Izembatho zabapristi

28Wena-ke sondeza kuwe uAroni umnewenu lamadodana akhe kanye layea, phakathi kwabantwana bakoIsrayeli, ukuze bangisebenzele njengabapristi, uAroni, uNadabi loAbihu, uEleyazare loIthamari, amadodana kaAronib. 2 Umenzele-ke uAroni umnewenu izembatho ezingcwelec, ezobukhosi lezokucecisa. 3 Wena-ke khuluma labo bonke abahlakaniphileyo ngenhliziyod, engibagcwalise ngomoya wenhlakaniphoe, ukuze benze izembatho zikaAroni zokumehlukanisela ukungisebenzela njengompristi. 4 Lalezi yizembatho abazazenza; isembatho sesifubaf le-efodi*g, lebhatshih, lesigqoko esilamabalai, iqhiyej, lebhantik; bamenzele uAroni umnewenu izembatho ezingcwele, lezamadodana akhe, ukuze angisebenzele njengompristi. 5 Bona-ke kabathathe igolide lokuluhlaza okwesibhakabhakal lokuyibubende lokubomvu lelembu elicolekileyo kakhulu.

6 Besebesenza i-efodi ngegolidem, okuluhlaza okwesibhakabhakan, lokuyibubende, okubomvu, lelembu elicolekileyo lentambo ephothiweyo, umsebenzi wengcitshio. 7 Sizakuba lezichibi ezimbili zamahlombe, zihlangane emaceleni aso womabili, ukuze sihlanganiswe. 8 Ibhanti elelukwe ngobungcitshi le-efodi lakhe, elikuye, lizakuba njengomsebenzi walo, liyinto yinye, ngegolide, okuluhlaza okwesibhakabhakap, lokuyibubende, lokubomvu, lelembu elicolekileyo lentambo ephothiweyo. 9 Njalo uzathatha amatshe amabili ama-onikse*q, ubaze kuwo amabizo amadodana kaIsrayeli, 10 ayisithupha kumabizo awo phezu kwelinye ilitshe, lamabizo ayisithupha aseleyo phezu kwelinye ilitshe, njengokuzalwa kwawo. 11 Njengomsebenzi wombazi wamatsher, njengokubazwa kwendandatho elophawu, uzawabaza amatshe womabili, ngamabizo amadodana kaIsrayeli, uwenze amiswe ezisekelweni zegolide ezitshiliweyo. 12 Njalo uzabeka amatshe womabili ezichibini zamahlombe ze-efodi*, amatshe esikhumbuzo ebantwaneni bakoIsrayeli; loAroni uzathwala amabizo abo emahlombe akhe womabili phambi kweNkosis, kube yisikhumbuzot.

13 Wenze lezisekelo ezitshiliweyo zegolide, 14 lamaketane amabili egolide elicwengekileyou, uwenze ukuthi abe njengamagoda, umsebenzi ophothiweyo, amaketane aphothiweyo uwabophele ezisekelweni ezitshiliweyo zegolide.

15 Ubususenza isembatho sesifuba sokwahlulelav, kube ngumsebenzi wengcitshiw, uyenze njengomsebenzi we-efodi, ngegolide, okuluhlaza okwesibhakabhakax, lokuyibubende, lokubomvu, langelembu elicolekileyo lentambo ephothiweyo uzasenza. 16 Kasilingane inhlangothi zozine, siphindwe kabili, ubude baso bube yikwelulwa kweminwe, lobubanzi baso bube yikwelulwa kweminwe. 17 Njalo uhlele kuso inhlelo zamatshey, imizila emine yamatshe; umzila wesardiyusi*, itopazi* le-emeraldi*, umzila wokuqala. 18 Lomzila wesibili ube lerubi*, isafire*, lendayimanaz, 19 lomzila wesithathu ube lejasinte*, i-agate*, le-ametiste*, 20 lomzila wesine ube lebherule*, le-onikse*, lejaspi*; amatshe la azasekelwa ngegolide ezisekelweni zawo ezitshiliweyo. 21 Lamatshe azakuba lamabizo amadodana kaIsrayeli, alitshumi lambili, lamabizo awo; njengokubazwa kwendandatho elophawu, yilelo lalelo lebizo lalo; azakuba ngawezizwe ezilitshumi lambili.

22 Wenze-ke esembathweni sesifuba amaketane aphothiweyo omsebenzi wegoda egolide elicwengekileyo, 23 wenze futhi phezu kwesembatho sesifuba amasongo amabili egolide, uwafake amasongo amabili emaceleni womabili esembatho sesifuba. 24 Ufake amaketane amabili egolide aphothiweyo emasongweni amabili emaceleni esembatho sesifuba; 25 kodwa izihloko zombili zamaketane womabili aphothiweyo uzifake ezisekelweni ezimbili ezitshiliweyo, uzibeke ezichibini ze-efodi, phambili kwayo kanye.

26 Uzakwenza njalo amasongo amabili egolide, uwafake emaceleni womabili esembatho sesifuba, emphethweni waso ongaphakathi kwe-efodi. 27 Wenze futhi amasongo amabili egolide, uwafake ezichibini ezimbili ze-efodi, ngaphansi ngaphambili kwaso, eduze kokuhlangana kwazo, phezu kwebhanti elelukwe ngobungcitshi le-efodia. 28 Bazabophela-ke isembatho sesifuba ngamasongo aso emasongweni e-efodi ngentambo eluhlaza okwesibhakabhaka, ukuze sibe phezu kwebhanti elelukwe ngobungcitshib, njalo isembatho sesifuba singakhumuki e-efodini. 29 Njalo uAroni uzathwala amabizo abantwana bakoIsrayelic esembathweni sesifuba sokwahlulela phezu kwenhliziyo yakhe, nxa engena endaweni engcwele, kube yisikhumbuzo phambi kweNkosi njalonjalo.

30 Uzafaka-ke esembathweni sesifuba sokwahlulela iUrimi leThumimid, njalo kube phezu kwenhliziyo kaAroni, nxa engena phambi kweNkosi; ngakho uAroni uzakuthwala ukwahlulelwa kwabantwana bakoIsrayeli phezu kwenhliziyo yakhe phambi kweNkosi njalonjaloe.

31 Uzakwenza ibhatshi lonke le-efodi ngokuluhlaza okwesibhakabhakaf; 32 njalo sibe lesikhala sekhanda ngaphakathi kwaso, isikhala sibe lomphetho osizingelezeleyo, umsebenzi owelukiweyo, sibe njengesikhala sebhatshi lensimbi, ukuze singadabukig.

33 Lemiphethweni yaso wenze amapomegranati* ngokuluhlaza okwesibhakabhaka lokuyibubende lokubomvu, emiphethweni yaso osizingelezeleyo, lamabhera egolide phakathi kwawo asizingelezeleyo, 34 ibhera legolide lepomegranati, ibhera legolide lepomegranati, emiphethweni yebhatshi kuzingelezele. 35 UAroni kasembathele-ke ukukhonza, lokukhenceza kwaso kuzwakale lapho engena endaweni engcwele phambi kweNkosi, lalapho ephuma, ukuze angafi.

36 Uzakwenza njalo incence ngegolide elicwengekileyoh, ubaze kuyo ukubazwa kwendandatho elophawui: UBUNGCWELE ENKOSINIj. 37 Uyifake phezu kwentambo eluhlaza okwesibhakabhaka, ukuze ibe phezu kweqhiyek, ibe ngaphambili kweqhiye. 38 Izakuba sebunzini likaAroni, ukuze uAroni athwale ububi bezinto ezingcwelel, abantwana bakoIsrayeli abazazingcwelisa, kuzo zonke izipho zabo ezingcwele; njalo izahlala isebunzini lakhe, ukuze bemukeleke phambi kweNkosim.

39 Uzakweluka njalo isigqoko ngelembu elicolekileyo kakhulu elilamabalan, wenze leqhiye ngelembu elicolekileyo kakhulu, lebhanti, umsebenzi womfekethisi ngenalithio.

40 Wenzele-ke amadodana kaAronip izigqoko, uwenzele amabhantiq, lezingowane uwenzele, kube ngokobukhosi lokucecar. 41 Umgqokise zona uAroni umnewenu lamadodana akhe kanye laye, ubagcobes, ubehlukanise, ubangcwelise ukuze bangisebenzele njengabapristi. 42 Ubenzele labokabhudula bangaphansi belembu elicolekileyot okusibekela inyama yobunqunu, aqale ekhalweni afike emathangazini; 43 njalo uAroni lamadodana akhe bawagqoke lapho bengena ethenteni lenhlangano kumbe lapho besondela elathini ukukhonza endaweni engcweleu, hlezi bathwale ububiv, bafe. Kuzakuba yisimiso esilaphakadew kuye lakuyo inzalo yakhe emva kwakhe.