abanye onkulunkulu, isigodo lelitshez. 37 Uzakuba yinto eyesabekayoa, isagab, lenhlekisa phakathi kwazo zonke izizwec, lapho iNkosi ezakusa khona. 38 Uzaphuma lenhlanyelo enengi uye ensimini, kodwa ubuthelele okulutshwanad, ngoba isikhonyane sizakudlae. 39 Uzahlanyela izivini, uzisebenze, kodwa kawuyikunatha iwayini, kawuyikubutha lutho, ngoba imihogoyi izazidla. 40 Uzakuba lezihlahla zemihlwathi phakathi kwemingcele yakho yonke, kodwa kawuyikugcoba ngamafutha, ngoba imihlwathi izawohloka. 41 Uzazala amadodana lamadodakazi, kodwa kawayikuba ngawakho, ngoba azakuya ekuthunjwenif. 42 Zonke izihlahla zakho lezithelo zomhlaba wakho zizakuba ngezesikhonyane. 43 Owemzini ophakathi kwakho uzaphakama phezu kwakho aqonge phezulu, wena-ke uzakwehlela phansi phansig. 44 Yena uzakweboleka, kodwa wena ungamebolekih; yena uzakuba yinhloko, kodwa wena ube ngumsilai. 45 Lazo zonke leziziqalekiso zizakwehlela, zixotshane lawe, zikufice, uze ubhujiswe, ngoba ungalilalelanga ilizwi leNkosi uNkulunkulu wakho, ukugcina imilayo yayo lezimiso zayo eyakulaya zonaj. 46 Njalo zizakuba phezu kwakho ukuba yisibonakaliso lokuba yisimangaliso, laphezu kwenzalo yakho kuze kube nininini. 47 Njengoba ungayikhonzangak iNkosi uNkulunkulu wakho ngentokozo langokuhle kwenhliziyol, ngenxa yobunengi bakho konkem, 48 ngakho uzakhonza izitha zakho iNkosi ezazithuma ukumelana lawe, endlaleni, lekomeni, lekuhambenize, lekusweleni konke. Njalo izabeka ijogwe lensimbi entanyeni yakho, ize ikubhubhise.n 49 INkosi izakuvusela isizwe esivela khatshana, emkhawulweni womhlabao, njengokuphapha kokhozi, isizwe olimi lwaso ongayikuluzwap, 50 isizwe esilobuso obesabekayo, esingemukeli ubuso bomdala, esingelamusa komutshaq. 51 Sizakudla isithelo sezifuyo zakho lesithelo somhlaba wakho, uze ubhujiswe; okungayikukutshiyela amabele, iwayini elitsha, lamafutha, umqegu wenkomo zakho, lamazinyane ezimvu zakho, size sikuchither. 52 Sizakuvimbezela emasangweni akho wonke, ize idilike imiduli yakho ephakemeyo lebiyelwe ngemithangala obuthembela kuyo, elizweni lonke lakho; njalo sizakuvimbezela emasangweni akho wonke elizweni lonke lakho iNkosi uNkulunkulu wakho ekunike lonas. 53 Njalo uzakudla isithelo sesizalo sakho, inyama yamadodana leyamadodakazi akho, iNkosi uNkulunkulu wakho ekunike wonat, ekuvinjezelweni lekucindezelweni, izitha zakho ezizakucindezela ngakhou. 54 Indoda ebuthakathaka phakathi kwakho letotoziweyo kakhulu, ilihlo layo lizakuba libi kumfowabov, lakumkayo wesifuba sayo, lakunsali yabantwana bayo ezabatshiyaw; 55 ukuze inganiki lamunye wabo okwenyama yabantwana bayo ebadlayo, ngoba ingasalelwanga lutho ekuvinjezelweni lekucindezelweni, izitha zakho ezizakucindezela ngakho emasangweni akho wonkex. 56 Owesifazana obuthakathaka lototoziweyo phakathi kwakho ongazamanga ukubeka ingaphansi yonyawo lwakhe emhlabathini ngenxa yokutotozwa lobuthakathakay, ilihlo lakhe lizakuba libi endodeni yesifuba sakhe, lasendodaneni yakhe, lasendodakazini yakhez, 57 lakumnakwabo ophuma phakathi kwenyawo zakhe, lebantwaneni azabazalaa; ngoba uzabadla ensitha ngenxa yokuswela konke, ekuvinjezelweni lekucindezelweni, isitha sakho esizakucindezela ngakho emasangweni akhob.

58 Uba ungayikugcina ukwenza wonke amazwi alumlayo abhaliweyo egwalweni lolu, ukwesaba lelibizo elilodumo lelesabekayo, iNkosi uNkulunkulu wakho, 59 iNkosi izakwenza-ke inhlupheko zakho zimangalise, lenhlupheko zenzalo yakho, inhlupheko ezinkulu leziqhubekayo, lemikhuhlane emibi leqhubekayoc. 60 Njalo izabuyisela kuwe zonke izifo zeGibhithe owawuzesaba, zizanamathela kuwed, 61 lawo wonke umkhuhlane layo yonke inhlupheko engabhalwanga egwalweni lwalumlayo, iNkosi izakwehlisela zona uze ubhujiswe. 62 Njalo lizasala lilabantu abalutshwanae, endaweni yokuthi lalinjengenkanyezi zamazulu ngobunengi, ngoba kawulalelanga ilizwi leNkosi uNkulunkulu wakhof. 63 Kuzakuthi-ke, njengalokhu iNkosi yathokoza ngani ukulenzela okuhle lokulandisag, ngokunjalo iNkosi izajabula ngani ukulichitha lokuliqeda, lihluthunwe elizweni ongena kulo ukudla ilifa laloh. 64 INkosi izakuhlakazela-ke phakathi kwezizwe zonke, kusukela komunye umkhawulo womhlaba kuze kube komunye umkhawulo womhlabai, ukhonze lapho abanye onkulunkulu, wena laboyihlo elingabazanga, isigodo lelitshej. 65 Laphakathi kwalezozizwe kawuyikuphumula, lengaphansi yonyawo lwakho kayiyikuba lendawo yokuphumulak; kodwa lapho iNkosi izakupha inhliziyo ethuthumelayol, lokufiphala kwamehlom, lokudangala komphefumulon. 66 Lempilo yakho izahlala isevalweni phambi kwakho; uzatshaywa luvalo ebusuku lemini, ungabi lethemba lempilo yakho. 67 Ekuseni uzakuthi: Kungathi kungahlwa! Lakusihlwa uzakuthi: Kungathi kungasa! ngenxa yokwesaba kwenhliziyo ozakwesaba ngakhoo, langenxa yokubona kwamehlo akho ozakubonap. 68 LeNkosi izakubuyisela eGibhithe ngemikhumbi, ngendlela engatsho ngayo kuwe ukuthiq: Kawusayikuyibona futhi. Lapho lizazithengisa ezitheni zakho libe yizigqili lezigqilikazi, kodwa kakuyikuba lomthengir.