INkosi ithembisa ukubapha inyama

11Kwasekusithi abantu besola kwakukubi endlebeni zeNkosia. Kwathi iNkosi isikuzwile, ulaka lwayo lwavuthab, lomlilo weNkosi wavutha phakathi kwabo, waqothula emngceleni wenkambac. 2 Abantu basebekhala kuMozisi; uMozisi wasekhuleka eNkosini, lomlilo wadedad. 3 Ngakho wabiza ibizo laleyondawo iTabera, ngoba umlilo weNkosi wavutha phakathi kwabo.

4 Ududu lwabantu olwaluphakathi kwabo lwaloyisa isiloyisoe; ngakho labantwana bakoIsrayeli baphinde bakhala inyembezi, bathi: Ngubani ozasipha inyama ukuthi sidlef? 5 Siyazikhumbula inhlanzi esasizidla ngesihle eGibhithe, amakhomane, lamakhabe, lamaliki, lesandindima, legalikhig. 6 Kodwa khathesi umphefumulo wethu womile, kakulalutho ngitsho, ngaphandle kwale imana phambi kwamehlo ethu. 7 Njalo imana yayinjengenhlanyelo yekhoriyanderi*h, lokukhangeleka kwayo kwakunjengokukhangeleka kwebedola*i. 8 Abantu bahambahamba bayibuthaj bayichola ematsheni okuchola, loba bayigiga engigeni, bayipheka ezimbizeni, benza amaqebelengwana ngayo; lokunambitheka kwayo kwakunjengokunambitheka komhluzi wamafuthak. 9 Lapho amazolo esehlela phezu kwenkamba ebusuku, imana yehla phezu kwawol.

10 Njalo uMozisi wezwa abantu bekhala inyembezi ngokwensapho zabo, ngulowo lalowo emnyango wethente lakhe. Lolaka lweNkosi lwavutha kakhulu; futhi kwaba kubi emehlweni kaMozisim. 11 UMozisi wasesithi eNkosini: Wenzeleni okubi encekwini yakho? Njalo kungani ngingatholanga umusa emehlweni akho ukuthi ubeke umthwalo walababantu bonke phezu kwami?n 12 Mina ngakhulelwa yibo bonke lababantu yini? Kumbe mina ngabazala yini, ukuze uthi kimi: Basingathe esifubeni sakhoo, njengomlizane owesilisa esingatha umntwana omunyayop, kuze kube selizweni owalifungela oyise?q 13 Ngingayithatha ngaphi inyama ukuthi ngibaphe bonke lababantu? Ngoba bayakhala inyembezi kimi besithi: Siphe inyama ukuze sidler. 14 Mina kangilamandla okuthwala bonke lababantu ngedwa, ngoba kunzima kakhulu kimis. 15 Uba-ke usenza njalo kimi, ake ungibulale lokungibulala, uba ngithole umusa emehlweni akhot, njalo kangingaboni usizi lwamiu.

16 INkosi yasisithi kuMozisi: Buthela kimi amadoda angamatshumi ayisikhombisa abadala bakoIsrayeli, owaziyo ngawo ukuthi angabadala babantuv lenduna zabow, uwalethe ethenteni lenhlangano ukuze eme khona lawe. 17 Njalo ngizakwehla, ngikhulume lawe khonax; ngizagodla okomoya ophezu kwakho ngikufake phezu kwaboy; njalo bazathwala kanye lawe umthwalo wabantu, ukuze ungawuthwali wedwaz. 18 Tshono-ke ebantwini uthi: Zingcweliseleleni ikusasaa, lizakudla inyama; ngoba likhalile inyembezi endlebeni zeNkosi lisithi: Ngubani ozasipha inyama ukuze sidle? Ngoba kwakukuhle kithi eGibhitheb. Ngakho iNkosi izalipha inyama njalo lidle. 19 Kaliyikudla usuku olulodwa, loba insuku ezimbili, loba insuku ezinhlanu, loba insuku ezilitshumi, kumbe insuku ezingamatshumi amabili, 20 kuze kube yinyanga yonke, ize iphume emakhaleni enu, ilitshiphele, ngenxa yokuthi liyalile iNkosi ephakathi kwenuc, lakhala inyembezi phambi kwayo lisithi: Kanti saphumelani eGibhithe?d 21 Kodwa uMozisi wathi: Abantu abahamba ngenyawo engiphakathi kwabo bazinkulungwane ezingamakhulu ayisithupha; wena-ke uthe: Ngizabanika inyama ukuze badle inyanga yonkee. 22 Bazahlatshelwa izimvu lezinkomo yini ukuze zibanele?f Loba bazabuthelwa yini inhlanzi zonke zolwandle ukuze zibanele?g 23 INkosi yasisithi kuMozisi: Isandla seNkosi sifinyeziwe yini?h Khathesi uzabona ukuthi ilizwi lami lizakwenzeka kuwe kumbe hatshii.

24 UMozisi wasephuma, wabatshela abantu amazwi eNkosi; wabutha amadoda angamatshumi ayisikhombisa ebadaleni babantu, wawamisa ehanqe ithentej. 25 INkosi yasisehla ngeyezik, yakhuluma kuye, yagodla okomoya ophezu kwakhe, yakubeka phezu kwamadoda angamatshumi ayisikhombisa, abadala. Kwasekusithi lapho uMoya ehlala phezu kwabol, baprofetha, kodwa kabakuphindanga. 26 Njalo kwakusele amadoda amabili enkambeni, ibizo lenye lalinguElidadi lebizo lenye linguMedadi; loMoya wahlala phezu kwawo. Njalo ayephakathi kwalabo ababhaliweyo, kodwa kawaphumanga ukuya ethenteni, njalo aprofetha enkambenim. 27 Kwagijima ijaha labika kuMozisi lathi: UElidadi loMedadi bayaprofetha enkambeni. 28 UJoshuwa indodana kaNunin, inceku kaMozisi, omunye wabatsha bakheo, wasephendula wathi: Nkosi yami, Mozisi, benqabelep. 29 Kodwa uMozisi wathi kuye: Ulobukhwele ngenxa yami yini? Kungathi bonke abantu beNkosi bangaba ngabaprofethi, ukuze iNkosi ifake uMoya wayo phezu kwaboq! 30 UMozisi wasezibuthela enkambeni, yena labadala bakoIsrayeli.

INkosi ibapha izagwaca

31 Kwasekusuka umoya ovela eNkosini, waletha izagwaca zivela elwandle, wazehlisela phezu kwenkamba, phose uhambo losuku ngapha, njalo phose uhambo losuku ngapha, zizingelezele inkamba, njalo okungaba zingalo ezimbili phezu komhlabathir. 32 Abantu basebesukuma lolosuku lonke, lobusuku bonke, losuku lonke olulandelayo, bebutha izagwaca. Lowo owayelezinlutshwana wayebuthe amahomeri* alitshumis; bazichayela zona inhlangothi zonke zenkamba. 33 Inyama isesephakathi kwamazinyo abo ingakahlafunwa, intukuthelo yeNkosi yabavuthela abantu, njalo iNkosi yabatshaya abantu ngenhlupheko enkulu kakhulut. 34 Ngakho ibizo laleyondawo lathiwa yiKibirothi-Hathava, ngoba lapho bangcwaba abantu abakhanukayo. 35 Abantu basuka eKibirothi-Hathava baya eHazerothi; bahlala eHazerothiu.