Bible

8INkosi yasikhuluma kuMozisi isithi: 2 Thatha uAroni lamadodana akhe kanye layea, lezembathob, lamafutha okugcobac, lejongosi lomnikelo wesonod, lenqama ezimbili, lesitsha sezinkwa ezingelamvubelo, 3 ubuthanise inhlangano yonke emnyango wethente lenhlangano. 4 UMozisi wasesenza njengokulaya kweNkosi kuye, lenhlangano yabuthana emnyango wethente lenhlangano. 5 UMozisi wasesithi enhlanganweni: Yiyo le into iNkosi elaye ukuthi yenziwee.

6 UMozisi wasesondeza uAroni lamadodana akhe, wabagezisa ngamanzif. 7 Wasemgqokisa isigqokog, wambopha ngebhanti, wamgqokisa ibhatshi, wamfaka i-efodi*, wambopha ngebhanti le-efodi elelukwe ngobungcitshi, walibophela kuye ngaloh. 8 Wamgqokisa isembatho sesifubai, wabeka esembathweni sesifuba iUrimi leThumimij. 9 Wamthwalisa iqhiye ekhanda lakhek; wabeka phezu kweqhiyel, ngaphambi kobuso bayo, incence yegolide, umqhele wobungcwele, njengalokhu iNkosi yayimlayile uMozisi. 10 UMozisi wasethatha amafutha okugcobam, waligcoba ithabhanekele lakho konke okuphakathi kwalo, wakungcwelisa. 11 Wafafaza ngawo phezu kwelathi kasikhombisa, wagcoba ilathi lezitsha zalo zonke, lenditshi yokugezela lonyawo lwayo, ukukungcwelisa. 12 Wathela okwamafutha okugcoba ekhanda likaAronin, wamgcoba, ukumngcwelisa. 13 UMozisi wasesondeza amadodana kaAronio, wawagqokisa izigqoko, wawabopha ngamabhanti, wawathwalisa izingowane, njengalokhu iNkosi yayimlayile uMozisi.

14 Wasesondeza ijongosi lomnikelo wesonop; uAroni lamadodana akhe basebebeka izandla zabo enhlokweni yejongosi lomnikelo wesonoq. 15 Waselihlaba, uMozisi wasethatha igazir, walifaka ngomunwe wakhe empondweni zelathi inhlangothi zonke, wahlambulula ilathi, wathululela igazi kungaphansi yelathi, walingcwelisa ukulenzela inhlawulo yokuthula. 16 Wathatha idanga lonkes, lamahwahwa esibindi, lezinso zombili lamahwahwa azo, uMozisi wakutshisa elathini. 17 Kodwa ijongosi, lesikhumba salo, lenyama yalo, lomswane walo wakutshisa ngomlilo ngaphandle kwenkamba, njengalokhu iNkosi yayimlayile uMozisit.

18 Wasesondeza inqama yomnikelo wokutshiswau; uAroni lamadodana akhe basebebeka izandla zabo phezu kwenhloko yenqama. 19 Waseyihlaba, uMozisi wafafaza igazi phezu kwelathi inhlangothi zonkev. 20 Waseyisika inqama ngeziqa zayo, uMozisi watshisa inhloko lezitho lamahwahwa. 21 Wagezisa imibilini lemilenze ngamanzi, uMozisi watshisa inqama yonke elathini, kungumnikelo wokutshiswa oloqhatshi olumnandi, kungumnikelo owenzelwe iNkosi ngomlilo, njengalokho iNkosi yayimlayile uMozisi.

22 Wasesondeza enye inqamaw, inqama yokwehlukaniswa; uAroni lamadodana akhe basebebeka izandla zabo phezu kwenhloko yenqama. 23 Waseyihlaba, uMozisi wathatha okwegazi layo, walifaka eqwangeni lwendlebe yokunene kaAroni, lesithupheni sesandla sakhe sokunene, lezwaneni olukhulu lonyawo lwakhe lokunene. 24 Wasesondeza amadodana kaAroni, uMozisi wafaka okwegazi eqwangeni lwendlebe yawo yokunene, lesithupheni sesandla sawo sokunene, lezwaneni olukhulu lonyawo lwawo lokunene; uMozisi wasefafaza igazi phezu kwelathi inhlangothi zonke. 25 Wasethatha amahwahwax, lomsila ononileyo, ledanga lonke, lamahwahwa esibindi, lezinso zombili lamahwahwa azo, lomlenze wokunene, 26 wakhupha esitsheni sezinkwa ezingelamvubeloy esasiphambi kweNkosi iqebelengwana laba linye elingelamvubelo, leqebelengwana elilodwa lesinkwa esilamafutha, lesinkwana esisodwa esiyisipatalala, wakubeka phezu kwamahwahwa laphezu komlenze wokunene; 27 wakubeka konke ezandleni zikaAroni lezandleni zamadodana akhez, wakuzunguza kwaba ngumnikelo wokuzunguzwa phambi kweNkosi. 28 UMozisi wasekuthatha ezandleni zabo, wakutshisa elathini phezu komnikelo wokutshiswaa, kwaba yikwehlukaniswa okoqhatshi olumnandi, kungumnikelo owenzelwe iNkosi ngomlilo. 29 UMozisi wasethatha isifuba, wasizunguza saba ngumnikelo wokuzunguzwa phambi kweNkosi; saba yisabelo sikaMozisi senqama yokwehlukaniswab, njengalokho iNkosi yayimlayile uMozisi. 30 UMozisi wasethatha okwamafutha okugcobac lokwegazi okwakuphezu kwelathi, wakufafaza phezu kukaAroni, phezu kwezembatho zakhe, laphezu kwamadodana akhe, laphezu kwezembatho zamadodana akhe kanye laye. Wamngcwelisa uAroni, izembatho zakhe, lamadodana akhe, lezembatho zamadodana akhe kanye laye.

31 UMozisi wasesithi kuAroni lemadodaneni akhe: Phekani inyamad emnyango wethente lenhlangano, liyidle lapho lezinkwa ezisesitsheni sokwehlukaniswa, njengokulaya kwami ngisithi: UAroni lamadodana akhe bazakudla. 32 Lokuseleyo kwenyama lokwezinkwa lizakutshisa ngomliloe. 33 Njalo kaliyikuphuma ngomnyango wethente lenhlangano, insuku eziyisikhombisa, kuze kufike usuku okuzagcwaliswa ngalo insuku zokwehlukaniswa kwenu, ngoba uzalehlukanisa okwensuku eziyisikhombisaf. 34 Njengoba enzile lamuhla iNkosi ilayile ukukwenza, ukulenzela inhlawulo yokuthula. 35 Ngakho lizahlala emnyango wethenteg lenhlangano insuku eziyisikhombisa, imini lebusuku, ligcine imfanelo yeNkosi ukuze lingafi; ngoba ngilaywe njalo. 36 UAroni lamadodana akhe basebesenza izinto zonke iNkosi eyazilayayo ngesandla sikaMozisi.

a Eks. 29.1.

b Eks. 28.2,4.

c Eks. 30.23-25,30.

d Eks. 29.1,2.

e Eks. 29.4.

f Eks. 29.4.

g Eks. 29.5.

h Eks. 29.5.

i Eks. 28.4.

j Eks. 28.30.

k Eks. 28.4; 29.6.

l Eks. 28.36,37; Levi 21.12.

m Eks. 30.26-29.

n Eks. 29.7; 30.30. Levi 21.10,12. Hlab. 133.2.

o Eks. 29.8,9.

p Eks. 29.10. Hez. 43.19.

q 4.4.

r Eks. 29.12,36. Levi 4.7. Hez. 43.20,26. Heb. 9.22.

s 3.4.

t Eks. 29.14-18. Levi 4.11,12.

u Eks. 29.15. Levi 8.2.

v 1.8.

w Eks. 29.19,31. Levi 8.2.

x Eks. 29.22.

y Eks. 29.23; Levi 8.2.

z Eks. 29.24.

a Eks. 29.25.

b Eks. 29.26.

c Eks. 29.21; 30.30; Nani 3.3.

d Eks. 29.31,32.

e Eks. 29.34.

f Eks. 29.30,35. Hez. 43.25,26.

g Nani 3.7.9.19. Dute. 11.1; 1 Kho. 2.3. Zek. 3.7.