Imithetho elitshumi

20UNkulunkulua wasekhulumab wonke la amazwi esithi:

2 NgiyiNkosi uNkulunkulu wakhoc eyakukhupha elizweni leGibhithe, endlini yobugqili.

3 Ungabi labanye onkulunkulu phambi kwamid.

4 Ungazenzeli isithombe esibaziweyoe loba yiwuphi umfanekiso wokusemazulwini phezulu, loba wokusemhlabeni phansi, loba wokusemanzini ngaphansi komhlaba; 5 ungakukhothameli, ungakukhonzif; ngoba mina iNkosi, uNkulunkulu wakho, nginguNkulunkulu olobukhweleg, ngiphindisela ububi baboyise phezu kwabantwanah, kuze kube sesizukulwaneni sesithathu lesesine sabangizondayo, 6 kodwa ngibenzela umusai abayizinkulungwane zabangithandayo lezabagcina imilayo yami.

7 Ungaliphathi ngeze ibizo leNkosi uNkulunkulu wakhoj; ngoba iNkosi kayiyikumyekela engelacala ophatha ibizo layo ngeze.

8 Khumbula usuku lwesabatha, ukulugcina lube ngcwelek. 9 Insuku eziyisithupha uzasebenza, uwenze wonke umsebenzi wakhol; 10 kodwa usuku lwesikhombisa lulisabatha leNkosi uNkulunkulu wakho; ungenzi loba yiwuphi umsebenzi ngalo, wena lendodana yakho lendodakazi yakho, inceku yakho lencekukazi yakho lezifuyo zakho lowemzini wakho ophakathi kwamasango akhom. 11 Ngoba ngensuku eziyisithupha iNkosi yenza amazulu lomhlaba lolwandle lakho konke okukukho, yasiphumula ngosuku lwesikhombisan; ngalokhu iNkosi yalubusisa usuku lwesabatha, yalungcwelisa.

12 Hlonipha uyihlo lonyokoo, ukuze insuku zakho zelulwe elizweni iNkosi uNkulunkulu wakho ekunika lonap.

13 Ungabulaliq.

14 Ungafebir.

15 Ungebis.

16 Unganiki ubufakazi bamanga ngomakhelwane wakhot.

17 Ungafisi indlu kamakhelwane wakho, ungafisi umkamakhelwane wakho, lenceku yakhe, lencekukazi yakhe, lenkabi yakhe, lobabhemi wakhe, njalo loba yini ekamakhelwane wakhou.

Ukwesaba kwabantu

18 Bonke abantu basebebona imidumov lemibane lelizwi lophondow, lentaba ithunqax. Kwathi abantu bekubona bathuthumela, bema khatshana; 19 bathi kuMozisi: Khuluma wena lathi, njalo sizakuzway; kodwa uNkulunkulu kangakhulumi lathi hlezi sifez. 20 UMozisi wasesithi ebantwini: Lingesabia; ngoba uNkulunkulu ufikile ukuze alilingeb, lokuze ukwesabeka kwakhe kube phambi kwenuc, ukuze lingoni. 21 Abantu bema-ke khatshana; kodwa uMozisi wasondela emnyameni onzima lapho uNkulunkulu ayekhonad.

Umthetho omayelana lelathi

22 INkosi yasisithi kuMozisi: Uzakutsho njalo kubantwana bakoIsrayeli uthi: Lina selibonile ukuthi ngikhulume lani ngisemazulwinie. 23 Kaliyikwenza kanye lami onkulunkulu besiliva, njalo onkulunkulu begolide kaliyikuzenzelaf. 24 Ngenzela ilathi lenhlabathi, unikele phezu kwalo iminikelo yakho yokutshiswa leminikelo yakho yokuthula, izimvu zakho lenkabi zakho. Kuyo yonke indawo lapho engilenza ibizo lami ukuthi likhunjulwe khonag ngizakuza kuwe ngikubusiseh. 25 Kodwa uba ungenzela ilathi lamatshei, awuyikulakha ngamatshe abaziweyoj; ngoba nxa uphakamisela kulo insimbi yakho yokubazak, uyalingcolisa. 26 Awuyikukhwela phezu kwelathi lami ngezikhwelo, ukuze ubunqunu bakho bungembulwa phezu kwalo.