4UMozisi wasephendula wathi: Kodwa khangela, kabayikungikholwa, kabayikulilalela ilizwi lami; ngoba bazakuthi: INkosi kayibonakalanga kuwe. 2 INkosi yasisithi kuye: Kuyini lokho okusesandleni sakho? Wasesithi: Yintongaa. 3 Yasisithi: Iphosele emhlabathini. Waseyiphosela emhlabathini, yasisiba yinyoka. UMozisi waseyibalekela. 4 INkosi yasisithi kuMozisi: Yelula isandla sakho, uyibambe ngomsila. Waselula isandla sakhe, wayithi xhaka; yasisiba yintonga esandleni sakhe, 5 ukuze bakholweb ukuthi ibonakele kuwe iNkosi, uNkulunkulu waboyise, uNkulunkulu kaAbrahama, uNkulunkulu kaIsaka, loNkulunkulu kaJakobec.

6 INkosi yasisithi njalo kuye: Ake ufake isandla sakho esifubeni sakho. Wasesifaka isandla sakhe esifubeni sakhe; esesikhuphile, khangela-ke, isandla sakhe sasesilobulephero njengeliqhwa elikhithikileyod. 7 Yasisithi: Buyisela isandla sakho esifubeni sakho. Wasesibuyisela isandla sakhe esifubeni sakhe; esesikhuphile esifubeni sakhe, khangela-ke, sasesiphenduke saba njengenyama yakhee. 8 Njalo kuzakuthi uba bengakukholwa, bengalaleli ilizwi lesibonakaliso sokuqala, bazakholwa ilizwi lesibonakaliso sokucina. 9 Kuzakuthi-ke, uba bengakholwa lalezizibonakaliso ezimbili, bengalaleli ilizwi lakho, uzakukha okwamanzi omfula, uwathele emhlabathini owomileyo; njalo kuzakuthi amanzi ozawakha emfuleni azakuba ligazif emhlabathini owomileyo.

10 UMozisi wasesithi eNkosini: Uxolo, Nkosi yami, kangisiso sikhulumi1, ngitsho kusukela endulo2, ngitsho kusukela usukhulume lenceku yakho; ngoba kunzima emlonyeni wami njalo kunzima oliminig. 11 INkosi yasisithi kuye: Ngubani owenzela umuntu umlomo? Kumbe ngubani owenza isimungulu, kumbe isacuthe, kumbe obonayo, kumbe isiphofu? Kakusimi yini iNkosi? 12 Khathesi-ke hamba, njalo mina ngizakuba lomlomo wakho, ngikufundise lokho ozakukhulumah. 13 Kodwa wathi: Uxolo, Nkosi yami, akuthume ngesandla salowo ozamthumai. 14 Lwaseluvutha ulaka lweNkosi kuMozisi, yasisithi: Angithi uAroni umLevi ngumnewenu? Ngiyazi ukuthi angakhuluma kuhle. Njalo khangela-ke, uzaphuma ukukuhlangabeza; nxa ekubona, uzathaba enhliziyweni yakhe. 15 Njalo uzakhuluma kuyej, ufake amazwi emlonyeni wakhek; mina-ke ngizakuba lomlomo wakho lomlomo wakhe, ngizalifundisa lokho elizakwenza. 16 Yena-ke uzakhuluma esizweni esikhundleni sakho, kuzakuthi abe ngumlomo kuwe, wena ube njengoNkulunkulu kuyel. 17 Njalo uzathatha lintonga esandleni sakho, ozakwenza izibonakaliso ngayom.

UMozisi ubuyela eGibhithe

18 UMozisi wasehamba wabuyela kuJetro uyisezala, wathi kuye: Ake ungiyekele ngihambe, ngibuyele kubafowethu abaseGibhithe, ngibone ukuthi basaphila yini. UJetro wasesithi kuMozisi: Hamba ngokuthula. 19 INkosi yasisithi kuMozisi eMidiyani: Hamba, ubuyele eGibhithe; ngoba wonke amadoda asafa, ayedinga umphefumulo wakhon. 20 UMozisi wasethatha umkakhe lamadodana akhe, wabakhwelisa phezu kukababhemi, wabuyela elizweni leGibhithe. UMozisi wasethatha intonga kaNkulunkulu esandleni sakheo. 21 INkosi yasisithi kuMozisi: Ekuhambeni kwakho ubuyela eGibhithe, bona ukuthi, zonke izimangalisop engizibeke esandleni sakho, uzenze phambi kukaFaro. Kodwa ngizakwenza inhliziyo yakhe ibe lukhuniq ukuze angasiyekeli isizwe sihambe. 22 Njalo uzakuthi kuFaro: Itsho njalo iNkosi: Indodana yamir, izibulo lamis, nguIsrayeli; 23 njalo sengithe kuwe: Yekela indodana yami ihambe ukuthi ingikhonze; kodwa walile ukuyiyekela ihambe, khangela, ngizabulala indodana yakho, izibulo lakhot.

24 Kwasekusithi esendleleni, endlini yezihambiu, iNkosi yahlangana layev, yadinga ukumbulala. 25 UZipora wasethatha insengetshe, waquma ijwabu laphambili lendodana yakhe, walithintisa inyawo zakhe wathi: Isibili ungumyeni wegazi kimi. 26 Yasimyekelaw. Ngalesosikhathi wathi: Umyeni wegazi, ngenxa yokusoka.

27 INkosi yasisithi kuAroni: Hamba, uyehlangabeza uMozisi enkangalax. Wahamba-ke, wahlangana laye entabeni kaNkulunkuluy, wamanga. 28 UMozisi wasemtshela uAroniz wonke amazwi eNkosi eyayimthumile, lazo zonke izibonakaliso eyayimlaye zona.

29 OMozisi loAroni basebehamba, babuthanisa bonke abadala babantwana bakoIsrayelia. 30 UAroni wasekhuluma amazwi wonke iNkosi eyayiwakhulume kuMozisib, wenza izibonakaliso phambi kwamehlo abantu. 31 Abantu basebekholwac; bezwa ukuthi iNkosi ihambeled abantwana bakoIsrayeli, lokuthi ibonile inhlupheko yaboe, bakhothama, bakhonzaf.