UMiriyamu loAroni baphikisana loMozisi

12UMiriyamu loAroni basebekhuluma bemelene loMozisi ngenxa yowesifazana umEthiyophiyakazi owayemthethe, ngoba wayethethe umfazi umEthiyophiyakazia. 2 Basebesithi: Kambe, iNkosi ikhulume ngoMozisi kuphela? Kayikhulumanga langathi?b LeNkosi yakuzwac. 3 Njalo indoda uMozisi yayimnene kakhulu kulabo bonke abantu abaphezu kobuso bomhlabad. 4 Khona iNkosi yahle yathi kuMozisi lakuAroni lakuMiriyamu: Phumani lobathathu lize ethenteni lenhlangano. Baphuma-ke bona bobathathue. 5 INkosi yasisehla isensikeni yeyezi, yema emnyango wethente, yabiza uAroni loMiriyamu; basebephuma bobabilif. 6 Yasisithi: Zwanini-ke amazwi ami; uba kukhona umprofethi phakathi kwenu, mina iNkosi ngizaziveza kuye ngombonog, ngikhulume laye ngephuphoh. 7 Kodwa inceku yami uMozisi kanjaloi, uthembekilej endlini yami yonkek. 8 Ngikhuluma laye umlomo ngomlomol, langokubona, kungeyisikho ngemizekelisom; futhi ukhangela isimo seNkosin. Ngakho kungani belingesabi ukukhuluma limelene lenceku yami uMozisi?o 9 Njalo ulaka lweNkosi lwabavuthela; yasihamba. 10 Kwathi lapho iyezi lisuka phezu kwethente, khangela, uMiriyamup wayelobulepheroq, emhlophe njengeliqhwa elikhithikileyo. UAroni wasemkhangela uMiriyamu, khangela-ke, ulobulephero. 11 UAroni wasesithi kuMozisi: Hawu nkosi yami, akungabeki isono phezu kwethu, okungaso senze ngobuthutha, lokungaso soniler. 12 Ake angabi njengofileyo, othi nxa ephuma esiswini sikanina ingxenye yenyama yakhe idliwe. 13 UMozisi wasekhala eNkosini esithi: Nkulunkulu, ake umelaphe, ngiyakuncenga. 14 INkosi yasisithi kuMozisi: Uba uyise ubemkhafulele lokumkhafulela ngamathe ebusweni bakhes, ubengayikuyangeka insuku eziyisikhombisa yini? Kavalelwe ngaphandle kwenkamba insuku eziyisikhombisat; lemva kwalokho emukelwe. 15 UMiriyamu wasevalelwa ngaphandle kwenkamba insuku eziyisikhombisa; labantu kabasukanga, waze wemukelwa uMiriyamuu. 16 Lemva kwalokho abantu basuka eHazerothiv, bamisa inkamba enkangala yeParaniw.