34INkosi yasikhuluma kuMozisi isithi: 2 Laya abantwana bakoIsrayeli uthi kubo: Lapho lingena elizweni leKhanania, leli lizakuba yilizwe elizawela kini libe yilifa, ilizwe leKhanani, ngokwemingcele yalo. 3 Legumbi lenu leningizimu lizakuba kusukela enkangala yeZini, enhlangothini zeEdomab. Njalo uzakuba ngumngcele wenu weningizimu kusukela ekucineni kolwandle lwetshwayi empumalangac. 4 Umngcele wenu uzajika uvela eningizimu usiya emqansweni weAkirabimi, wedlulele eZinid; lokuphuma kwawo kuzavela eningizimu kuye eKadeshi-Bhaneyae; uzaphuma uye eHazari-Adari, wedlulele eAzimonif. 5 Lomngcele uzajika uvela eAzimoni uye esifuleni seGibhitheg; lokuphuma kwawo kuzakuba selwandle. 6 Mayelana lomngcele wentshonalanga, ulwandle olukhulu luzakuba ngumngcele wenu; lona luzakuba ngumngcele wenu ngentshonalanga. 7 Lalokhu kuzakuba ngumngcele wenu wenyakatho: Kusukela elwandle olukhulu lizazidwebela intaba yeHori; 8 kusukela entabeni yeHorih lizadweba umngcele oya ekungeneni kweHamathii, lokuphuma komngcele kuye eZedadij. 9 Lomngcele uzaphuma uye eZifroni, lokuphuma kwawo kuzakuba eHazari-Enanik. Lo uzakuba ngumngcele wenu wenyakatho. 10 Njalo lizazidwebela umngcele wenu wempumalanga kusukela eHazari-Enani kusiya eShefamu; 11 lomngcele uzakwehla uvela eShefamu uye eRibila empumalanga kweAyinil, lomngcele wehle ufike eceleni kolwandle lweKinerethi ngempumalangam. 12 Umngcele uzakwehlela-ke eJordani, lokuphuma kwawo kuzakuba solwandle lwetshwayin. Leli lizakuba yilizwe lenu ngemingcele yalo inhlangothi zonke.

13 UMozisi waselaya abantwana bakoIsrayeli esithi: Leli yilizwe elizakudla ilifa lalo ngenkathoo, iNkosi elaye ngalo ukulinika izizwe eziyisificamunwemunye lengxenye yesizwe. 14 Ngoba isizwe sabantwana bakoRubeni ngezindlu zaboyisep, lesizwe sabantwana bakoGadi ngezindlu zaboyise zemukele, lengxenye yesizwe sakoManase yemukele ilifa layo. 15 Izizwe ezimbili lengxenye yesizwe zemukele ilifa lazo nganeno kweJordani, eJeriko, empumalanga, lapho okuphuma khona ilanga.

16 INkosi yasikhuluma kuMozisi isithi: 17 La ngamabizo amadoda azalabela ilizwe libe yilifa: UEleyazare umpristi loJoshuwa indodana kaNuniq. 18 Njalo lizathatha isiphathamandla kuleso lalesosizwer ukwehlukanisa ilizwe libe yilifa. 19 Lala ngamabizo amadoda: Esizweni sakoJuda, uKalebi indodana kaJefune. 20 Lesizweni sabantwana bakoSimeyoni, uShemuweli indodana kaAmihudi. 21 Esizweni sakoBhenjamini, uElidadi indodana kaKisiloni. 22 Lesizweni sabantwana bakoDani, isiphathamandla uBuki indodana kaJogili. 23 Ebantwaneni bakoJosefa, esizweni sabantwana bakoManase, isiphathamandla uHaniyeli indodana kaEfodi. 24 Lesizweni sabantwana bakoEfrayimi, isiphathamandla uKemuweli indodana kaShifitani. 25 Lesizweni sabantwana bakoZebuluni, isiphathamandla uElizafani indodana kaParinaki. 26 Lesizweni sabantwana bakoIsakari, isiphathamandla uPalitiyeli indodana kaAzani. 27 Lesizweni sabantwana bakoAsheri, isiphathamandla uAhiyudi indodana kaShelomi. 28 Lesizweni sabantwana bakoNafithali, isiphathamandla uPedaheli indodana kaAmihudi. 29 Yibo labo iNkosi eyabalaya ukwehlukanisela abantwana bakoIsrayeli ilifa elizweni leKhanani.