Bible

14INkosi yasikhuluma kuMozisi isithi: 2 Tshela abantwana bakoIsrayeli ukuthi baphenduke, bamise inkamba phambi kwePi-Hahirothia, phakathi kweMigidoli lolwandleb, phambi kweBhali-Zefoni, maqondana layo limise inkamba elwandle. 3 Njalo uFaro uzakuthi ngabantwana bakoIsrayeli: Badidekilec elizweni, inkangala ibavalele. 4 Njalo ngizayenza lukhuni inhliziyo kaFarod, ukuthi axotshane labo, ngibe sengidunyiswa kuFaro lebuthweni lakhe lonkee, ukuze amaGibhithe azi ukuthi ngiyiNkosif. Basebesenza njalo.

5 Kwathi sekubikiwe enkosini yeGibhithe ukuthi abantu babalekile, inhliziyo kaFaro lenhliziyo yenceku zakhe yaguquka mayelana labantug, basebesithi: Kuyini lokho esikwenzileyo, ukuthi siyekele uIsrayeli ahambe angasisebenzeli? 6 Wasebophela inqola yakhe, wathatha abantu bakhe laye. 7 Wasethatha inqola ezingamakhulu ayisithupha ezikhethiweyoh lazo zonke inqola zeGibhithe lenduna eziphezu kwazo zonke. 8 INkosi yasiyenza lukhuni inhliziyo kaFaro inkosi yeGibhithei, wasexotshana labantwana bakoIsrayeli, kodwa abantwana bakoIsrayeli baphuma ngesandla esiphakemeyoj. 9 Kodwa amaGibhithe asexotshana labok, amabhiza wonke, izinqola zikaFaro, labagadi bakhe bamabhiza, lebutho lakhe, abafica bemise inkamba elwandle, eceleni kwePi-Hahirothi phambi kweBhali-Zefoni.

10 Kwathi uFaro esesondele, abantwana bakoIsrayeli baphakamisa amehlo abo, khangela-ke, amaGibhithe ehamba ebalandela, basebesesaba kakhulu. Abantwana bakoIsrayeli basebekhala eNkosinil; 11 bathi kuMozisim: Kungoba kwakungekho mangcwaba yini eGibhithen ukuthi usithethe ukuze sifele enkangala? Kuyini lokhu okwenze kithi, ukusikhupha eGibhithe? 12 Kayisilo leli ilizwi esalikhuluma kuwe eGibhithe sisithi: Siyekele ukuthi sisebenzele amaGibhitheo? Ngoba bekuzakuba ngcono kithi ukuthi sisebenzele amaGibhithe kulokuthi sifele enkangala. 13 UMozisi wasesithi ebantwini: Lingesabi; manini liqine, libone usindiso lweNkosi ezalenzela lona lamuhlap; ngoba amaGibhithe eliwabonayo lamuhla, kalisayikuwabona futhi kuze kube laphakade. 14 INkosi izalilwelaq, lina-ke lizathular.

15 INkosi yasisithi kuMozisi: Ukhalelani kimi? Tshela abantwana bakoIsrayeli ukuthi baqhubekele phambili. 16 Wena-ke, phakamisa intonga yakho, welulele isandla sakho phezu kolwandles uludabule, ukuze abantwana bakoIsrayeli bahambe phakathi kolwandle emhlabathini owomileyo. 17 Mina-ke, khangela, ngizayenza lukhuni inhliziyo yamaGibhithet ukuze angene ngemva kwabo. Njalo ngizadunyiswa ngoFaro langebutho lakhe lonke, ngezinqola zakhe, langabagadi bamabhiza bakheu. 18 Njalo amaGibhithe azakwazi ukuthi ngiyiNkosiv sengidunyiswe ngoFaro, ngezinqola zakhe langabagadi bamabhiza bakhe.

19 Njalo ingilosi kaNkulunkuluw eyayihamba phambi kwebutho lakoIsrayeli yasuka yayahamba ngemva kwabo; lensika yeyezi yasuka phambi kwabo, yema ngemva kwabo, 20 yasisiza phakathi kwebutho lamaGibhithe lebutho lakoIsrayeli. Njalo yayiliyezi lobumnyama, kodwa yakhanyisa ubusuku, okokuthi elinye kalisondelanga kwelinye ubusuku bonke. 21 UMozisi waseselulela isandla sakhe phezu kolwandlex; iNkosi yalwenza ulwandle lwahamba ngomoya olamandla wempumalanga ubusuku bonke, yenza ulwandle lwaba ngumhlabathi owomileyoy; amanzi asesehlukaniswaz. 22 Abantwana bakoIsrayeli basebengena olwandle emhlabathini owomileyoa; njalo amanzi aba ngumduli kubo ngakwesokunene sabo langakwesokhohlo sabo.

23 AmaGibhithe asexotshana labo, angena ngemva kwabo, wonke amabhiza kaFaro, inqola zakhe labagadi bamabhiza bakhe, phakathi kolwandle. 24 Kwasekusithi ngomlindo wokusa, iNkosi yakhangela phansi ebuthweni lamaGibhithe isensikeni yomlilo leyeyezib, yalidunga ibutho lamaGibhithe; 25 yakhupha amavili ezinqola zawo ukuze zihambe nzima, aze athi amaGibhithe: Asibalekele ubuso bukaIsrayeli, ngoba iNkosi iyabalwela imelene lamaGibhithec.

26 INkosi yasisithi kuMozisi: Yelulela isandla sakho phezu kolwandled ukuze amanzi abuyele phezu kwamaGibhithe, phezu kwenqola zawo laphezu kwabagadi bawo bamabhiza. 27 UMozisi waseselulela isandla sakhe phezu kolwandlee; ulwandle lwaselubuyela endaweni yalo eyejwayelekileyof emadabukakusa; amaGibhithe asebalekela kulo; iNkosi yasiwathintithela amaGibhithe phakathi kolwandleg. 28 Amanzi asebuyelah, asibekela izinqola labagadi bamabhiza, lebutho lonke likaFaro elalingene olwandle ngemva kwabo; kakusalanga loyedwa kuboi. 29 Kodwa abantwana bakoIsrayeli bahamba phezu komhlabathi owomileyoj phakathi kolwandle; njalo amanzi aba ngumduli kubo ngakwesokunene sabo langakwesokhohlo sabo. 30 Ngokunjalo iNkosi yamsindisa uIsrayeli ngalolosuku esandleni samaGibhithek; njalo uIsrayeli wabona amaGibhithe efile ekhunjini lolwandle. 31 UIsrayeli wasebona amandla amakhulu1 iNkosi eyawenzayo kumaGibhithe. Abantu basebeyesaba iNkosi, bakholwa eNkosinil, lakuMozisi inceku yayo.

a 13.18,20; 14.5,9. Nani 33.7,8.

b Jer. 44.1.

c Esta 3.15. Jow. 1.18.

d 7.13.

e 9.16; 14.17,18. Roma 9.17,22,23.

f 7.5.

g Hlab. 105.25.

h 15.4. Isa. 31.1.

i 14.4,17; 7.13.

j Nani 33.3. 13.9.

k 15.9. Josh. 24.6.

l Josh. 24.7. Neh. 9.9.

m Hlab. 106.7,8.

n 2 Kho. 1.3,6,16.

o 5.21; 6.9.

p 2 Lan. 20.15,17. Isa. 41.10,13,14.

q 14.25. Dute. 1.30; 3.22; 20.4. Josh. 10.14,42; 23.3. 2 Lan. 20.29. Neh. 4.20. Isa. 31.4.

r 1 Sam. 7.8. Jer. 38.27. Isa. 30.15.

s 14.26; 7.19.

t 14.4,8.

u 14.4.

v 14.4.

w Gen. 31.11. 23.20; 32.34. Nani 20.16. Isa. 63.9. Mal. 3.1. 13.21.

x 14.27.

y Hlab. 66.6. Gen. 7.22. Josh. 3.17; 4.18. 2 Kho. 2.8. Hag. 2.6.

z Neh. 9.11. Hlab. 78.13. Isa. 63.12. 15.8. Hlab. 74.13; 106.9; 114.3. Josh. 3.16; 4.23.

a 14.29; 15.19. Nani 33.8. Hlab. 66.6. Isa. 63.13. 1 Kor. 10.1. Heb. 11.29. Hlab. 77.17-20.

b 1 Sam. 11.11. Hlu. 7.19. Hlab. 63.6; 90.4; 119.148. Lilo 2.19. Mat. 24.43. Mat. 14.25. Mark. 6.48; 13.35. Luka 12.38.

c 14.14-16.

d 14.16.

e 14.21.

f Josh. 4.18.

g 15.1,7. Dute. 11.4. Hlab. 78.53.

h Hab. 3.8-13.

i Hlab. 106.11.

j 14.22.

k Hlab. 106.8,10.

1 amandla amakhulu: Heb. isandla esikhulu.

l 4.31; 19.9. Hlab. 106.12. Joha. 2.11; 11.45.