Ubukhulu beNkosi

11Ngakho wothanda iNkosi uNkulunkulu wakhoa, ugcine umlayo wayo lezimiso zayo lezahlulelo zayo lemithetho yayo insuku zonkeb. 2 Yazini lamuhla, ngoba kangikhulumi ebantwaneni benu abangakwaziyo labangakubonanga ukulaya kweNkosi uNkulunkulu wenuc, ubukhulu bayod, isandla sayo esilamandla, lengalo yayo eyeluliweyoe, 3 lezibonakaliso zayo lezenzo zayo eyazenza phakathi kweGibhithe kuFaro inkosi yeGibhithe, lelizweni lakhe lonkef, 4 lalokho eyakwenza ebuthweni leGibhithe, emabhizeni ayo lenqoleni zayo, lokuthi yenza amanzi oLwandle oluBomvu abakhukhule lapho bexotshana lani, lokuthi iNkosi yababhubhisa, kuze kube lamuhlag, 5 lalokho eyakwenza kini enkangala laze lafika kulindawo, 6 lalokho eyakwenza kuDathani lakuAbiramu amadodana kaEliyabi indodana kaRubeni, ukuthi umhlaba wakhamisa umlomo wawo wabaginya bona labezindlu zabo, lamathente aboh, lakho konke okwakungokwabo, phakathi kukaIsrayeli wonkei. 7 Kodwa amehlo enu abonile zonke izenzo ezinkulu zeNkosi eyazenzayo. 8 Ngakho lizagcina yonke imithetho engikulaya yona lamuhla, ukuze libe lamandla lingene lidle ilifa lelizwe, elichaphela kulo ukuyakudla ilifa laloj, 9 lokuthi lelule izinsuku elizwenik iNkosi eyalifungela oyihlo ukubanika lona lenzalo yabol, ilizwe eligeleza uchago lolujum.

Izibusiso zelizwe elithenjisiweyo

10 Ngoba ilizwe ongena kilo ukudla ilifa lalo kalinjengelizwe leGibhithe eliphuma kilo, lapho owahlanyela khona inhlanyelo yakho, wayithelela ngonyawo lwakho, njengesivande semibhidan; 11 kodwa ilizwe elichaphela kilo ukudla ilifa lalo liyilizwe lamaqaqa lezigodi, linatha amanzi ngezulu lamazuluo; 12 ilizwe iNkosi uNkulunkulu wakho elikhathalelayo; amehlo eNkosi uNkulunkulu wakho aphezu kwalo njalo, kusukela ekuqaleni komnyaka kuze kube sekupheleni komnyakap.

13 Kuzakuthi-ke, uba lilalela lokulalela imithetho yami engililaya yona lamuhla, ukuthanda iNkosi uNkulunkulu wenu, lokuyikhonza ngenhliziyo yenu yonke langomphefumulo wenu wonkeq, 14 ngizanika izulu lelizwe lenu ngesikhathi salor, izulu elokuqala lezulu lokucina, ukuze ubuthe amabele akho lewayini lakho elitsha lamafutha akhos. 15 Ngizanika izifuyo zakho utshani edlelweni lakhot, njalo uzakudla, usutheu. 16 Ziqapheleni, hlezi inhliziyo yenu ikhohliseke, liphambukev, likhonze abanye onkulunkulu, libakhothamelew, 17 ukuze ulaka lweNkosi lulivuthelex, njalo ivale amazulu, ukuze kungabi khona izuluy, lelizwe lingatheli isivuno saloz, libhubhe masinyane lisuke elizweni elihle iNkosi elinika lonaa.

18 Ngakho lizabeka lamazwi ami enhliziyweni yenu lemphefumulweni wenub, liwabophele esandleni senu abe luphawu, ukuze abe ngamafilakteriyu* phakathi laphakathi kwamehlo enuc. 19 Lizawafundisa abantwana benu, ukhulume ngawo lapho uhlezi endlini yakho, lalapho uhamba endleleni, lalapho ulala, lalapho uvukad. 20 Liwabhale emigubazini yendlu yakho lemasangweni akhoe, 21 ukuze zande insuku zenu lensuku zabantwana benu, elizweni iNkosi eyalifungela oyihlo ukubanika lonaf, njengensuku zamazulu phezu komhlabag.

22 Ngoba uba ligcina lokugcina yonke imithetho le engililaya ukuthi liyenze, ukuthanda iNkosi uNkulunkulu wenu, ukuhamba ngendlela zayo zonkeh, lokunamathela kuyoi, 23 khona iNkosi izaxotsha elifeni zonke lezizizwe zisuke phambi kwenuj, lidle ilifa lezizwe ezinkulu lezilamandla kulanik. 24 Yonke indawo lapho ingaphansi yonyawo lwenu ezanyathela khona izakuba ngeyenul; kusukela enkangala, leLebhanoni, kusukela emfuleni, umfula iYufrathim, kuze kufike elwandle lokucina, kuzakuba ngumngcele wenun. 25 Kakulamuntu ozakuma phambi kwenuo; iNkosi uNkulunkulu wenu izabeka ukwesabeka kwenu lokutshaywa luvalo ngani phezu kwalo lonke ilizwe elizanyathela kulop, njengalokhu etshilo kiniq.

26 Khangelani, lamuhla ngiyabeka phambi kwenu isibusiso lesiqalekisor; 27 isibusiso, uba lilalela imithetho yeNkosi uNkulunkulu wenu engililaya yona lamuhlas; 28 lesiqalekiso, uba lingalaleli imithetho yeNkosi uNkulunkulu wenu, kodwa liphambuka endleleni engililaya yona lamuhlat, ukulandela abanye onkulunkulu elingabazangau. 29 Kuzakuthi lapho iNkosi uNkulunkulu wakho esekungenisile elizweni oya kulo ukudla ilifa lalo, uzabeka isibusiso phezu kwentaba yeGerizimi, lesiqalekiso phezu kwentaba yeEbhaliv. 30 Angithi zona ziphetsheya kweJordani emva kwendlela yekutshoneni kwelanga, elizweni lamaKhanani ahlala emagcekeni maqondana leGiligali, eduze lezihlahla zama-okhi*w zeMorex? 31 Ngoba lizachapha iJordani ukuze lingene lidle ilifa lelizwe iNkosi uNkulunkulu wenu elinika lona. Lizakudla ilifa lalo, lihlale kiloy, 32 linanzelele ukwenza zonke izimiso lezahlulelo engizibeka phambi kwenu lamuhlaz.