| NdebeleTeam » Leviticus » 1 |
Iminikelo yokutshiswa
1 INkosi yasimbiza uMozisi yakhuluma kuyea isethenteni lenhlangano yathib: 2 Khuluma kubantwana bakoIsrayeli uthi kubo: Nxa umuntu wakini esondeza umnikelo eNkosinic, lizasondeza umnikelo wenu ovela ezifuyweni, ovela enkomeni, loba ovela ezimvini.
3 Uba umnikelo wakhe ungumnikelo wokutshiswa ovela enkomeni, uzanikela iduna elingelasicid, alinikele emnyango wethente lenhlangano, ngokuthanda kwakhe, phambi kweNkosi. 4 Uzabeka isandla sakhe enhlokweni yomnikelo wokutshiswae, njalo wemukelelwe yenaf, ukumenzela inhlawulo yokuthulag. 5 Uzalihlaba ijongosi phambi kweNkosi; lamadodana kaAroni, abapristi, azanikela igazi, afafaze igazi elathini inhlangothi zonkeh, elisemnyango wethente lenhlangano. 6 Uzahlinza umnikelo wokutshiswai, awusike ngeziqa zawoj. 7 Njalo amadodana kaAroni umpristi azafaka umlilo elathini, ahlele inkuni phezu komlilok. 8 Amadodana kaAroni, abapristi, azahlela-ke izithol, inhloko lamahwahwam, phezu kwenkuni ezisemlilweni ophezu kwelathi. 9 Kodwa imibilini yalo lemilenze yalo uzakugezisa ngamanzin; njalo umpristi uzakutshisa konke elathini, kube ngumnikelo wokutshiswa, umnikelo owenziwe ngomliloo oloqhatshi olumnandi eNkosinip.
10 Njalo uba umnikelo wakhe uvela emhlanjini, owezimvu loba owembuzi, kube ngumnikelo wokutshiswa, uzasondeza iduna elingelasici; 11 uzalihlabela eceleni kwelathi ngenyakathoq, phambi kweNkosi; njalo amadodana kaAroni, abapristi, azafafaza igazi lalo elathini inhlangothi zonke. 12 Uzalisika ngeziqa zalo, lenhloko yalo lamahwahwa alor; lompristi uzakuhlela phezu kwenkuni ezisemlilweni ophezu kwelathi. 13 Kodwa uzagezisa imibilini lemilenze ngamanzi; lompristi uzakunikela konke, akutshise elathini; kungumnikelo wokutshiswa, umnikelo owenziwe ngomlilo oloqhatshi olumnandi eNkosini.
14 Uba-ke umnikelo wakhe eNkosini ungumnikelo wokutshiswa owezinyoni, uzanikela umnikelo wakhe uvela emajubenis loba amaphuphu enkwilimba. 15 Umpristi alisondeze elathini, atshuphune inhloko yalo, alitshise elathini, legazi lalo likhanyelwe eceleni kwelathi, 16 asuse isidlelo salo lensiba zalo, akulahle eceleni kwelathi ngempumalangat, endaweni yomlotha, 17 aliqhaqhe ngempiko zalo, angalehlukanisiu; umpristi alitshise-ke elathini, phezu kwenkuni ezisemlilweni; kungumnikelo wokutshiswav, umnikelo owenziwe ngomlilo oloqhatshi olumnandi eNkosini.
a Eks. 19.3.
b Eks. 40.34,35. Nani 12.4,5.
c 22.18,19.
d 1.10. Eks. 12.5.
e Eks. 29.10,15,19. Levi 3.2,8,13; 4.4,15,24,29,33; 8.14,18,22; 16.21.
f 22.27.22.21. Isa. 56.7. Roma 12.1. Fil. 4.18.
g 4.20,26,31,35. Nani 15.25. 2 Lan. 29.23,24. Levi 9.7. 16.24.
h 3.8. 2 Lan. 35.11. Heb. 12.24. 1 Pet. 1.2.
i 3.8. 2 Lan. 35.11. Heb. 12.24. 1 Pet. 1.2.
j 1.6,12; 8.20.
k Gen. 22.9.
l 1.6,12; 8.20.
m 1.12; 8.20.
n 1.13. Eks. 12.9.
o Eks. 29.18,25,41. Levi 1.13,17; 2.2,3,9-11,16; 3.3,5,9,11,14,16; 4.35.
p 1.13,17; Gen. 8.21.
q 1.5.
r 1.6,12; 8.20.
s 5.7; 12.8; Luka 2.24.
t 6.10; 10.12.
u Gen. 15.10.
v 1.9,13.