30Kwathi uRasheli esebonile ukuthi wayengamzaleli uJakobea, uRasheli waba lomonab ngodadewabo, wathi kuJakobe: Nginika abantwana, kodwa nxa kungenjalo ngife. 2 Ngakho lwavutha ulaka lukaJakobe kuRasheli, wathi: Ngisesikhundleni sikaNkulunkulu okwenqabele isithelo sesizalo yinic? 3 Wasesithi: Khangela, incekukazi yami uBilihad, ngena kuyee, ukuze azalele emadolweni amif, ukuze lami ngakhiwe kuye. 4 Wasemnika uBiliha incekukazi yakhe abe ngumkakhe; uJakobe wasengena kuyeg. 5 UBiliha wasethatha isisu, wamzalela uJakobe indodana. 6 URasheli wasesithi: UNkulunkulu ungahlulele, njalo uzwile ilizwi lami, wanginika indodana. Ngakho wayitha ibizo layo uDani1. 7 UBiliha incekukazi kaRasheli wasebuya ethatha isisu, wamzalela uJakobe indodana yesibili. 8 URasheli wasesithi: Ngibindene lokubindana okulamandla2 lodadewethu, njalo ngehlula; ngakho wayitha ibizo layo uNafithali3.

9 Kwathi uLeya esebonile ukuthi usemi ukuzalah, wathatha uZilipa incekukazi yakhe, wamnika uJakobe abe ngumkakhei. 10 UZilipa incekukazi kaLeya wasemzalela uJakobe indodana. 11 ULeya wasesithi: Kuyeza inhlanhla. Wayitha ibizo layo uGadi4. 12 UZilipa incekukazi kaLeya wasemzalela uJakobe indodana yesibili. 13 ULeya wasesithi: Kungokwentokozo yami, ngoba amadodakazi azakuthi ngilentokozoj. Wayitha ibizo layo uAsheri5.

14 URubeni wasehamba ngensuku zokuvuna ingqoloyi, wafica amamandrake* ensiminik, wawaletha kuLeya unina. URasheli wasesithi kuLeya: Ake ungiphe emamandrakeni endodana yakho. 15 Wasesithi kuye. Kuyinto encinyane yinil ukuthi uthethe indoda yami? Usuzathatha lamamandrake endodana yami yini? URasheli wasesithi: Ngakho uzalala lawe ngalobubusuku ngenxa yamamandrake* endodana yakho. 16 Kwathi uJakobe esebuya evela emasimini kusihlwa, uLeya waphuma ukumhlangabeza, wathi: Kimi uzangena, ngoba ukukuqhatsha ngikuqhatshile ngamamandrake* endodana yami. Waselala laye ngalobobusuku. 17 UNkulunkulu wasemuzwa uLeya; wasethatha isisu, wamzalela uJakobe indodana yesihlanu. 18 ULeya wasesithi: UNkulunkulu unginikile umvuzo wami, ngoba ngayinika indoda yami incekukazi yami; waseyitha ibizo layo uIsakari6. 19 ULeya wasephinda ethatha isisu, wamzalela uJakobe indodana yesithupha. 20 ULeya wasesithi: UNkulunkulu unginikile mina isipho esihle; khathesi indoda yami izahlala lami, ngoba ngiyizalele amadodana ayisithupha, waseyitha ibizo layo uZebuluni7. 21 Emva kwalokhu wasezala indodakazi, wayitha ibizo layo uDina8.

22 UNkulunkulu wasemkhumbula uRashelim, uNkulunkulu wasemuzwa, wavula isizalo sakhen. 23 Wasethatha isisu, wazala indodana, wathi: UNkulunkulu ususile ihlazo lamio. 24 Waseyitha ibizo layo uJosefa9, esithi: INkosi kayengeze kimi enye indodanap.

Inotho kaJakobe

25 Kwasekusithi uRasheli esemzele uJosefa, uJakobe wathi kuLabani: Ngiyekela ngihambe ukuze ngiye endaweni yakithi, lelizweni lakithi. 26 Ngipha omkami labantwana bami engibasebenzele kuweq ukuze ngihambe, ngoba wena uyazi umsebenzi wami engikusebenzele wona. 27 ULabani wasesithi kuye: Uba-ke ngithole umusa emehlweni akhor; sengibonile ngokukhangela ukuthi iNkosi ingibusisile ngenxa yakhos. 28 Wathi futhi: Ngimisela iholo lakho, njalo ngizakuphat. 29 Wasesithi kuye: Wena yazi ukuthi ngikusebenzele njani lokuthi izifuyo zakho bezinjani lamiu. 30 Ngoba okulutshwana owawulakho mandulo kwami, kwanda kakhulu kwaba yinkithinkithi; iNkosi ikubusisile ekufikeni kwami10; pho-ke, ngizayisebenzela nini lami indlu yamiv? 31 Wasesithi: Ngizakuphani? UJakobe wasesithi: Kawuyikunginika lutho, uba uzangenzela le into; ngizabuya ngeluse izimvu zakho ngizilinde. 32 Ngizadabula phakathi komhlambi wonke wakho lamuhla, ngehlukanise lapho yonke imvu elamabala lelamachatha, layo yonke imvu ensundu phakathi kwezimvu, lezilamabala lezilamachatha ezimbuzini, zibe liholo lamiw. 33 Njalo ukulunga kwami kuzangifakazela ngosuku oluzayo, uba usiza mayelana leholo lami, phambi kwakho; konke okungelamabala lamachatha ezimbuzini, lokunsundu emawundlwini, kuyabe kuntshontshiwe uba kukimi. 34 ULabani wasesithi: Khangela, ye, kakube njengelizwi lakho. 35 Wasezehlukanisa mhlalokho impongo ezingamaqamule lezilamabala lazo zonke izibhuzikazi ezilamabala lezilamachatha, lakho konke okulokumhlophe, lakho konke okunsundu emawundlwini, wakunikela esandleni samadodana akhe. 36 Wabeka ummango wensuku ezintathu phakathi kwakhe loJakobe. UJakobe waseselusa imihlambi eseleyo kaLabani.

37 UJakobe wasezithathela ingatsha ezimanzi zephophula*x leze-alimondi* lezingelamaxolo, webula kuzo imizila emhlophe, wembula okumhlophe okwakusezingatsheni. 38 Wasefaka ingatsha ayezebulile emigelweni lemikolweni yokunathela yamanzi maqondana lemihlambi, lapho imihlambi efika khona ukunatha; yamitha ekufikeni kwayo ukuzanathay. 39 Kwathi imihlambi isimithi ezingatsheni, imihlambi yazala amaqamule, alamabala lalamachathaz. 40 UJakobe wasesehlukanisa amawundlu; wakhangelisa ubuso bomhlambi kwezingamaqamule lazo zonke ezinsundu zomhlambi kaLabani; wabeka imihlambi yakhe yodwa, engayibeki emhlanjini kaLabani. 41 Kwasekusithi loba nini eziqinileyo zomhlambi sezimitha, uJakobe wafaka izingatsha phambi kwamehlo omhlambi emigelweni, ukuze zidabule phakathi kwezingatsha. 42 Kodwa nxa umhlambi ububuthakathaka kazifakanga; ngalokhu ebuthakathaka yaba ngekaLabani, leqinileyo ngekaJakobe. 43 Lendoda yaqhamuka yaba nkulu kakhulua, yaba lemihlambi eminengi lezincekukazi lezincekub lamakamela labobabhemic.