NdebeleTeam » Numbers » 16

Umvukela kaKora loDathani loAbiramu

16UKora indodana kaIzihari indodana kaKohathi indodana kaLevia, loDathani loAbiramu amadodana kaEliyabi, loOni indodana kaPelethi, amadodana kaRubeni, basebethatha amadodab. 2 Basebesukuma phambi kukaMozisi, lamadoda abantwana bakoIsrayeli, abangamakhulu amabili lamatshumi amahlanu, abangabakhokheli benhlangano, abakhethiweyo bomhlangano, amadoda alebizoc. 3 Bahlangana bamelana loMozisi bamelana loAronid, bathi kubo: Seledlulise amalawulo! Ngoba inhlangano yonke, bonke bangcwelee, leNkosi iphakathi kwabo. Pho, liziphakamiselani phezu kwebandla leNkosi?f 4 Kwathi uMozisi esekuzwile, wathi mbo ngobuso bakhe phansig. 5 Wasekhuluma kuKora lakuqembu lakhe lonke esithi: Kusisa, khona iNkosi izatshengisa ukuthi ngubani ongowayo lokuthi ngubani ongcwele, izamsondeza kuyoh, lalowo emkhethileyoi izamsondeza kuyoj. 6 Yenzani lokhu: Zithatheleni imiganu yokutshisela impepha, uKora, leqembu lakhe lonkek, 7 lifake kiyo umlilo, libeke kiyo impepha phambi kweNkosi kusasa. Kuzakuthi indoda iNkosi eyikhethayo, yiyo engcwele. Seledlulise amalawulo, madodana kaLevi! 8 UMozisi wasesithi kuKora: Ake lizwe, madodana kaLevi; 9 kuyinto encinyane kini yinil ukuthi uNkulunkulu kaIsrayeli ulehlukanisile lenhlangano yakoIsrayeli ukuze alisondeze kuye ukuthi lenze inkonzo yethabhanekele leNkosi, lokuthi lime phambi kwenhlangano ukubakhonza?m 10 Ukusondezile, labafowenu bonke, amadodana kaLevi, kanye lawe; selifuna lobupristi yini? 11 Ngalokho wena leqembu lakho lonke selihlangene ukumelana leNkosi. Ngoba uAroni uyini ukuthi limngungunele?n

12 UMozisi wasethuma ukubiza uDathani loAbiramu, amadodana kaEliyabi. Kodwa bathi: Kasiyikwenyuka; 13 kuyinto encinyane yini ukuthi wasenyusao sivela elizweni eligeleza uchago loluju ukusibulala enkangalap, kanti lawe usuzenza umbusi phezu kwethu?q 14 Futhi kawusingenisanga elizweni eligeleza uchago lolujur, loba ukusinika ilifa lamasimu lezivini. Amehlo ala amadoda ungawakopola yini? Asiyikwenyuka. 15 UMozisi wasethukuthela kakhulu, wathi eNkosini: Unganaki umnikelo wabos. Kangithathanga ubabhemi oyedwa wabo, futhi kangenzanga okubi komunye wabot. 16 UMozisi wasesithi kuKora: Wena leqembu lakho lonke banini phambi kweNkosi, wena, labo, loAroni, kusasau; 17 thathani, omunye lomunye umganu wakhe wokutshisela impepha, lifake kuyo impepha, liyisondeze phambi kweNkosi, kube ngulowo lalowo umganu wakhe wokutshisela impepha, imiganu yokutshisela impepha engamakhulu amabili lamatshumi amahlanu; lawe loAroni, ngulowo lalowo umganu wakhe wokutshisela impephav. 18 Basebethatha, ngulowo lalowo umganu wakhe wokutshisela impepha, bafaka umlilo kuyo, babeka impepha kuyo, bema emnyango wethente lenhlangano, loMozisi loAroni. 19 UKora wasebuthanisa inhlangano yonke ukumelana labo emnyango wethente lenhlangano. Inkazimulo yeNkosi yasibonakala ebandleni lonkew.

20 INkosi yasikhuluma kuMozisi lakuAroni isithi: 21 Zehlukaniseni liphume phakathi kwalinhlanganox ukuze ngibaqede ngokucwayiza kwelihloy. 22 Basebesithi mbo ngobuso babo phansi bathiz: Nkulunkulu, Nkulunkulu wemimoya yayo yonke inyama, kona umuntu oyedwa, ubusuthukuthelela inhlangano yonke yini?a 23 INkosi yasikhuluma kuMozisi isithi: 24 Tshono enhlanganweni uthi: Yenyukani lisuke kunhlangothi zonke zomuzi kaKora, uDathani, loAbiramu. 25 UMozisi wasesukuma, waya kuDathani loAbiramu, labadala bakoIsrayeli bamlandela. 26 Wasekhuluma enhlanganweni esithi: Ake lisuke emathenteni alamadoda amabi, lingathinti lutho olungolwabob, hlezi liphetshulwe ezonweni zabo zonkec. 27 Basebesenyuka besuka emzini yaboKora, uDathani loAbiramu enhlangothini zonke; oDathani loAbiramu basebephuma, bema emnyango wamathente abo labomkabo lamadodana abo labantwanyana babod. 28 UMozisi wasesithi: Ngalokhu lizakwazi ukuthi iNkosi ingithumile ukwenza yonke limisebenzie, lokuthi kakusikho okwengqondo yamif. 29 Uba laba besifa njengokufa kwabantu bonke, kumbe behlelwe njengokwehlelwa kwabantu bonke, iNkosi kayingithumangag. 30 Kodwa uba iNkosi idala into entsha, ukuthi umhlaba uvule umlomo wawo, ubaginye lakho konke okwaboh, behlele emgodini bephilai, lizaqedisisa ukuthi lamadoda ayidelele iNkosij.

31 Kwasekusithi eseqedile ukukhuluma wonke la amazwi, umhlaba owawungaphansi kwabo waqhekezekak, 32 lomhlaba wavula umlomo wawo, wabaginya lezindlu zabo, labo bonke abantu ababengabakaKora, lempahla yabo yonkel. 33 Basebetshona emgodini bephila bona lakho konke okwabo; umhlaba wabagqibela, babhubha besuka phakathi kwebandla. 34 UIsrayeli wonke owayebazingelezele wasebaleka ekukhaleni kwabo, ngoba bathi: Hlezi umhlaba usiginye. 35 Kwasekuphuma umlilo eNkosini, waqothula amadoda angamakhulu amabili lamatshumi amahlanu ayenikele impepham.

36 INkosi yasikhuluma kuMozisi isithi: 37 Tshono kuEleyazare, indodana kaAroni umpristi, ukuthi athathe imiganu yokutshisela impepha phakathi kokutsha; uwuchithachithele umlilo laphayana, ngoba ingcwelen. 38 Imiganu yokutshisela impepha yalezizoni imelene lemiphefumulo yazoo, kabayenze ibe yizicecedu ezibanzi zibe yisisibekelo selathip; ngoba bayinikele phambi kweNkosi, ngakho ingcwele; njalo izakuba yisibonakaliso ebantwaneni bakoIsrayeliq. 39 UEleyazare umpristi wasethatha imiganu yethusi yokutshisela impepha ababenikele ngayo abatshisiweyo, basebeyikhanda yaba yizicecedu zokusibekela ilathir, 40 kube yisikhumbuzo ebantwaneni bakoIsrayeli ukuze kungabi lowemzini, ongesuye owenzalo kaAroni, osondela ukutshisa impepha phambi kweNkosis, ukuze angabi njengoKora lanjengexuku lakhe, njengoba iNkosi yakhuluma kuye ngesandla sikaMozisi.

41 Kodwa kusisa inhlangano yonke yabantwana bakoIsrayeli yabasola oMozisi loAroni, isithi: Lina libabulele abantu beNkosi. 42 Kwasekusithi inhlangano isihlangene imelene loMozisi njalo imelene loAroni, baphendukela ethenteni lenhlangano, khangela-ke iyezi lalilisibekelet lenkazimulo yeNkosi yabonakalau. 43 UMozisi loAroni basebesiza ngaphambi kwethente lenhlangano. 44 INkosi yasikhuluma kuMozisi isithi: 45 Yenyukani lisuke phakathi kwalinhlanganov, ukuze ngibaqedew njengokucwayiza kwelihlox. Basebesithi mbo ngobuso babo phansi. 46 UMozisi wasesithi kuAroni: Thatha umganu wokutshisela impepha, ufake kuwo umlilo ovela elathini, ubeke kuwo impepha, uye ngokuphangisa enhlanganweni, ubenzele inhlawulo yokuthula; ngoba ulaka seluphumile lusuka phambi kweNkosi, inhlupheko isiqalisiley. 47 UAroni wasekuthatha njengokutsho kukaMozisi, wagijimela phakathi kwebandla, khangela-ke, inhlupheko yayisiqalisile phakathi kwabantu. Wafaka impepha, wabenzela abantu inhlawulo yokuthula. 48 Wasesima phakathi kwabafileyo labaphilayo. Inhlupheko yasimiswaz. 49 Labafayo enhluphekweni babeyizinkulungwane ezilitshumi lane lamakhulu ayisikhombisa, ngaphandle kwalabo abafa ngendaba kaKoraa. 50 UAroni wasebuyela kuMozisi emnyango wethente lenhlangano; lenhlupheko yayisimisiwe.

a Eks. 6.16,18,21. Juda 11.

b 26.9.

c 26.9.

d Hlab. 106.16-18.

e Eks. 19.6.

f Eks. 29.45. Nani 14.14; 35.34.

g 14.5; 20.6.

h 16.3.

i 17.5. 1 Sam. 2.28. Hlab. 105.26. Eks. 28.1.

j 3.10. Levi 10.3. Hez. 40.46; 44.15,16.

k Levi 10.1.

l 16.13; Isa. 7.13; Hlab. 8.5; Hez. 16.20; 1 Sam. 18.23.

m 8.14. Dute. 10.8.

n Eks. 16.8.

o 16.9.

p Eks. 3.8.

q Eks. 2.14. Seb. 7.27,35.

r Eks. 3.8.

s Gen. 4.4,5.

t 1 Sam. 12.3. Seb. 20.33. 2 Kor. 7.2.

u Eks. 16.9. 1 Sam. 12.3,7.

v Nani 16.6,7.

w 16.42; 14.10.

x 16.45. Gen. 19.17,22. Jer. 51.6.

y 16.45. Hlab. 73.19. Eks. 33.5.

z 16.45; 14.5; 20.6.

a 27.16. Jobe 12.10. Tshu. 12.7. Isa. 57.16. Zek. 12.1. Heb. 12.9.

b Gen. 19.12-14. Isa. 52.11. 2 Kor. 6.17. Isam. 18.4.

c Gen. 19.15,17. 1 Sam. 12.25.

d Eks. 33.8.

e Gen. 19.15,17. 1 Sam. 12.25.

f 24.13. Jer. 23.16; Hez. 13.2,17.

g Eks. 20.5; 32.34. Jobe 35.15. Hlab. 89.32. Isa. 10.3.

h Gen. 4.11.

i 16.33. Hlab. 55.15.

j 14.11.

k 26.10. Dute. 11.6. Hlab. 106.17.

l 16.17,35; 26.11. 1 Lan. 6.22,37.

m Levi 10.2; 11.1. Hlab. 106.18.

n 3.32; 4.16; 19.3.

o Zaga 20.2. Hab. 2.10.

p Eks. 39.3; Gen. 1.6.

q 17.10; 26.10.

r Eks. 39.3; Gen. 1.6.

s 3.10; 2 Lan. 26.18.

t Eks. 40.34.

u 16.19; 14.10.

v 16.21,24.

w 16.21.

x 16.21.

y Levi 10.6. Nani 8.19; 11.33. 1 Lan. 27.24.

z 16.50; 25.8. 2 Sam. 24.21,25. Hlab. 106.30.

a 27.3.