NdebeleTeam » Deuteronomy » 13

13Uba kuvela phakathi kwakho umprofethi kumbe umphuphi wamaphuphoa, akunike isibonakaliso loba isimangalisob, 2 lesibonakaliso loba isimangaliso akhulume ngaso kuwe senzakale, esithi: Asilandele abanye onkulunkulu ongabazanga, sibakhonzec; 3 ungalaleli amazwi alowomprofethi loba lowomphuphi wamaphupho; ngoba iNkosi uNkulunkulu wenu iyalilinga ukuze yazi ukuthi liyayithanda yini iNkosi uNkulunkulu wenu ngenhliziyo yenu yonke langomphefumulo wenu wonked. 4 INkosi uNkulunkulu wenu lizayilandela, yona liyesabe, imithetho yayo liyigcine, ilizwi layo lililalele, yona liyikhonzee, kuyo linamathelef. 5 Lalowomprofethi loba lowomphuphi wamaphupho kabulawe, ngoba ukhulume ukuhlamukela iNkosi uNkulunkulu wenu, eyalikhupha elizweni leGibhithe, yakuhlenga endlini yobugqilig, ukukufuqa uphambuke endleleni iNkosi uNkulunkulu wakho eyakulaya ukuhamba ngayoh. Ngalokhu uzakhupha ububi phakathi kwakhoi.

6 Uba umfowenu, indodana kanyoko, loba indodana yakho, loba indodakazi yakhoj, loba umfazi wesifuba sakho, kumbe umngane wakhok onjengomphefumulo wakho, ekuyenga ensitha esithi: Asihambe, siyekhonza abanye onkulunkulu, ongabazanga, wena laboyihlol, 7 babonkulunkulu babantu abalizingelezeleyo, abaseduze lawe loba abakhatshana lawe, kusukela komunye umkhawulo womhlaba kuze kufike komunye umkhawulo womhlabam, 8 ungamvumeli, ungamlalelin, futhi ilihlo lakho lingamhawukeli, njalo ungamyekeli, ungamfihlio, 9 kodwa umbulale lokumbulala; isandla sakho sizakuba ngesokuqala phezu kwakhe ukumbulala, lemva kwalokho isandla sabantu bonkep. 10 Njalo mkhande ngamatshe aze afeq, ngoba ubedinga ukukufuqa uphambuke eNkosini uNkulunkulu wakho, eyakukhupha elizweni leGibhithe, endlini yobugqilir. 11 LoIsrayeli wonke uzakuzwa, esabe, angabe esenza ububi obunjengalobo phakathi kwakhos.

12 Uba usizwa komunye wemizi yakho, iNkosi uNkulunkulu wakho ekunika yona, ukuthi uhlale khona, kuthiwat: 13 Kuphumile amadoda, abantwana bakaBheliyali, phakathi kwakho, afuqa aphambula abakhileyo bomuzi wawo esithi: Asihambe siyekhonza abanye onkulunkulu elingabazanga; 14 khona uzabuza, uhlolisise, udingisise; khangela, uba kuliqiniso, leyonto iqinisekile, lesisinengiso senziwe phakathi kwakhou, 15 uzatshaya lokubatshaya abakhileyo balowomuzi ngobukhali benkemba, uwutshabalalise, lakho konke okukuwo lezifuyo zawo, ngobukhali benkembav. 16 Uzabuthela yonke impango yawo phakathi komdanga wawo, utshise ngomlilo umuzi lempango yawo yonke uphele du, eNkosini uNkulunkulu wakhow; njalo uzakuba yinqumbi phakade, awuyikwakhiwa futhix. 17 Kunganamatheli lutho kwalokho okuqalekisiweyo esandleni sakho, ukuze iNkosi iphenduke ekuvutheni kwentukuthelo yayo, ikuphe umusa, ibe lobubele kuwe, ikwandisey, njengalokhu yafunga kuboyihloz, 18 uba ulalela ilizwi leNkosi uNkulunkulu wakho, ukugcina yonke imithetho yayo engikulaya yona lamuhla, ukwenza okulungileyo emehlweni eNkosi uNkulunkulu wakhoa.

a Zek. 10.2.

b Mat. 7.22,23. 24.24. 2 Thes. 2.9,11. Isam. 13.14.

c 18.22. Jer. 28.9.

d 8.2.

e 2 Kho. 23.3. 2 Lan. 34.31.

f 10.20.

g 18.20. Jer. 14.15. Zek. 13.3.

h 13.5,10. 2 Kho. 17.21.

i 17.7,12. 19.19. 21.21. 22.21,22,24. 24.7. 1 Kor. 5.13.

j 17.2.

k 28.54,56. Mika 7.5.

l 1 Sam. 18.1,3. 20.17.

m 6.14.

n Zaga 1.10.

o 7.16.

p 17.7.

q 17.5.

r 13.5,10; 2 Kho. 17.21.

s 17.13. 19.20.

t Josh. 22.11.

u 17.4. 19.18.

v Eks. 22.20. Josh. 6.17,21.

w Josh. 6.24.

x Josh. 8.28. Jer. 49.2.

y Josh. 7.26.

z Gen. 22.16,17. Gen. 50.24.

a 12.25,28.