Bible

9Zwana, Israyeli; uzachapha iJordani lamuhla, ukungenela ukudla ilifa lezizwea ezinkulu lezilamandla kulawe, imizi emikhulub ebiyelwe ngemithangala efika emazulwinic. 2 Abantu abakhulu labade, abantwana bamaAnaki wena obaziyo, wena osuzwile ngabo kuthiwa: Ngubani ongema phambi kwabantwana bakaAnakid? 3 Ngakho yazi lamuhla ukuthi yiNkosi uNkulunkulu wakho echapha phambi kwakhoe, engumlilo oqothulayof; yona izabachitha, njalo yona izabehlisela phansi phambi kwakhog; njalo lizabaxotsha basuke elifeni labo, libabhubhise masinyane, njengokutsho kweNkosi kuweh. 4 Ungakhulumi enhliziyweni yakho, lapho iNkosi uNkulunkulu wakho isibaxotshile phambi kwakho, usithi: Ngenxa yokulunga kwami iNkosi ingingenise ukudla ilifa lelizwe lelii. Kodwa ngenxa yobubi balezizizwe iNkosij izixotsha zisuke elifeni lazo phambi kwakhok. 5 Kakungenxa yokulunga kwakho kumbe ngenxa yobuqotho benhliziyo yakho ukuthi ungene ukudla ilifa lelizwe lazol; kodwa ngenxa yobubi balezizizwe iNkosi uNkulunkulu wakho izixotsha zisuke elifeni lazo phambi kwakhom, lokuthi iqinise ilizwi iNkosi eyalifungela oyihlo, uAbrahama, uIsaka loJakoben. 6 Yazi-ke ukuthi kakungenxa yokulunga kwakho ukuthi iNkosi uNkulunkulu wakho ikunika lelilizwe elihle ukuthi udle ilifa lalo; ngoba uyisizwe esilentamo elukhunio.

7 Khumbula, ungakhohlwa, ukuthi wayithukuthelisa iNkosi uNkulunkulu wakho enkangala; kusukela osukwini owaphuma ngalo elizweni leGibhithe laze lafika kulindawo, beliyivukela iNkosip. 8 LeHorebe layithukuthelisa iNkosi, yaze yalithukuthelela iNkosi ukulichithaq. 9 Sengenyukele entabeni ukwemukela izibhebhe zamatshe, izibhebhe zesivumelwano iNkosi eyasenza lanir, ngasengihlala entabeni insuku ezingamatshumi amane lobusuku obungamatshumi amane, angidlanga sinkwa, anginathanga manzis. 10 INkosi yasinginika lezozibhebhe ezimbili zamatshe zilotshwe ngomunwe kaNkulunkulu, laphezu kwazo kulotshiwe ngokwamazwi wonke iNkosi eyayiwakhulume lani entabeni, iphakathi komlilot ngosuku lokuhlanganau. 11 Kwasekusithi ekupheleni kwensuku ezingamatshumi amane lobusuku obungamatshumi amane, iNkosi yangipha izibhebhe ezimbili zamatshe, izibhebhe zesivumelwano. 12 INkosi yasisithi kimi: Sukuma wehle ngokuphangisa usuke lapha, ngoba abantu bakho owabakhupha eGibhithe bonakalisilev, baphambukile ngokuphangisa endleleni engabalaya yona, bazenzela isithombe esibunjwe ngokuncibilikisaw. 13 INkosi yasikhuluma kimi isithi: Ngibabonile lababantux, khangela-ke, bangabantu abantamo zilukhuniy. 14 Ngiyekela ukuze ngibabhubhisez, ngesule ibizo labo lisuke ngaphansi kwamazulua; njalo ngizakwenza ube yisizwe esilamandla lesikhulu kulabob. 15 Ngasengiphenduka ngisehla entabenic, lentaba yayivutha umlilo; lezibhebhe zombili zesivumelwano zazisezandleni zami zombilid. 16 Ngasengibona, khangelani-ke, lalonile eNkosini uNkulunkulu wenu, lalizenzele ithole elibunjwe ngokuncibilikisa, laliphambukile ngokuphangisa endleleni iNkosi eyayililayilee. 17 Ngasengibamba izibhebhe zombili, ngazilahla ezandleni zami zombili, ngazibulala phambi kwamehlo enu. 18 Ngasengiziwisela phansi phambi kweNkosif njengakuqala, insuku ezingamatshumi amane lobusuku obungamatshumi amaneg, ngingadli sinkwa, nginganathi manzi, ngenxa yaso sonke isono senu elisonileyo, lisenza okubi emehlweni eNkosi, liyithukuthelisah. 19 Ngoba ngangisesaba ukuthukuthela lolaka iNkosi eyayilithukuthelela ngakho ukulibhubhisa; kodwa iNkosi yangizwa langalesosikhathii. 20 INkosi yasimthukuthelela kakhulu uAroni ukuze imbhubhise; kodwa ngamkhulekela loAroni ngalesosikhathij. 21 Ngasengithatha isono senu, ithole elalilenzile, ngalitshisa ngomlilo, ngalichoboza, ngalicholisisa laze laba lincinyane njengothuli; ngaphosa uthuli lwalo esifuleni esasisehla entabeni. 22 LeTaberak, leMasal, leKiribothi-Hathavam laliyithukuthelisa iNkosi. 23 Lalapho iNkosi yalithuma lisuka eKadeshi-Bhaneyan isithi: Yenyukani, lidle ilifa lelizwe engilinike lona, laselihlamukela umlayo weNkosi uNkulunkulu wenu, kaliyikholwanga, kalilalelanga ilizwi layoo. 24 Lalivele liyivukele iNkosi kusukela osukwini engalazi ngalop. 25 Ngasengiziwisela phansi phambi kweNkosi insuku ezingamatshumi amane lobusuku obungamatshumi amane, engaziwisela phansi ngazoq, ngoba iNkosi yayithe izalichitha. 26 Ngasengikhuleka eNkosini ngathi: Nkosi Jehova, ungabachithi abantu bakho lelifa lakho, obahlenge ngobukhulu bakho, owabakhupha eGibhithe ngesandla esilamandlar. 27 Khumbula inceku zakho, uAbrahama, uIsaka, loJakobe; ungakhangeli inkani yalababantu lobubi babo lesono sabo, 28 hlezi ilizwe owasikhupha kilo lithi: Ngenxa yokuthi iNkosi yayingelamandla okubangenisa elizweni eyabathembisa lona, langenxa yokuthi ibazonda, yabakhupha ukuze ibabulalele enkangalas. 29 Kube kanti bangabantu bakho lelifa lakho, owabakhupha ngamandla akho amakhulu langengalo yakho eyeluliweyot.

a 11.31. 12.10. Josh. 1.11.

b 7.1.

c 1.28.

d Nani 13.22.

e 31.3. Josh. 3.11.

f 4.24.

g 7.23.

h Eks. 23.31. Dute. 7.24. Eks. 15.9.

i 8.17.

j Gen. 15.16. Levi 18.24,25. Dute. 18.12.

k Eks. 23.31. Dute. 7.24. Eks. 15.9.

l Tit. 3.5.

m Eks. 23.31. Dute. 7.24. Eks. 15.9.

n Gen. 50.24.

o 9.13. Eks. 32.9. Dute. 10.16. 2 Kho. 17.14. Zaga 29.1.

p Eks. 14.11. 16.2. 17.2. Nani 11.4. 20.2. 25.2. Dute. 31.27.

q Eks. 32.4. Hlab. 106.19.

r Eks. 24.12,15.

s Eks. 24.18. 34.28.

t Eks. 31.18.

u Eks. 19.17. Dute. 4.10. 10.4. 18.16.

v Eks. 32.7,8.

w 9.16. Dute. 31.29. Hlu. 2.17.

x Eks. 32.9.

y 9.6.

z Hlu. 11.37. Eks. 32.10.

a 29.20. 7.24.

b Nani 14.12.

c Eks. 32.15.

d 4.11. 5.23. Eks. 19.18.

e Eks. 32.19.

f 9.25. Eks. 34.28. Hlab. 106.23.

g 9.9.

h 4.25.

i Eks. 32.10,14,33,34. 33.17. Dute. 10.10.

j Eks. 32.20.

k Nani 11.1,3.

l Eks. 17.7.

m Nani 11.4,34.

n Nani 13.3,26; 14.1.

o Hlab. 106.24,25.

p 9.7. Dute. 31.27.

q 9.18.

r Eks. 32.11-13.

s Nani 14.16.

t 1 Kho. 8.51. Neh. 1.10. Dute. 4.20.