Amadodana kaAbrahama kuKetura; ukufa kukaAbrahama

25UAbrahama wasebuya wathatha umfazi, lebizo lakhe linguKetura. 2 Wasemzalela uZimrani loJokishani loMedani loMidiyani loIshibaki loShuwaa. 3 UJokishani wasezala uShebha loDedani. Lamadodana kaDedani ayengamaAshuri lamaLetushi lamaLewumi. 4 Njalo amadodana kaMidiyani ayengoEfa loEferi loHanoki loAbida loElidaha. Wonke la ngamadodana kaKetura. 5 UAbrahama wasemupha uIsaka konke ayelakhob. 6 Kodwa kumadodana abafazi abancane uAbrahama ayelabo uAbrahama wanika izipho; wawasusa kuIsaka indodana yakhec, esaphila, wawathuma empumalanga elizweni lempumalangad.

7 Lalezi zinsuku zeminyaka yempilo kaAbrahama ayiphilayo, iminyaka elikhulu lamatshumi ayisikhombisa lanhlanu. 8 UAbrahama wasephela, wafa eseluphele kuhle emdala enelee, wabuthelwa ezizweni zakibof. 9 UIsaka loIshmayeli amadodana akhe basebemngcwabag obhalwini lweMakaphela, esiqintini sikaEfroni indodana kaZohari umHethi, esiqondene leMamre, 10 isiqinti uAbrahama asithenga emadodaneni akaHethih; lapho uAbrahama wangcwatshwa loSara umkakhei.

11 Kwasekusithi emva kokufa kukaAbrahama, uNkulunkulu wambusisa uIsaka indodana yakhe; uIsaka wasehlala emthonjeni iLahayi-Royij.

Inzalo kaIshmayeli

12 Lalezi yizizukulwana zikaIshmayeli indodana kaAbrahama, uHagari umGibhithekazi, incekukazi kaSara, amzalela uAbrahamak. 13 Lala ngamabizo amadodana kaIshmayelil ngamabizo awo njengokuzalwa kwawo; izibulo likaIshmayeli nguNebayothi, loKedari loAdibeli loMibisama 14 loMishima loDuma loMasa, 15 uHadadi loTema, uJeturi, uNafishi loKedema; 16 la ngamadodana kaIshmayeli, njalo la ngamabizo awo ngemizana yawo langezinqaba zawo, iziphathamandla ezilitshumi lambilim ngezizwe zawo. 17 Njalo le yiminyaka yempilo kaIshmayeli, iminyaka elikhulu lamatshumi amathathu lesikhombisa; wasephela, wafa, wabuthelwa ebantwini bakibon. 18 Basebehlala kusukela eHavilao kusiya eShurip ephambi kweGibhithe, ekuhambeni usiya eAsiriya; wahlala1 phambi kobuso babafowabo bonke.

Ukuzalwa kukaEsawu loJakobe

19 Lalezi yizizukulwana zikaIsaka indodana kaAbrahama; uAbrahama wazala uIsakaq. 20 UIsaka wayeseleminyaka engamatshumi amane mhla ethatha uRebeka, indodakazi kaBethuwelir umSiriya wePadani-Aramas, udadewabo kaLabanit umSiriya, ukuba ngumkakhe. 21 UIsaka wasemncengela umkakhe eNkosini, ngoba wayeyinyumba; iNkosi yasincengeka ngayeu, kwaze kwathi uRebeka umkakhe wathatha isisu. 22 Abantwana babebindana-ke ngaphakathi kwakhe; wasesithi: Uba kunjalo, kungani nginje? Wasesiyabuzav iNkosi. 23 INkosi yasisithi kuye: Izizwe ezimbili zisesizalweni sakhow, izizwe ezimbili zizakwehlukana emibilini yakho. Njalo esinye isizwe sizakuba lamandla kulesinye isizwe, futhi omkhulu uzakhonza omncinyanex.

24 Kwathi sezigcwalisekile insuku zakhe zokubeletha, khangela-ke, amaphahla esiswini sakhe. 25 Kwasekuphuma owokuqala ebomvana, yena wonke enjengesembatho soboyay; ngakho bamutha ibizo lakhe bathi nguEsawu. 26 Njalo emva kwalokho kwaphuma umfowabo, lesandla sakhe sibambelele esithendeni sikaEsawuz; basebebiza ibizo lakhe uJakobea. LoIsaka wayeleminyaka engamatshumi ayisithupha ekuzalweni kwabo. 27 Abafana basebekhula; uEsawu wasesiba ngumzingeli ohlakaniphileyob, umuntu weganga; loJakobe umuntu obekekileyoc ehlala emathentenid. 28 Njalo uIsaka wayemthanda uEsawu ngoba wadla2 inyama yenyamazanae yakhe; kodwa uRebeka wathanda uJakobef.

29 Kwathi uJakobe esephekile ukudla okuphekiweyo, kwasekufika uEsawu evela egangeni, ekhathele. 30 UEsawu wasesithi kuJakobe: Ake ungivumele ngiginye kokubomvu lokho okubomvu, ngoba ngikhathele. Ngalokhu babiza ibizo lakhe ngokuthi uEdoma3. 31 UJakobe wasesithi: Ngithengisela lamuhla ilungelo lobuzibulo bakho. 32 UEsawu wasesithi: Khangela, sengizakufa; njalo liyini kimi ilungelo lobuzibulo? 33 UJakobe wasesithi: Funga kimi lamuhla. Wasefunga kuye, wathengisa ilungelo lobuzibulo bakhe kuJakobeg. 34 UJakobe wasenika uEsawu isinkwa lokudla okuphekiweyo kwamalentili; wasesidla wanatha, wasukuma wahamba; ngalokho uEsawu wadelela ilungelo lobuzibulo bakheh.