Inkulumo kaMozisi isaqhubeka

2Sasesiphenduka, sasuka saya enkangala, indlela yoLwandle oluBomvu, njengokutsho kweNkosi kimi; njalo sayibhoda intaba yeSeyiri insuku ezinengia. 2 INkosi yasikhuluma kimi isithi: 3 Selibhode intaba le okweneleyo; phendukelani lina enyakathob. 4 Balaye-ke abantu usithi: Lidabula umngcele wabafowenu, abantwana bakaEsawuc abahlala eSeyirid. Njalo bazalesaba, ngakho lizinanzelele kakhulu, 5 lingalwi labo; ngoba kangiyikulinika okwelizwe labo, lelingangokunyathela kwangaphansi konyawoe, ngoba ngimnikile uEsawu intaba yeSeyiri ibe yilifaf. 6 Lizathenga ukudla kubo ngemali ukuze lidle, lithenge kubo lamanzi ngemali ukuze linathe. 7 Ngoba iNkosi uNkulunkulu wakho ikubusisile emsebenzini wonke wesandla sakho; iyazi ukuhamba kwakho kulinkangala enkulu. Le iminyaka engamatshumi amane iNkosi uNkulunkulu wakho ibilawe, kawuswelanga luthog. 8 Uba sisedlula sisuka kubafowethu, abantwana bakaEsawu abahlala eSeyirih, ngendlela yegceke sisuke eElathii njalo sisuka eEziyoni-Geberij, saphenduka, sadlula ngendlela yenkangala yakoMowabi. 9 INkosi yasisithi kimi: Ungahlukuluzi uMowabi, ungalwi labo empini; ngoba kangiyikukunika okwelizwe labo kube yilifak, ngoba ngibanikile abantwana bakaLothi iAril ibe yilifam. 10 Kwakuhlala khona endulo amaEmi, abantu abakhulu, labanengi, labaden, njengamaAnakio; 11 babebalwa njengeziqhwaga labo njengamaAnaki, kodwa amaMowabi ababiza ngokuthi ngamaEmip. 12 LamaHori ayehlala eSeyiri enduloq, kodwa abantwana bakaEsawu bawakhupha emfuyweni yabo, bawachitha phambi kwabo, bahlala endaweni yawo, njengokwenza kukaIsrayeli elizweni lelifa lakhe, iNkosi eyabanika lonar. 13 Khathesi, sukumani lina lichaphe isifula iZeredi. Ngakho sachapha isifula iZeredis. 14 Lensuku esahamba ngazo sisuka eKadeshi-Bhaneyat saze sachapha isifula iZeredi zaziyiminyaka engamatshumi amathathu lesificaminwembili, kwaze kwaphela isizukulwana sonke samadoda empi sisuka phakathi kwenkamba, njengokufunga kweNkosi kuwou. 15 Ngoba isibili isandla seNkosi sasimelene lawo, ukuwachitha esuka phakathi kwenkamba, aze aphela.

16 Kwasekusithi lapho wonke amadoda empi esephelile esifa esuka phakathi kwabantu, 17 INkosi yasikhuluma kimi isithi: 18 Lamuhla uzakwedlula iAri, umngcele wakoMowabi, 19 lapho ususondele maqondana labantwana bakoAmoni, ungabahlukuluzi, ungalwi labo, ngoba kangiyikukunika okwelizwe labantwana bakoAmoni kube yilifav, ngoba ngilinike abantwana bakaLothi libe yilifaw. 20 Lalelo labalwa njengelizwe leziqhwaga. Iziqhwaga zahlala kulo endulo, kodwa amaAmoni bazibiza ngokuthi ngamaZamuzumux; 21 abantu abakhulu, labanengi, labade, njengamaAnaki; kodwa iNkosi yabachitha phambi kwabo, babakhupha emfuyweni yabo, bahlala endaweni yaboy, 22 njengalokho eyakwenzela abantwana bakaEsawu, ababehlala eSeyiri, lapho yawachitha amaHori esuka phambi kwabo, bawakhupha emfuyweni yabo, bahlala endaweni yawo kuze kube lamuhlaz. 23 LamaAvi, ayehlala eHazerimia kuze kube seGazab; amaKafitori, aphuma eKafitori, awachitha, ahlala endaweni yawoc. 24 Sukumani, lisuked lichaphe isifula iArinoni. Bona, nginikele esandleni sakho uSihoni, inkosi yeHeshiboni, umAmori, lelizwe lakhee; qala ukudla ilifa lalo, ulwe laye empinif. 25 Lamuhla ngizaqalisa ukufaka uvalo ngawe lokwesabeka kwakho phezu kobuso bezizwe, ngaphansi kwamazulu wonke, ezizakuzwa umbiko ngawe, zithuthumele, ziqhaqhazele ngenxa yakhog.

26 Ngasengithuma izithunywa zisuka enkangala yeKedemothi kuSihoni inkosi yeHeshiboni, zilamazwi okuthula, zisithih: 27 Akei ngidabule elizweni lakhoj; ngizahamba ngomgwaqo kuphela, ngingaphambukeli ngakwesokunene loba ngakwesokhohlo. 28 Uzangithengisela ukudla ngemali ukuze ngidle, ungiphe amanzi ngemali ukuze nginathe; kuphela ngizadabula ngenyawo zami, 29 njengalokhu abantwana bakaEsawu abahlala eSeyiri lamaMowabi ahlala eAri benza kimik, ngize ngichaphe iJordani, ngingene elizweni iNkosi uNkulunkulu wethu esinika lona. 30 Kodwa uSihoni inkosi yeHeshiboni kasivumelanga ukuthi sidlule kuyel; ngoba iNkosi uNkulunkulu wakho yenza umoya wakhe waba lukhuni, yenza lenhliziyo yakhe yaba lenkani, ukuze imnikele esandleni sakho, njengalamuhlam. 31 INkosi yathi kimi: Bona, sengiqalisile ukunikela phambi kwakho uSihoni lelizwe lakhe; qalisa ukudla ilifa, ukuze udle ilifa lelizwe lakhen. 32 Kwasekuphuma uSihoni ukumelana lathi, yena labantu bakhe bonke, ukulwa eJahazio. 33 INkosi uNkulunkulu wethu yasimnikela phambi kwethup; sasesimtshaya lamadodana akhe labantu bakhe bonkeq. 34 Ngalesosikhathi sasesithumba yonke imizi yakhe, satshabalalisa wonke umuzi, abesilisa labesifazana labantwanyana; kasitshiyanga insalir; 35 sazithumbela izifuyo kuphela, lempango yemizi esayithumbayo. 36 Kusukela eAroweri esekhunjini lwesifula iArinoni, lomuzi osesifuleni, kuze kube seGileyadi kwakungekho muzi owawuphakeme kakhulu kithis. INkosi uNkulunkulu wethu yayinikela yonke phambi kwethut. 37 Kuphela kawusondelanga elizweni labantwana bakoAmoni, endaweni yonke yesifula iJaboki, lemizini esezintabeniu, lakukuphi iNkosi uNkulunkulu wethu esenqabela khonav.