| NdebeleTeam Numbers « 20 » |
Amanzi akhutshwa edwaleni
20Khona abantwana bakoIsrayeli, inhlangano yonke, bafika enkangala yeZini ngenyanga yokuqala; labantu bahlala eKadeshia. UMiriyamu wasefela lapho, wangcwatshwa khonab. 2 Njalo kwakungelamanzi enhlanganoc; ngakho bahlangana bamelana loMozisi bamelana loAronid. 3 Abantu baphikisana loMozisi bakhuluma besithi: Kungathi ngabe safae ekufeni kwabafowethu phambi kweNkosif! 4 Liletheleni ibandla leNkosi enkangala le ukuze sifele lapha, thina lezifuyo zethu?g 5 Lasenyuselani sisuka eGibhithe ukusiletha kulindawo embi? Kakusiyo indawo yenhlanyelo lemikhiwa lamavini lamapomegranati*, futhi kakulamanzi okunatha. 6 UMozisi loAroni basebesuka phambi kwebandla, baya emnyango wethente lenhlangano, bathi mbo ngobuso babo phansih. Inkazimulo yeNkosi yasibonakala kuboi.
7 INkosi yasikhuluma kuMozisi isithi: 8 Thatha intonga, ubuthanise inhlangano, wena loAroni umnewenu, likhulume kulo idwala phambi kwamehlo abo, njalo lizanika amanzi aloj; ngalokhu uzabakhuphela amanzi edwaleni, ukuze ulinathise ibandla lezifuyo zabok. 9 UMozisi wasethatha intonga esuka phambi kweNkosi njengokumlaya kwayol. 10 UMozisi loAroni basebebuthanisa ibandla phambi kwedwala; wasesithi kubo: Zwanini-ke, lina bahlamuki; sizalikhuphela yini amanzi edwaleni leli?m 11 UMozisi wasephakamisa isandla sakhe, watshaya idwala kabili ngentonga yakhe; kwasekumpompoza amanzi amanengi, inhlangano yasinatha, lezifuyo zayon.
12 INkosi yasisithi kuMozisi lakuAroni: Ngoba lingangikholwangao, ukungingcwelisa emehlweni abantwana bakoIsrayeli, ngakho kaliyikungenisa ibandla leli elizweni engibanike lonap. 13 La ngamanzi eMeriba, lapho abantwana bakoIsrayeli abaphikisana khona leNkosi, yasingcweliswa kuboq.
Inkosi yeEdoma ivalela abantwana bakoIsrayeli indlela
14 UMozisi wasethuma izithunywa enkosini yeEdomar zisuka eKadeshi wathis: Utsho njalo umfowenu uIsrayeli: Wena uyazazi zonke inkathazo ezisehleleyot, 15 lokuthi obaba behlela eGibhitheu, sasesihlala eGibhithe insuku ezinengiv; lamaGibhithe asiphatha kubi labobabaw. 16 Sasesikhala eNkosini, yasisizwa ilizwi lethux, yathuma ingilosi, yasikhupha eGibhithe; khangela-ke siseKadeshi, umuzi osekucineni komngcele wakhoy. 17 Ake usiyekele sidabule elizweni lakho. Kasiyikudabula ensimini loba esivinini, futhi kasiyikunatha amanzi omthombo. Sizahamba ngomgwaqo wenkosi, kasiyikuphambukela ngakwesokunene langakwesokhohlo, size sedlule umngcele wakhoz. 18 Kodwa uEdoma wathi kuye: Kawuyikudabula kimi, hlezi ngiphume ngenkemba ngimelane lawe. 19 Abantwana bakoIsrayeli basebesithi kuye: Sizahamba ngomgwaqo omkhulu. Uba-ke mina lezifuyo zami sinatha okwamanzi akhoa, sizawabhadalelab; kuphela ngizadabula ngenyawo zami nje. 20 Kodwa wathi: Kawuyikudabula. UEdoma wasephuma wamelana laye elabantu abanengi, langesandla esilamandla. 21 Ngalokhu uEdoma wala ukuvumela uIsrayeli ukudabula emngceleni wakhec. Ngakho uIsrayeli waphambuka wasuka kuyed.
Ukufa kukaAroni entabeni yeHori
22 Abantwana bakoIsrayeli, inhlangano yonke, basebesuka eKadeshie, bafika entabeni yeHorif. 23 INkosi yasikhuluma kuMozisi lakuAroni entabeni yeHori, emngceleni welizwe leEdoma, isithi: 24 UAroni uzabuthelwa ebantwini bakibo, ngoba kayikungena elizweni engilinike abantwana bakoIsrayelig, ngoba lahlamukela ilizwi lami emanzini eMeribah. 25 Thatha uAroni loEleyazare indodana yakhe, ubenyusele entabeni yeHori, 26 umhlubule uAroni izembatho zakhe, uzifake kuEleyazare indodana yakhe; ngoba uAroni uzabuthelwa kwabakibo, afele laphoi. 27 UMozisi wenza njengokulaya kweNkosi. Basebesenyukela entabeni yeHori phambi kwamehlo enhlangano yonke. 28 UMozisi wasemhlubula uAroni izembatho zakhe, wazifaka kuEleyazare indodana yakhej. UAroni wasefela lapho engqongeni yentaba. UMozisi loEleyazare basebesehla entabenik. 29 Lapho inhlangano yonke ibona ukuthi uAroni usephelile, balilela uAroni insuku ezingamatshumi amathathu, indlu yonke kaIsrayelil.
a 33.36. Nani 13.21.
b Eks. 15.20. Nani 12.1; 26.59.
c Eks. 17.1.
d 16.19,42.
e Eks. 17.2; Nani 14.2.
f 11.1,33; 14.37; 16.32,35,49.
g Eks. 17.3.
h 14.5; 16.4,22,45.
i 14.10.
j Eks. 17.5.
k Neh. 9.15. Isa. 43.20; 48.21.
l 17.10.
m Hlab. 106.32,33.
n Dute. 8.15. Eks. 17.6.
o 27.14. Dute. 1.37; 3.26; 32.51.
p Hez. 20.41; 36.23; 38.16.
q Dute. 33.8. Hlab. 81.7; 95.8; 106.32.
r Gen. 36.39.
s Hlu. 11.16,17.
t Dute. 2.4-6; 23.7. Obad. 10,12.
u Gen. 46.6. Seb. 7.15.
v Eks. 12.40.
w Dute. 26.6. Eks. 1.11; Seb. 7.19.
x Eks. 2.23; 3.7.
y Eks. 3.2; 14.19; 23.20; 33.2.
z 21.22. Dute. 2.27.
a 2 Sam. 20.12,13. Isa. 11.16; 19.23.
b Dute. 2.6,28.
c Dute. 2.29.
d 21.4. Dute. 2.8. Hlu. 11.18.
e 33.37.
f 21.4.
g 27.13; 31.2. Dute. 32.50,26. Gen. 25.8.
h 20.12.
i 20.24.
j Eks. 29.29,30.
k Dute. 10.6; Dute. 32.50.33.38.
l Dute. 34.8. Gen. 50.3.