NdebeleTeam » Deuteronomy » 23

Abangavunyelwayo ukungena ebandleni leNkosi

23Olimele emasendeni, loba oqunywe amaphambili, angangeni ebandleni leNkosi.

2 Ozelwe ngobufebe angangeni ebandleni leNkosi; ngitsho isizukulwana sakhe setshumi kasiyikungena ebandleni leNkosia.

3 UmAmoni lomMowabi kangangeni ebandleni leNkosi; ngitsho isizukulwana sabo setshumi kasiyikungena ebandleni leNkosi, kuze kube laphakadeb; 4 ngenxa yokuthi kabalihlangabezanga endleleni ngesinkwa langamanzi ekuphumeni kwenu eGibhithec; futhi ngoba baqhatsha ukumelana lawe uBalami indodana kaBeyori owePethori oweMesopotamiya ukuze akuqalekised. 5 Kodwa iNkosi uNkulunkulu wakho kayifunanga ukuzwa uBalami; kodwa iNkosi uNkulunkulu wakho yaphendula isiqalekiso saba yisibusiso kuwe, ngoba iNkosi uNkulunkulu wakho yakuthandae. 6 Kawuyikudinga ukuthula kwabo lokuhle kwabo zonke izinsuku zakho, kuze kube laphakadef.

7 Unganengwa ngumEdoma, ngoba ungumfowenu; unganengwa ngumGibhitheg, ngoba wawungowemzini elizweni lakheh. 8 Abantwana abazalwa yibo, besizukulwana sesithathu sabo, bangangena ebandleni leNkosi.

Ukuhlambuluka kwamathente

9 Lapho inkamba iphuma ukuyamelana lezitha zakho, uzazigcina kuyo yonke into embi.

10 Uba ekhona phakathi kwenu umuntu ongahlambulukanga ngenxa yokungcola okwehla ebusuku, uzaphumela ngaphandle kwenkamba, angangeni phakathi kwenkambai. 11 Kodwa kuzakuthi sekuzakuhlwa uzageza ngamanzi, lalapho ilanga selitshonile angene aye phakathi kwenkambaj.

12 Njalo uzakuba lendawo ngaphandle kwenkamba lapho ozaphumela khona ukuya ngaphandlek, 13 ube lesikhonkwane ezikhalini zakho; njalo kuzakuthi usuye1 ngaphandle, ugebhe ngaso, uphenduke ugqibele okuphume kuwe. 14 Ngoba iNkosi uNkulunkulu wakho iyahamba phakathi kwenkamba yakho, ukukukhululal, lokunikela izitha zakho phambi kwakho. Ngakho inkamba yakho izakuba ngcwele, ukuze ingaboni lutho oluyangisayo phakathi kwakho, ikufulathelem.

Imilayo emayelana lezigqili, lamawule, lomvuzo

15 Unganikeli enkosini yaso isigqili esibalekele kuwe sisuka enkosini yason; 16 sizahlala lawe phakathi kwakho, endaweni esizayikhetha, kwelinye lamasango akho, lapho okusilungele khona; ungasicindezelio.

17 Kakungabi khona iwule elethempeli phakathi kwamadodakazi akoIsrayelip, njalo kakungabi khona inkotshana phakathi kwamadodana akoIsrayeliq. 18 Ungalethi iholo lewule lemali yenja endlini yeNkosi uNkulunkulu wakho ngokwaloba yisiphi isithembiso; ngoba lokho kokubili kuyisinengiso eNkosini uNkulunkulu wakho.

19 Ungeboleki umfowenu ngenzalo, inzalo yemali, inzalo yokudla, inzalo yaloba yiyiphi into ebolekwa ngenzalor. 20 Ungeboleka owezizweni ngenzalo, kodwa ungeboleki umfowenu ngenzalos, ukuze iNkosi uNkulunkulu wakho ikubusise kukho konket ofaka isandla sakho kukho elizweni oya kulo ukudla ilifa lalou.

21 Nxa uthembisa isithembiso eNkosini uNkulunkulu wakho, ungaphuzi ukusikhokha; ngoba iNkosi uNkulunkulu wakho izasibiza lokusibiza kuwe; njalo kuzakuba yisono kuwev. 22 Kodwa uba uyekela ukuthembisa, kakuyikuba yisono kuwe. 23 Lokho okuphuma endebeni zakho uzakugcina ukwenze; njengokuthembisa kwakho eNkosini uNkulunkulu wakho, umnikelo wesihle owukhulume ngomlomo wakho.

24 Nxa ungena esivinini somakhelwane wakho, ungadla izithelo zevini njengokuthanda kwakho usuthe; kodwa ungafaki lutho esitsheni sakho. 25 Nxa ungena emabeleni amileyo kamakhelwane wakhow, ungakha izikhwebu ngesandla sakho; kodwa ungangenisi isikela emabeleni amileyox kamakhelwane wakhoy.

a Zek. 9.6.

b Neh. 13.1,2.

c 2.29.

d Nani 22.5,6. 2 Pet. 2.15.

e Nani 23.11.

f Ezra 9.12.

g Gen. 25.24-26. Obad. 10,12.

h Eks. 22.21; 23.9. Levi 19.34. Dute. 10.19.

i Levi 15.16.

j Levi 15.5.

k Nani 2.17.

1 usuye: Heb. usuhlezi.

l Levi 26.12.

m 7.2,23.

n 1 Sam. 30.15.

o Eks. 22.21.

p Levi 19.29.

q 1 Kho. 14.24. 15.12. 22.46. 2 Kho. 23.7.

r Eks. 22.25. Luka 6.34,35.

s 15.3.

t 15.10.

u 12.7.

v Nani 30.2. Hlab. 66.13,14. 76.11.

w 16.9.

x 16.9.

y Nani 30.2. Hlab. 66.13,14. 76.11.