Ukugcotshwa kukaAroni lamadodana akhe

29Yile-ke into ozayenza kubo ukubehlukanisa ukuthi bangisebenzele njengabapristi. Thatha ijongosi elilodwa ithole lenkomoa, lenqama ezimbili ezingelasici, 2 lesinkwa esingelamvubelob, lamaqebelengwana angelamvubelo ahlanganiswe lamafutha, lezinkwana eziyizipatalala ezingelamvubelo ezinindwe ngamafutha, uzenze ngempuphu ecolekileyo yengqoloyi; 3 ukufake esitsheni esisodwa, ukusondeze ngesitsha, kanye lejongosi lenqama ezimbili. 4 Usondeze uAroni lamadodana akhe emnyango wethente lenhlangano, ubagezise ngamanzic; 5 uthathe izembathod, ugqokise uAroni isigqoko, lebhatshi le-efodi*, le-efodi, lesembatho sesifuba, umbophe ngebhanti elelukwe ngobungcitshi le-efodie, 6 umthwalise iqhiye ekhanda lakhef, umthwalise umqhele ongcwele phezu kweqhiye. 7 Uthathe amafutha okugcobag, uwathele ekhanda lakhe, umgcobe. 8 Usondeze lamadodana akheh, uwagqokise izigqoko. 9 Ubabophe ngamabhantii, uAroni lamadodana akhe, ubabophele izingowane, lobupristi bube ngobabo ngesimiso saphakadej. Ubehlukanise-ke uAroni lamadodana akhe. 10 Uzasondeza ijongosi phambi kwethente lenhlangano; njalo uAroni lamadodana akhe babeke izandla zabo enhlokweni yejongosik; 11 ubusulihlaba ijongosi phambi kweNkosi emnyango wethente lenhlangano, 12 uthathe okwegazi lejongosil, ulifake empondweni zelathim ngomunwe wakho, uthululele lonke igazi esisekelweni selathi. 13 Uzathatha idanga lonken, lamahwahwa aphezu kwesibindi, lezinso zombili, lamahwahwa aphezu kwazo, ukutshise elathini. 14 Kodwa inyama yejongosi lesikhumba salo lomswane walo ukutshise ngomlilo ngaphandle kwenkambao; kungumnikelo wesono.

15 Ubusuthatha inqama ibenyep; njalo uAroni lamadodana akhe babeke izandla zabo phezu kwenhloko yenqamaq. 16 Ubusuyihlaba inqama, uthathe igazi layo, ulifafaze elathini uligombolozele. 17 Uyiqume inqama ngeziqa zayo, ugezise imibilini yayo lemilenze yayo, ukubeke phezu kweziqa zayo laphezu kwenhloko yayo, 18 utshise inqama yonke elathini. Kungumnikelo wokutshiswa eNkosini, kuluqhatshi olumnandi, umnikelo owenzelwe iNkosi ngomlilor.

19 Uzathatha inqama yesibilis; uAroni lamadodana akhe babesebebeka izandla zabo phezu kwenhloko yenqamat. 20 Uyihlabe-ke inqama, uthathe okwegazi layo, ulifake eqwangeni lwendlebe kaAroni, leqwangeni lwendlebe yokunene yamadodana akhe, lesithupheni sesandla sabo sokunene, lezwaneni olukhulu lonyawo lwabo lokunene, ufafaze igazi elathini uligombolozele. 21 Uthathe okwegazi eliselathini lokwamafutha okugcobau, ukufafaze phezu kukaAroni, laphezu kwezembatho zakhe, laphezu kwamadodana akhe, laphezu kwezembatho zamadodana akhe kanye laye, ukuze abe ngcwele lezembatho zakhe, lamadodana akhe lezembatho zamadodana akhe kanye laye. 22 Uthathe enqameni amahwahwa, lomsila ononileyo, ledangav, lamahwahwa esibindiw, lezinso zombili, lamahwahwa aphezu kwazo, lomlenze wokunene, ngoba iyinqama yokwehlukaniswax; 23 lesinkwa esiyindilinga esisodway, leqebelengwana elilodwa elesinkwa esilamafutha, lesinkwana esiyisipatalala esisodwa, esitsheni sezinkwa ezingelamvubelo esiphambi kweNkosi, 24 ukubeke konke ezandleni zikaAroni lezandleni zamadodana akhez, ukuzunguze ukuze kube ngumnikelo wokuzunguzwa phambi kweNkosi. 25 Ukuthathe ezandleni zaboa, ukutshise phezu kwelathi phezu komnikelo wokutshiswa, ukuze kube luqhatshi olumnandi phambi kweNkosi; kungumnikelo owenzelwe iNkosi ngomlilo. 26 Uzathatha isifuba senqama yokwehlukaniswa engekaAroni, usizunguze sibe ngumnikelo wokuzunguzwa phambi kweNkosi, njalo sibe yisabelo sakho. 27 Uzasingcwelisa isifuba somnikelo wokuzunguzwab lomlenze womnikelo wokuphakanyiswa ozunguzwayo lophakanyiswayoc, okwenqama yokwehlukaniswa, okwalokho okungokukaAroni lokwalokho okungokwamadodana akhe; 28 njalo kuzakuba ngokukaAroni lokwamadodana akhe, kube yisimiso saphakade kuvela kubantwana bakoIsrayelid; ngoba kungumnikelo wokuphakanyiswa; kuzakuba ngumnikelo wokuphakanyiswa ovela kubantwana bakoIsrayeli, eminikelweni yabo yokuthula; umnikelo wabo wokuphakanyiswa eNkosini.

29 Lezembatho ezingcwele zikaAroni zizakuba ngezamadodana akhe emva kwakhe, ukuze agcotshwe embethe zonae, lokuze ehlukaniswe embethe zonaf. 30 Insuku eziyisikhombisag umpristi endaweni yakhe, ovela kumadodana akheh, uzazembatha, nxa engena ethenteni lenhlangano ukukhonza endaweni engcwele.

31 Uzathatha-ke inqama yokwehlukaniswa, upheke inyama yayo endaweni engcwelei. 32 Njalo uAroni lamadodana akhe bazakudla inyama yenqama lesinkwa esisesitshenij emnyango wethente lenhlangano, 33 badle lezozinto okwenziwa ngazo inhlawulo yokuthulak, ukubehlukanisa, ukubangcwelisa; kodwa owemzini angazidli ngoba zingcwelel. 34 Njalo uba kusala okwenyama yokwehlukaniswa kumbe okwesinkwa kuze kuse, tshisa okuseleyo ngomlilom; kungadliwa, ngoba kungcwele.

35 Uzakwenza njalo-ke kuAroni lakumadodana akhe njengakho konke engikulaya khona; insuku eziyisikhombisa uzabehlukanisan. 36 Insuku ngensuku unikele ijongosi lomnikelo wesonoo wenhlawulo yokuthula; uhlambulule ilathi lapho ulenzela inhlawulo yokuthula, uligcobe ukuze ulingcwelisep. 37 Ulenzele ilathi inhlawulo yokuthula insuku eziyisikhombisa, ulingcwelise, lelathi lizakuba yingcwelengcweleq; konke okulithintayo ilathi kuzakuba ngcweler.

Iminikelo yensuku ngensuku

38 Yilokhu-ke ozakunikela phezu kwelathi: Amawundlu amabili alomnyaka owodwas insuku ngensuku njalonjalot. 39 Elinye iwundlu uzalinikela ekuseniu, lelinye iwundlu ulinikele kusihlwa, 40 lokwetshumi kwempuphu ecolekileyo kuxubene lengxenye yesine yehini* yamafutha agigiweyo, lengxenye yesine yehini* yewayini kube ngumnikelo wokunathwayo, welinye iwundlu. 41 Lelinye iwundlu ulinikele kusihlwav, wenze kulo njengomnikelo wokudla wekuseniw, lanjengomnikelo wawo wokunathwayo, kube luqhatshi olumnandix, umnikelo owenzelwe iNkosi ngomlilo. 42 Uzakuba ngumnikelo wokutshiswa njalonjalo ezizukulwaneni zenuy, emnyango wethente lenhlangano phambi kweNkosi, lapho engizahlangana khona laniz, ukukhuluma lawe lapho. 43 Lalapho ngizahlangana labantwana bakoIsrayeli, njalo kungcweliswe yinkazimulo yamia. 44 Njalo ngizangcwelisa ithente lenhlangano lelathib, ngizangcwelisa loAroni lamadodana akhe, ukuze bangisebenzele njengabapristi. 45 Ngizahlala phakathi kwabantwana bakoIsrayelic, ngibe nguNkulunkulu kubo. 46 Bazakwazi-ke ukuthi ngiyiNkosi uNkulunkulu wabod, eyabakhupha elizweni leGibhithe ukuze ngihlale phakathi kwabo; ngiyiNkosi uNkulunkulu wabo.