NdebeleTeam » Genesis » 34

UDina woniwa nguShekema

34UDinaa indodakazi kaLeya, ayizalela uJakobe, wasephuma ukuyabona amadodakazi elizwe. 2 Njalo uShekema indodana kaHamorib umHivi, isiphathamandla selizwe, sambona, samthatha, salala laye, samona1. 3 Inhliziyo yaso yasinamathela kuDina indodakazi kaJakobe, sayithanda intombi, sakhuluma kunhliziyo yentombi. 4 UShekema wasekhuluma kuHamori uyisec esithi: Ngithathela lintombi ibe ngumkami. 5 UJakobe wasesizwa ukuthi usemngcolisile uDina indodakazi yakhe; lamadodana akhe ayesezifuyweni egangeni; njalo uJakobe wathulad aze afika.

6 UHamori uyise kaShekema wasephuma waya kuJakobe ukuze akhulume laye. 7 Kwathi amadodana kaJakobe efika evela egangeni esezwile, amadoda adabuka, athukuthela kakhulue ngoba wayenze ubuphukuphuku koIsrayeli ngokulala lendodakazi kaJakobef, okungafanele kwenziwe ngokunjalog. 8 UHamori wasekhuluma labo esithi: UShekema indodana yami, inhliziyo yakhe iyayilangatha indodakazi yenu; ake limnike yona ibe ngumkakhe. 9 Njalo yendiselanani lathi, lisiphe amadodakazi enu, lani lizithathele amadodakazi ethu. 10 Hlalani-ke lathi, lelizwe lizakuba phambi kwenuh; hlalani lithengiselane kuloi, lifuye kuloj. 11 UShekema wasesithi kuyise wentombi lakubanewabo: Angithole umusa emehlweni enuk; lalokho elizakutsho kimi ngizanika. 12 Yandisani kakhulu kimi ilobolo lesiphol, njalo ngizakupha njengoba litshilo kimi; kodwa ngiphani intombi ibe ngumkami. 13 Amadodana kaJakobe asephendula uShekema loHamori uyise ngobuqilim, athi, ngenxa yokuthi ubesemngcolisile uDina udadewabon, 14 athi kubo: Asilakuyenza lindaba, ukunika udadewethu indoda engasokwanga, ngoba kulihlazo kithio. 15 Kodwa ngalokhu singalivumela, uba libe njengathi, ukuthi wonke owesilisa wakini asokwe, 16 sizalinika-ke amadodakazi ethu, lathi amadodakazi enu sizithathele, njalo sihlale lani sibe yisizwe sinye. 17 Kodwa uba lingasilaleli lisokwe, sizathatha indodakazi yethu, sihambe. 18 Lamazwi abo aba mahle emehlweni kaHamori, lemehlweni kaShekema indodana kaHamori. 19 Njalo ijaha kaliphuzanga ukwenza lindaba, ngoba yayilentokozo endodakazini kaJakobe; yayilodumo kulendlu yonke kayisep.

20 UHamori wasefika, loShekema indodana yakhe, esangweni lomuzi wabo, basebekhuluma kumadoda omuzi wabo, besithi: 21 Lamadoda alokuthula lathi; ngakho kabahlale elizweni bathengiselane kuloq; ngoba ilizwe, khangelani, libanzi inhlangothi zombili phambi kwawo; amadodakazi abo sizawathatha abe ngomkethu, lamadodakazi ethu sizawanika wona. 22 Kulokhu kuphela amadoda azavumelana lathi, ukuhlala lathi, ukuba yisizwe sinye, nxa wonke owesilisa wethu esokiwe, njengalokhu esokiwe wona. 23 Inkomo zawo lempahla yawo lazo zonke izifuyo zawo kaziyikuba ngezethu yini? Kuphela asiwavumele, ahlale-ke lathi. 24 Basebelalela uHamori loShekema indodana yakhe, bonke abaphuma ngesango lomuzi wakhe; basebesokwa, wonke owesilisa, bonke abaphuma ngesango lomuzi wakher.

25 Kwasekusithi ngosuku lwesithathu beselobuhlungu, amadodana amabili kaJakobe, oSimeyoni loLevis, abanewabo bakaDinat, ngulowo lalowo wathatha inkemba yakhe, awujuma umuzi, abulala wonke owesilisa. 26 Asebabulala oHamori loShekema indodana yakhe ngobukhali2 benkemba, amkhupha uDina endlini kaShekema, aphuma. 27 Amadodana kaJakobe ehlela phezu kwasebebulewe, awuphanga umuzi, ngoba babemngcolisile udadewabou. 28 Athatha izimvu zabo lenkomo zabo labobabhemi babo lalokho okwakusemzini lalokho okwakusegangeni, 29 lenotho yabo yonke, labantwana babo bonke abancinyane, labomkabov, athumba abaphanga, lakho konke okwakusendlini. 30 UJakobe wasesithi kuSimeyoni loLevi: Lingihluphilew, ngokungenza ukuthi ngibe levumbax phakathi kwabakhileyo belizwe, phakathi kwamaKhanani lamaPeriziy; njalo ngimlutshwanaz, futhi bazangihlanganyela bangitshaye, ngibe sengichitheka mina lendlu yami. 31 Basebesithi: Amenze yini udadewethu njengesifebe?

a 30.21.

b 33.19.

1 samona: Heb. samthobisa.

c Hlu. 14.2.

d 24.21. 1 Sam. 10.27.

e 49.7.

f Hlu. 20.6. 2 Sam. 13.12.

g 34.31; 20.9; 29.26. Levi 4.2,13,22,27; 5.17; 2 Sam. 13.12.

h 13.9; 20.15.

i 34.21; 42.34.

j 47.27.

k 33.15.

l Eks. 22.16,17. 1 Sam. 18.25. Dute. 22.29.

m 2 Sam. 13.24.

n 34.27.

o Josh. 5.9.

p 1 Lan. 4.9.

q 34.10.

r 23.10.

s 49.5-7.

t 29.33,34; 30.21.

2 ubukhali: Heb. umlomo.

u 34.13.

v 43.8; 45.19.

w Josh. 7.25.

x Eks. 5.21. 1 Sam. 13.4; 27.12. 2 Sam. 10.6; 16.21. 1 Lan. 19.6.

y 13.7; 15.20,21.

z 1 Lan. 16.19. Dute. 4.27; 26.5; 33.6. Hlab. 105.12. Nani 9.20. Jobe 16.22. Hez. 12.16.