UMozisi ulaya abantwana bakoIsrayeli ukuthi bagcine imilayo

4Khathesi-ke, Israyeli, zwana izimiso lezahlulelo engilifundisa zonaa, ukuzenza, ukuze liphile, lingene lidle ilifa lelizwe iNkosi uNkulunkulu waboyihlo elinika lona. 2 Kaliyikwengezelela elizwini engililaya lona, lingaphunguli lutho kulo, ukuze ligcine imilayo yeNkosi uNkulunkulu wenu engililaya yonab. 3 Amehlo enu abonile iNkosi eyakwenzayo ngenxa kaBhali-Peyoric; ngoba wonke umuntu owalandela uBhali-Peyori, iNkosi uNkulunkulu wenu yambhubhisa phakathi kwenu; 4 kodwa lina elanamathela eNkosini uNkulunkulu wenu liyaphila lonke lamuhla. 5 Bonani, ngilifundisile izimiso lezahlulelo, njengokungilaya kweNkosi uNkulunkulu wami, ukuthi lenze njalo phakathi kwelizwe eliya kulo ukudla ilifa lalo. 6 Ngakho zigcineni, lizenze; ngoba lokhu kuyinhlakanipho yenu lokuqedisisa kwenu emehlweni ezizwed ezizakuzwa zonke lezizimiso zithi: Isibili lesisizwe esikhulu singabantu abahlakaniphileyo labaqedisisayoe. 7 Ngoba yisiphi isizwe esikhuluf esilabonkulunkulu abaseduze laso njengeNkosi uNkulunkulu ekumbizeni kwethu konkeg? 8 Futhi yisiphi isizwe esikhulu esilezimiso lezahlulelo ezilungileyo njengalumlayo wonke engiwubeka phambi kwenu lamuhla?

Ukukhunjulwa kwalokho okwenzakalayo eHorebe

9 Kuphela ziqaphele, ugcine kakhulu umphefumulo wakho, hlezi ukhohlwe izinto amehlo akho azibonileyo, njalo hlezi zisuke enhliziyweni yakho, zonke izinsuku zempilo yakhoh. Njalo uzazise abantwana bakho labantwana babantwana bakhoi, 10 ukuthi ngosuku owema ngalo phambi kweNkosi uNkulunkulu wakho eHorebej, lapho iNkosi yathi kimi: Ngibuthanisela abantu ngibe sengibazwisa amazwi ami, ukuze bafunde ukungesaba zonke izinsuku abazaziphila emhlabeni, bafundise njalo abantwana babo. 11 Laselisondela, lema ngaphansi kwentaba, lentaba yayivutha umlilo kwaze kwaba phakathi kwamazuluk, lomnyama, amayezi, lomnyama onzima. 12 INkosi yasikhuluma kini iphakathi komlilol; lezwa ilizwi lamazwi, kodwa kalibonanga simom; ilizwi kuphelan. 13 Yamemezela kini isivumelwano sayo, eyalilaya ukuthi lisenzeo, imilayo elitshumip; njalo yayibhala ezibhebheni zamatshe ezimbiliq.

Abantwana bakoIsrayeli baxwayiswa ukuthi bangoni

14 INkosi yasingilaya ngalesosikhathi ukuthi ngilifundise izimiso lezahlulelor, ukuze lizenze elizweni elidlulela kulo ukudla ilifa lalo. 15 Ngakho-ke qaphelani kakhulus ngenxa yemiphefumulo yenut. Ngoba kalibonanga lasimo ngosuku iNkosi ikhuluma kini eHorebe iphakathi komlilou, 16 hlezi lizone, lizenzele isithombe esibaziweyov, isimo saloba yiwuphi umfanekisow, isifanekiso sowesilisa loba sowesifazanax, 17 isifanekiso saloba yiyiphi inyamazana esemhlabeniy, isifanekiso saloba yiyiphi inyoni elempiko ephapha emazulwiniz, 18 isifanekiso saloba yikuphi okuhuquzelayo emhlabenia, isifanekiso saloba yiyiphi inhlanzi esemanzini ngaphansi komhlabab. 19 Futhi hlezi uphakamisele amehlo akho emazulwini, lapho ubona ilanga lenyanga lezinkanyezic, ibutho lonke lamazulud, uyengwe, ukukhothamele, ukukhonzee, iNkosi uNkulunkulu wakho ekwabele izizwe zonke ngaphansi kwamazulu wonke. 20 Kodwa lina iNkosi yalithatha, yalikhupha esithandweni sensimbi, eGibhithef, ukuze libe kuyo ngabantu belifa, njengalamuhlag. 21 Futhi iNkosi yangithukuthelela ngenxa yenu, yafunga ukuthi kangiyikuchapha iJordani, lokuthi kangiyikungena kulelolizwe elihle iNkosi uNkulunkulu wakho ekunika lona libe yilifah. 22 Ngoba ngizafela kulelilizwei, ngingachaphi iJordanij; kodwa lina lizachapha, lidle ilifa lalelolizwe elihlek. 23 Ziqaphelenil hlezi likhohlwe isivumelwano seNkosi uNkulunkulu wenu eyasenza lanim, lizenzele isithombe esibaziweyo, umfanekiso waloba yikuphi iNkosi uNkulunkulu wakho ekwenqabele khona. 24 Ngoba iNkosi uNkulunkulu wakho ingumlilo oqothulayon, uNkulunkulu olobukhweleo.

25 Lapho uzala abantwana labantwana babantwana, njalo selihlale elizweni isikhathi eside, uba lisonakala, lenze isithombe esibaziweyo, umfanekiso waloba yikuphip, lenze okubi emehlweni eNkosi uNkulunkulu wakhoq ukuze liyithukutheliser, 26 ngibiza amazulu lomhlaba lamuhla ukuze kufakaze kumelene lani ukuthi lizabhubha lokubhubha masinyane lisuka elizweni elichapha iJordani ukuya kilo ukuze libe yilifa lenu; kaliyikwelula insuku zenu phezu kwalo, ngoba lizabhujiswa lokubhujiswas. 27 Njalo iNkosi izalichithachitha phakathi kwezizwet, lisale libalutshwana ngenani phakathi kwezizwe, lapho iNkosi ezalixotshela khonau. 28 Lapho lizakhonza onkulunkulu, umsebenzi wezandla zabantu, izigodo lamatshev, abangaboniyo, abangezwayo, abangadliyo, labanganukiyow. 29 Kodwa lilapho liyidinge iNkosi uNkulunkulu wakho, uzayithola uba uyidinga ngenhliziyo yakho yonke langomphefumulo wakho wonkex. 30 Lapho usekuhluphekeni, lezizinto zonke zikwehlela, ekupheleni kwezinsukuy, uzaphendukela eNkosini uNkulunkulu wakho, ulalele ilizwi layoz; 31 ngoba iNkosi uNkulunkulu wakho inguNkulunkulu olomusa, kayiyikukutshiya, kayiyikukubhubhisa, kayiyikukhohlwa isivumelwano saboyihlo, eyasifunga kuboa. 32 Ngoba buza-ke ngensuku zamandulo ezazingaphambi kwakho, kusukela osukwini uNkulunkulu adala ngalo umuntu emhlabenib, kusukela komunye umkhawulo wamazulu kuze kube komunye umkhawulo wamazulu, ukuthi kwake kwaba khona yini into enje njengale into enkulu, kumbe kwezwakala enjengayo yinic? 33 Abantu bake bezwa yini ilizwi likaNkulunkulu likhuluma livela phakathi komlilo, njengalokhu ulizwile wena, waphilad? 34 Futhi uNkulunkulu wake wazama yini ukuyazithathela isizwe phakathi kwesizwe, ngezilingoe, ngezibonakalisof, langezimangalisog, langempi, langesandla esilamandlah, langengalo eyeluliweyoi, langezesabiso ezinkuluj, njengakho konke iNkosi uNkulunkulu wenu eyalenzela khona eGibhithe phambi kwamehlo akho? 35 Wena wakutshengiswa, ukuze wazi ukuthi uJehova unguNkulunkulu; kakho omunye ngaphandle kwakhek. 36 Esemazulwini wakuzwisa ilizwi lakhe ukukufundisa; lemhlabeni wakutshengisa umlilo wakhe omkhulu, lamazwi akhe wawezwa evela phakathi komlilol. 37 Njalo ngoba wabathanda oyihlo, wakhetha inzalo yabo emva kwabo, wakukhupha eGibhithe ebusweni bakhe ngamandla akhe amakhulum, 38 ukuxotsha elifeni izizwe ezinkulu lezilamandla kulawe phambi kwakho, ukukungenisa, ukukupha ilizwe lazo, libe yilifa, njengalamuhlan. 39 Ngakho yazi lamuhla, ukukhumbule enhliziyweni yakho ukuthi iNkosi inguNkulunkulu emazulwini phezulu, lemhlabeni phansio; kakho omunyep. 40 Ngakho uzagcina izimiso zakhe lemilayo yakhe engikulaya yona lamuhlaq, ukuze kukulungele labantwana bakho emva kwakho, lokuze welule izinsuku phezu kwelizwe iNkosi uNkulunkulu wakho ekunika lona, zonke izinsukur.

Ukukhethwa kwemizi emithathu yokuphephela

41 Khona uMozisi wehlukanisa imizi emithathu nganeno kweJordani ngasempumalangas, 42 ukuthi abalekele kuyo umbulali obulele umakhelwane wakhe kungeyisikho ngabomot, obengamzondi mandulo, ukuze abalekele komunye waleyomizi aphileu; 43 iBezeri enkangalav elizweni lamagceke, elabakoRubeniw; leRamothi eGileyadi, elabakoGadi; leGolani eBashani, elabakoManase.

44 Njalo yilo umlayo uMozisi awubeka phambi kwabantwana bakoIsrayeli. 45 Lobu yibufakazi lezimiso lezahlulelo uMozisi akukhuluma ebantwaneni bakoIsrayeli ekuphumeni kwabo eGibhithe, 46 nganeno kweJordani, esigodini maqondana leBeti-Peyori, elizweni likaSihoni inkosi yamaAmorix, owayehlala eHeshiboni, uMozisi labantwana bakoIsrayeli abamtshayayo ekuphumeni kwabo eGibhithey. 47 Basebesidla ilifa lelizwe lakhe lelizwe likaOgi inkosi yeBashani, amakhosi amabili amaAmori, ayenganeno kweJordani ngasempumalangaz, 48 kusukela eAroweri esekhunjini lwesifula seArinonia, kuze kufike entabeni yeSiyonib, eyiHermonic, 49 lamagceke wonke nganeno kweJordani ngasempumalanga, kuze kube selwandle lwamagceked, ngaphansi kweAshidodi-Pisigae.