UJetro uhambela uMozisi

18Kwathi uJetroa umpristi weMidiyanib, uyisezala kaMozisi, esezwile konke uNkulunkulu ayemenzele khona uMozisi loIsrayeli isizwe sakhe, ukuthi iNkosi yayimkhuphile uIsrayeli eGibhithe, 2 uJetro uyisezala kaMozisi wathatha uZipora umkaMozisi emva kokumbuyisela kwakhec, 3 kanye lamadodana akhe amabilid; obizo lenye lalinguGereshoma, ngoba wathi: Ngangingowemzini elizweni lemzini; 4 lebizo lenye linguEliyezeri, ngoba uNkulunkulu kababa wayelusizo lwami, wangikhulula enkembeni kaFaroe. 5 UJetro uyisezala kaMozisi wasesiza lamadodana akhe lomkakhe kuMozisi enkangala, entabeni kaNkulunkuluf lapho ayemise khona inkamba. 6 Wasesithi kuMozisi: Mina, uyihlozala, uJetro, ngiza kuwe lomkakho lamadodana akhe amabili elaye. 7 UMozisi wasephuma ukumhlangabeza uyisezalag, wakhothama, wamangah. Basebebuzana impilakahle; bangena ethenteni. 8 UMozisi wasemlandisela uyisezala ngakho konke iNkosi eyayikwenzile kuFaro lakumaGibhithe ngenxa kaIsrayeli, yonke inhlupheko eyabehlela endleleni, lokuthi iNkosi yayibakhulule. 9 UJetro wasethokoza ngakho konke okuhle iNkosi eyayikwenzele uIsrayelii, ukuthi yayimkhulule esandleni samaGibhithe. 10 UJetro wasesithi: Ibusisiwe iNkosij elikhulule esandleni samaGibhithe lesandleni sikaFaro; eyakhulula lesisizwe ngaphansi kwesandla samaGibhithe. 11 Khathesi sengisazi ukuthi iNkosi inkulu kulabo bonke onkulunkulu, ngoba endabenik abazigabisa ngayo yayiphezu kwabol. 12 UJetro uyisezala kaMozisi wasethathela uNkulunkulu umnikelo wokutshiswa lemihlatshelo; kwasekusiza uAroni labo bonke abadala bakoIsrayeli ukudla isinkwa loyisezala kaMozisi phambi kukaNkulunkulum.

Ukubekwa kwabahluleli

13 Kwasekusithi kusisa uMozisi wahlala ukwahlulela abantu; njalo abantu bema phambi kukaMozisi kusukela ekuseni kwaze kwahlwa. 14 Kwathi lapho uyisezala kaMozisi esekubonile konke akwenzela abantu wathi: Iyini linto oyenza ebantwini? Uhlalelani wedwa, labantu bonke bemi kuwe kusukela ekuseni kuze kuhlwe? 15 UMozisi wasesithi kuyisezala: Ngoba abantu beza kimi ukubuza kuNkulunkulun. 16 Nxa belendabao, beza kimi, njalo ngahlulele phakathi komuntu lomakhelwane wakhe, ngibazise izimiso zikaNkulunkulu lemithetho yakhep. 17 Uyisezala kaMozisi wasesithi kuye: Into oyenzayo kayinhle. 18 Isibili uzazidlakaza, wena-ke lalababantu abalawe; ngoba linto inzima kakhulu kuwe, kawulakukwenza wedwaq. 19 Khathesi lalela ilizwi lami; ngizakweluleka, njalo uNkulunkulu abe lawer. Wena kawube ngowabantu phambi kukaNkulunkulus, wena ulethe izindaba kuNkulunkulut, 20 ubafundise izimiso lemithethou, ubazise indlela abamele bahambe ngayov, lomsebenzi abamele bawenzew. 21 Futhi wena ubone phakathi kwabo bonke abantu amadoda alamandlax, amesabayo uNkulunkuluy, amadoda eqinisoz, azonda inzuzo engalungangaa, uwabeke phezu kwabo, induna zezinkulungwane, induna zamakhulu, induna zamatshumi amahlanu, lenduna zamatshumi; 22 ukuthi zahlulele abantu ngaso sonke isikhathib; kodwa kuzakuthi lonke udaba olukhulu zizaluletha kuwe, kodwa lonke udaba oluncinyane zizalwahlulela zonac, ukuze kube lula kuwe, njalo zizathwalisana lawed. 23 Uba usenza linto, loNkulunkulu ekulawula, uzakuba lamandla okumae, njalo labo bonke lababantu bazabuyela endaweni yabo ngokuthulaf. 24 UMozisi waselilalela ilizwi likayisezala, wenza konke ayekutshilo. 25 UMozisi wasekhetha amadoda alamandla kuye wonke uIsrayelig, wawabeka inhloko phezu kwabantu, induna zezinkulungwane, induna zamakhulu, induna zamatshumi amahlanu lenduna zamatshumi. 26 Zasezibahlulela abantu ngaso sonke isikhathih; zaletha kuMozisi indaba ezinzima, kodwa lonke udaba oluncinyane zalwahlulela zona.

27 UMozisi wasemyekela wahamba uyisezala; waya elizweni lakiboi.