UMozisi ulandisa ngokwenzakalayo ekuhambeni kwabantwana bakoIsrayeli enkangala

1 La ngamazwi uMozisi awakhuluma kuIsrayeli wonke nganeno kweJordani enkangala, egcekeni eliqondene leSufi, phakathi kweParani leTofeli leLabania leHazerothi leDizahabib. 2 Kulensuku ezilitshumi lanye kusukela eHorebe ngendlela yentaba yeSeyiri kusiya eKadeshi-Bhaneyac. 3 Kwasekusithi ngomnyaka wamatshumi amane, ngenyanga yetshumi lanye, ngolokuqala lwenyangad, uMozisi wakhuluma kubantwana bakoIsrayeli njengakho konke iNkosi eyamlaya ngakho kubo, 4 esemtshayile uSihoni inkosi yamaAmorie owayehlala eHeshibonif, loOgi inkosi yeBashanig owayehlala eAshitarothi eEdreyi. 5 Nganeno kweJordani, elizweni lakoMowabi, uMozisi waqala ukuchasisa lumlayo esithi: 6 INkosi uNkulunkulu wethu yakhuluma kithi eHorebe isithi: Selihlale isikhathi eseneleyo kulintabah. 7 Phendukani lisuke, liye entabeni yamaAmori, lendaweni ezakhelene lawo, egcekeni, entabeni, lesihotsheni, leningizimu, lekhunjini lolwandle, ilizwe lamaKhanani, leLebhanoni, kuze kube semfuleni omkhulu, umfula iYufrathi. 8 Bonani, ngibeke ilizwe phambi kwenu. Ngenani, lidle ilifa lelizwe iNkosi eyalifungela oyihlo, oAbrahama, uIsaka, loJakobe, ukubanika lona lenzalo yabo emva kwaboi.

9 Njalo ngakhuluma kini ngalesosikhathi ngisithi: Kangilakulithwala ngingedwaj. 10 INkosi uNkulunkulu wenu ilandisilek, khangelani-ke, lamuhla linjengenkanyezi zamazulu ngobunengi. 11 INkosi, uNkulunkulu waboyihlo, kayandise kini, njengoba linjalo, ngokuphindwe kankulungwane, ilibusise, njengokukhuluma kwayo kinil. 12 Ngingedwa ngingathwala njanim ubunzima benu lomthwalo wenu lenkani yenun? 13 Zithatheleni amadoda ahlakaniphileyo, azwisisayo, laziwayo ezizweni zenu, ngiwabeke-ke abe zinhloko zenuo. 14 Laselingiphendula lisithi: Ilizwi olikhulumileyo lilungile ukulenza. 15 Ngasengithatha inhloko zezizwe zenu, amadoda ahlakaniphileyo, aziwayo, ngawabeka aba zinhloko phezu kwenu, induna zezinkulungwane, lenduna zamakhulu, lenduna zamatshumi amahlanu, lenduna zamatshumip, leziphathamandla zezizwe zenuq. 16 Ngasengilaya abahluleli benu ngalesosikhathi ngisithi: Zwanini okuphakathi kwabafowenu, lahlulele ngokulunga phakathi komuntu lomfowabo lowezizweni okuyer. 17 Lingakhangeli ubuso ekwahluleleni, zwanini omncinyane njengomkhulu; lingesabi ubuso bomuntus, ngoba ukwahlulela kungokukaNkulunkulu. Lendaba elukhuni kinit lizayiletha kimi, besengiyizwau. 18 Langalesosikhathi ngalilaya zonke izinto elifanele ukuzenza.

19 Sasesisuka eHorebe, sahamba kuyo yonke leyonkangala enkulu leyesabekayo elayibonayo ngendlela yentaba yamaAmori, njengokusilaya kweNkosi uNkulunkulu wethuv, saze safika eKadeshi-Bhaneyaw. 20 Ngasengisithi kini: Selifikile entabeni yamaAmori iNkosi uNkulunkulu wethu ezasinika yona. 21 Bona, iNkosi uNkulunkulu wakho ilinikile ilizwe phambi kwakho; yenyuka udle ilifa lalo, njengokutsho kweNkosi uNkulunkulu waboyihlo kuwe; ungesabi, ungadidekix. 22 Laselisondela kimi lonke lathi: Asithume amadoda phambi kwethu ukuze asihlolele ilizwe, abuyise ilizwi kithi, indlela esizakwenyuka ngayo, lemizi esizangena kuyo. 23 Lendaba yayinhle emehlweni ami; ngakho ngathatha kini amadoda alitshumi lambili, indodanye ngesizwey. 24 Wona aphenduka, enyukela entabeniz aze afika esihotsheni seEshikoli, asihlola. 25 Asethatha okwezithelo zelizwe esandleni sabo, azehlisela kithi; abuyisa ilizwi kithi athi: Ilizwe lihle iNkosi uNkulunkulu wethu esinika lona. 26 Kanti kalifunanga ukwenyuka, kodwa lavukela umlomo weNkosi uNkulunkulu wenua, 27 langunguna emathenteni enu lathib: Ngoba iNkosi yayisizonda, yasikhupha elizweni leGibhithe ukusinikela esandleni samaAmori ukusibhubhisac. 28 Sizakwenyukela ngaphi? Abafowethu benze inhliziyo yethu iphele amandlad besithi: Abantu bakhulu bade kulathi; imizi mikhulu, ibiyelwe ngemithangala efika emazulwinie; futhi-ke sibonile khona amadodana amaAnakif. 29 Ngasengisithi kini: Lingatshaywa luvalo, libesabe. 30 INkosi uNkulunkulu wenu ehamba phambi kwenu, yona izalilwela njengakho konke eyalenzela khona eGibhithe phambi kwamehlo enug, 31 lenkangala, lapho obone khona ukuthi iNkosi uNkulunkulu wakho yakuthwala njengendoda ithwala indodana yayo, endleleni yonke elahamba ngayo laze lafika kulindawoh. 32 Kodwa ngalelilizwi kalikholwanga iNkosi uNkulunkulu wenui 33 eyahamba phambi kwenu endlelenij, ukulidingela indawo ukuze limise inkamba, ngomlilo ebusuku, ukulitshengisa indlela elizahamba ngayo, langeyezi eminik. 34 Kwathi iNkosi isizwile ilizwi lamazwi enu, yathukuthela yafunga yathil: 35 Isibili kakho kulamadoda alesisizukulwana esibi ozabona ilizwe elihle engafunga ukulinika oyihlom, 36 ngaphandle kukaKalebi indodana kaJefune; yena uzalibona. Njalo ngizanika kuye ilizwe anyathela kulo, lakubantwana bakhe, ngoba ulandele iNkosi ngokupheleleyon. 37 Lami iNkosi yangithukuthelela ngenxa yenu, isithi: Lawe kawuyikungena khonao. 38 UJoshuwa indodana kaNunip oma phambi kwakho, yena uzangena khonaq; mqinise, ngoba yena uzakwenza uIsrayeli adle ilifa lalor. 39 Labantwanyana benu elalisithi bazakuba yimpango, labantwana benus, abangaziyo lamuhla okuhle lokubi, bona bazangena khona; lakubo ngizalinika, bona-ke bazakudla ilifa lalot. 40 Kodwa lina ziphendukeleni, lisuke liye enkangala, indlela yoLwandle oluBomvuu. 41 Laseliphendula lisithi kimi: Sonile eNkosini; thina sizakwenyuka siyekulwa, njengakho konke iNkosi uNkulunkulu wethu eyasilaya khonav. Selihlomile, ngulowo lalowo isikhali sakhe sempi, lacabanga ukuthi kulula ukwenyukela entabeni. 42 INkosi yasisithi kimi: Tshono kubo: Lingenyuki, lingalwi, ngoba kangikho phakathi kwenu, hlezi litshaywe phambi kwezitha zenuw. 43 Ngasengikhuluma kini, kodwa kalilalelanga, lavukela umlomo weNkosix, laqholoza lenyukela entabeni. 44 Kwathi amaAmori ayehlala entabeni leyo aphuma ukumelana lani, alixotshay njengokwenziwa zinyosi, alihlakaza eSeyiri, kwaze kwaba seHormaz. 45 Laselibuya, lakhala inyembezi phambi kweNkosi, kodwa iNkosi kayilizwanga ilizwi lenu, kayibekanga indlebe kini. 46 Laselihlala eKadeshi insuku ezinengi, njengensuku elahlala ngazoa.