NdebeleTeam » Numbers » 28

Iminikelo enikelwa insuku ngensuku, lenikelwa izinyanga ngezinyanga, lenikelwa emikhosini

28INkosi yasikhuluma kuMozisi isithi: 2 Laya abantwana bakoIsrayeli uthi kubo: Umnikelo wami, isinkwa sami seminikelo eyenziwe ngomliloa, uqhatshi lwami olumnandi, lizakuqaphela ukukunikela kimi ngesikhathi sakho esimisiweyo. 3 Uzakuthi kibo: Lo ngumnikelo owenziwe ngomlilo elizawunikela eNkosinib; amawundlu amabili alomnyaka owodwa, angelasici, insuku ngensuku, kube ngumnikelo wokutshiswa njalonjalo. 4 Elinye iwundlu uzalilungisa ekuseni, lelinye iwundlu ulinikele kusihlwa, 5 lokwetshumi kwe-efa* lempuphu ecolekileyoc kube ngumnikelo wokudlad, kuxubene lengxenye yesine yehini* yamafutha agigiweyoe. 6 Kungumnikelo wokutshiswa wezikhathi zonkef owamiswa entabeni yeSinayi, ube luqhatshi olumnandi, umnikelo owenzelwe iNkosi ngomlilo. 7 Lomnikelo wawo wokunathwayo uzakuba yingxenye yesine yehini ngewundlu linye; uzathululela eNkosini umnikelo wokunathwayo ongowokunathwayo okulamandla endaweni engcweleg. 8 Lelinye iwundlu uzalilungisa kusihlwa; njengomnikelo wokudla wekuseni, lanjengomnikelo wawo wokunathwayo uzalinikela, umnikelo owenziwe ngomlilo, oloqhatshi olumnandi eNkosini.

9 Langosuku lwesabatha amawundlu amabili, alomnyaka owodwa, angelasici, lengxenye ezimbili zetshumi lempuphu ecolekileyo, kube ngumnikelo wokudla, ixubene lamafutha, lomnikelo wawo wokunathwayo; 10 kungumnikelo wokutshiswa wamasabatha wonkeh, ngaphandle komnikelo wokutshiswa wezikhathi zonke, lomnikelo wawo wokunathwayo.

11 Ekuqaleni kwenyanga zenu lizanikela umnikelo wokutshiswa eNkosinii, amajongosi amabili amathole enkomo, lenqama eyodwa, lamawundlu ayisikhombisa alomnyaka owodwa, angelasici, 12 lengxenye ezintathu zetshumi lempuphu ecolekileyo kube ngumnikelo wokudla, ixubene lamafutha, ngejongosi elilodwaj; lokubili kwetshumi kwempuphu ecolekileyo kube ngumnikelo wokudla, ixubene lamafutha, ngenqama eyodwa, 13 njalo yilokho lalokho okwetshumi kwempuphu ecolekileyo kuxubene lamafutha kube ngumnikelo wokudla ngewundlu elilodwa; ngumnikelo wokutshiswa oloqhatshi olumnandi, umnikelo owenzelwe iNkosi ngomlilo. 14 Leminikelo yayo yokunathwayo izakuba yingxenye yehini lewayini ngejongosi, lengxenye yesithathu yehini ngenqama, lengxenye yesine yehini ngewundlu. Lokhu kungumnikelo wokutshiswa wezinyanga zonke ngezinyanga zomnyaka. 15 Futhi kuzalungiswa izinyane lembuzi elilodwa libe ngumnikelo wesono eNkosinik, ngaphandle komnikelo wokutshiswa ngezikhathi zonke, lomnikelo wawo wokunathwayo.

16 Futhi ngenyanga yokuqala ngosuku lwetshumi lane lwenyanga kuliphasika leNkosil. 17 Langosuku lwetshumi lanhlanu lwenyanga le kuzakuba khona umkhosim; kuzadliwa isinkwa esingelamvubelo insuku eziyisikhombisa. 18 Ngosuku lokuqala kuzakuba khona inhlangano ebiziweyo engcwelen; lingenzi lamsebenzi wezisebenzi, 19 kodwa lizanikela umnikelo owenziwe ngomlilo, umnikelo wokutshiswa eNkosini, amajongosi amabili amathole enkomo, lenqama eyodwa, lamawundlu ayisikhombisa alomnyaka owodwa; kuzakuba ngokungelasici kinio. 20 Lomnikelo wakho wokudla kuzakuba yimpuphu ecolekileyo ixubene lamafutha; okuthathu kwetshumi lizakulungisa ngejongosi, lokubili kwetshumi ngenqama, 21 yilokho lalokho okwetshumi uzakulungiselela iwundlu elilodwa, kumawundlu ayisikhombisa; 22 lempongo eyodwa ibe ngumnikelo wesono, ukulenzela inhlawulo yokuthulap. 23 Lizalungisa lokho ngaphandle komnikelo wokutshiswa wekuseni, ongowomnikelo wokutshiswa wezikhathi zonke. 24 Ngalindlela lizalungisa insuku zonke, okwensuku eziyisikhombisaq, ukudla komnikelo owenziwe ngomlilo, uqhatshi olumnandi eNkosini; kuzanikelwa ngaphandle komnikelo wokutshiswa wezikhathi zonke, lomnikelo wawo wokunathwayo. 25 Langosuku lwesikhombisa lizakuba lenhlangano ebiziweyo engcweler; lingenzi lamsebenzi wezisebenzi.

26 Langosuku lwezithelo zokuqalas, lapho liletha umnikelo wokudla omutsha eNkosini, emavikini enu, lizakuba lenhlangano ebiziweyo engcwele; lingenzi lamsebenzi wezisebenzi. 27 Kodwa lizanikela umnikelo wokutshiswa, kube luqhatshi olumnandi eNkosini; amajongosi amabili amathole enkomo, inqama eyodwa, amawundlu ayisikhombisa alomnyaka owodwat. 28 Lomnikelo wakho wokudla wempuphu ecolekileyo ixubene lamafutha, okuthathu kwetshumi ngejongosi elilodwa, lokubili kwetshumi ngenqama eyodwa, 29 yilokho lalokho okwetshumi ngewundlu elilodwa, kumawundlu ayisikhombisa; 30 izinyane lembuzi elilodwa, ukulenzela inhlawulo yokuthulau. 31 Lizalungisa lokho ngaphandle komnikelo wokutshiswa ngezikhathi zonke, lomnikelo wakho wokudla (kube ngokungelasici kini) leminikelo yakho yokunathwayov.

a Levi 3.11.

b Eks. 29.38.

c Eks. 16.36. Nani 15.4.

d Levi 2.1.

e Eks. 29.40.

f Eks. 29.42. Amos 5.25.

g Eks. 29.42.

h Hez. 46.4,5.

i 10.10. 1 Sam. 20.5. 1 Lan. 23.31. 2 Lan. 2.4. Ezra 3.5. Neh. 10.33. Isa. 1.13,14. Hez. 45.17. 46.6. Hos. 2.11. Kol. 2.16.

j 15.4-12.

k 28.30.15.24. 29.11,16,19,25,32.

l Eks. 12.6. Dute. 16.1. Hez. 45.21.

m Levi 23.6. Eks. 12.18.

n Eks. 12.16. Levi 23.7.

o 28.31. Levi 22.20. Nani 29.8,13. Levi 22.20. Nani 29.2,17,20,23,26,29,32,36. Dute. 15.21. 17.1.

p 28.15,30. 29.22,28,31,34,38.

q 28.3.

r Eks. 12.16. Levi 23.8. Eks. 13.6.

s Eks. 23.16. 34.22. Levi 23.10,15. Dute. 16.10. Seb. 2.1.

t Levi 23.18,19.

u 28.15. 29.5. 28.22.

v 28.19.