Bible

24INkosi yasikhuluma kuMozisi isithi: 2 Laya abantwana bakoIsrayeli ukuthi balethe kuwe amafutha emihlwathi acengekileyo agigelwe ukukhanyisa ukuze izibane zivuthe njalonjaloa. 3 Ngaphandle kweveyili lobufakazi, ethenteni lenhlangano, uAroni uzazilungisa phambi kweNkosi njalonjalo, kusukela kusihlwa kuze kube sekuseni; kuzakuba yisimiso esilaphakade ezizukulwaneni zenu. 4 Uzalungisa izibane eluthini lwesibane olucwengekileyo phambi kweNkosi njalonjalob.

5 Uzathatha-ke impuphu ecolekileyo, ubhake ngayo amaqebelengwana alitshumi lambili; ingxenye ezimbili etshumini kuzakuba liqebelengwana elilodwac. 6 Uwabeke emizileni emibili, ayisithupha emzilenid, phezu kwetafula elicwengekileyo phambi kweNkosie; 7 futhi ubeke kulowo lalowo umzila inhlaka ecengekileyo, ibe yisinkwa sesikhumbuzo, umnikelo owenzelwe iNkosi ngomlilo. 8 Ngalo lonke usuku lwesabatha uzakulungisa phambi kweNkosi njalonjalo, kuvela ebantwaneni bakoIsrayeli, yisivumelwano esilaphakadef. 9 Njalo kuzakuba ngokukaAroni lokwamadodana akheg, besebekudlela endaweni engcweleh; ngoba kuyingcwelengcwele kuye, okuvela eminikelweni yeNkosi eyenziwe ngomlilo, isimiso esilaphakade.

10 Kwasekuphuma indodana yowesifazana umIsrayelikazi, owayeyindodana yendoda engumGibhithe, phakathi kwabantwana bakoIsrayeli. Lalindodana yomIsrayelikazi lendoda engumIsrayeli balwa enkambeni. 11 Indodana yowesifazana umIsrayelikazi yasihlambaza iBizoi, yathukaj. Basebemletha kuMozisik. Lebizo likanina lalinguShelomithi, indodakazi kaDibiri, owesizwe sakoDani. 12 Basebemfaka esitokosinil, ukuze bachasiselwe ngokomlomo weNkosim. 13 INkosi yasikhuluma kuMozisi yathi: 14 Khiphela ngaphandle kwenkamba umthuki; labo bonke abamuzwayo kababeke izandla zabo ekhanda lakhe, lenhlangano yonke imkhande ngamatshen. 15 Khuluma-ke ebantwaneni bakoIsrayeli uthi: Ngulowo lalowo othuka uNkulunkulu wakhe uzathwala isono sakheo. 16 Lohlambaza ibizo leNkosi uzabulawa lokubulawa; inhlangano yonke izamkhanda lokumkhanda ngamatshep. Njengowokuzalwa elizweni uzakuba njalo owemzini, nxa ehlambaza iBizo uzabulawa.

17 Lomuntu nxa etshaya loba yiwuphi umphefumulo womuntu uzabulawa lokubulawaq. 18 Lotshaya abulale inyamazana uzayihlawula, impilo ngempilor. 19 Umuntu nxa esipha-ke umakhelwane wakhe isici, njengokwenza kwakhe kuzakwenziwa njalo kuyes, 20 ukwephuka ngokwephuka, ilihlo ngelihlo, izinyo ngezinyo; njengalokho ephe umuntu isici, kuzakwenziwa njalo kuye. 21 Lotshaya inyamazana ife uzayihlawulat; lotshaya umuntu afe uzabulawau. 22 Lizakuba lokwahlulela okukodwa, njengowezizwe uzakuba njalo owokuzalwa elizweniv. Ngoba ngiyiNkosi uNkulunkulu wenu.

23 UMozisi wakhuluma-ke ebantwaneni bakoIsrayeli, ukuthi bamkhuphele ngaphandle kwenkamba umthuki, bamkhande ngamatshew. Abantwana bakoIsrayeli basebesenza njengokulaya kweNkosi kuMozisi.

a Eks. 27.20,21.

b Eks. 31.8; 39.37.

c Eks. 25.30.

d Eks. 39.37.

e 1 Kho. 7.48. 2 Lan. 4.19. 13.11. Heb. 9.2.

f 1 Lan. 9.32. Nani 4.7. 2 Lan. 2.4.

g 1 Sam. 21.6. Mat. 12.4. Mark. 2.26. Luka 6.4.

h Eks. 29.33; 8.31; 21.22.

i 24.16.

j 24.14,15,23; Eks. 21.17.

k Eks. 18.22,26.

l Nani 15.34.

m Eks. 18.15,16. Nani 27.5.

n Dute. 13.9; 17.7.

o 20.20; 22.9; Nani 9.13.

p 24.11; 1 Kho. 21.10,13. Mat. 26.65,66. Mark. 14.63,64. Joha. 10.33.

q Eks. 21.12. Nani 35.31. Dute. 19.11,12,21.

r 24.21.

s Eks. 21.24. Dute. 19.21. Mat. 5.38. 7.2.

t 24.18. Eks. 21.33,34.

u 24.17.

v Nani 15.16. Eks. 12.49.19.34.

w 24.14.