| NdebeleTeam Genesis « 40 » |
UJosefa uchasisa amaphupho
40Kwasekusithi emva kwalezizinto umphathinkezoa wenkosi yeGibhithe lomphekizinkwa bona enkosini yabo, enkosini yeGibhithe. 2 Ngakho uFaro wabathukuthelela abathenwa bakhe ababilib, induna yabaphathinkezo lenduna yabaphekizinkwa. 3 Wazinikela esitokisinic, endlini yenduna yabalindid, entolongweni, indawo lapho uJosefa ayebotshelwe khona. 4 Induna yabalindi yasimlaya uJosefa ukuba lazoe, wazisebenzela; njalo zaba lensuku esitokisini.
5 Zombili zaseziphupha amaphupho, ngamunye iphupho lakhe, ngabusuku bunye, ngamunye njengengcazelo yephupho lakhe, umphathinkezo lomphekizinkwa ababengabenkosi yeGibhithe ababebotshiwe entolongweni. 6 UJosefa wasengena kibo ekuseni, wababona, khangela-ke, benyukumele. 7 Wasebabuza abathenwa bakaFaro ababelaye esitokisini endlini yenkosi yakhe, esithi: Kungani ubuso benu budanile lamuhla? 8 Basebesithi kuye: Siphuphile iphupho, njalo kakho umchasisi walof. UJosefa wasesithi kubo: Ingcazelo kayisizo zikaNkulunkulu yinig? Ake lingilandisele wona. 9 Induna yabaphathinkezo yalandisa iphupho layo kuJosefa, yathi kuye: Ephutsheni lami, khangela-ke, kwakukhona ivini phambi kwami; 10 evinini-ke kwakukhona ingatsha ezintathu; njalo kwakungathi liyahluma, impoko zalo zaphuma, amahlukuzo alo athela izithelo zevini ezivuthiweyo. 11 Njalo inkezo kaFaro yayisesandleni sami; ngasengithatha izithelo zevini, ngazikhamela enkezweni kaFaro, nganika inkezo esandleni sikaFaro. 12 UJosefa wasesithi kuyo: Le yingcazelo yaloh. Ingatsha ezintathu ziyizinsuku ezintathui; 13 kusesephakathi kwensuku ezintathu uFaro uzaphakamisa ikhanda lakho, akubuyisele esikhundleni sakhoj; njalo uzanika inkezo kaFaro esandleni sakhe, njengendlela yakuqala lapho wawungumphathinkezo wakhe. 14 Kodwa ungikhumbule lawe, lapho uhlezi kuhle, ake ungenzele umusak, ungibike kuFaro, ungikhuphe kulindlu. 15 Ngoba ngebiwa lokwebiwa elizweni lamaHebheru, lalapha futhi kangenzanga lutho ukuze bangifake emgodinil.
16 Lapho induna yabaphekizinkwa ibona ukuthi uchasise kuhle, yathi kuJosefa: Lami bengisephutsheni; khangela-ke, bekukhona izitsha ezintathu zilezinkwa ezimhlophe1 ekhanda lami; 17 njalo esitsheni esingaphezulu kwakukhona okokudla konke kukaFaro, umsebenzi obhakiweyo; njalo inyoni zakudla lokho esitsheni esisekhanda lami. 18 UJosefa wasephendula wathi: Le yingcazelo yalom. Izitsha ezintathu ziyizinsuku ezintathu; 19 kusesephakathi kwensuku ezintathu uFaro uzaphakamisa ikhanda lakhon lisuke kuwe, akulengise esihlahleni; inyoni zizakudla inyama yakho ziyisuse kuwe.
20 Kwasekusithi ngosuku lwesithathu, usuku lokuzalwa kukaFaroo, wenzela inceku zakhe zonke idili; waphakamisa ikhandap lenduna yabaphathinkezo lekhanda lenduna yabaphekizinkwa phakathi kwenceku zakhe. 21 Wayibuyisela induna yabaphathinkezoq ekuphatheni kwayo inkezo; yasinika inkezo esandleni sikaFaror. 22 Kodwa wayilengisa induna yabaphekizinkwas, njengoba uJosefa ezichasisele. 23 Kodwa induna yabaphathinkezo kayimkhumbulanga uJosefa, kodwa yamkhohlwa.
a Neh. 1.11.
b 37.36.
c 39.20.
d 37.36.
e 39.4,5.
f 41.15.
g 41.16. Dan. 2.28,47.
h 40.18; 41.12. Dan. 2.36; 5.16.
i 40.18; 41.26.
j 2 Kho. 25.27. Jer. 52.31. Gen. 40.19,21,22. Hlab. 3.3.
k Josh. 2.12. 1 Sam. 20.14. 2 Sam. 9.1. 1 Kho. 2.7.
l 39.20.
1 zilezinkwa ezimhlophe: kumbe, ezilezobhobo.
m 40.12.
n 40.13.
o Mat. 14.6. Mark. 6.21.
p 40.13,19.
q 40.13.
r Neh. 2.1.
s 40.19.