UAbrahama loAbhimeleki

20UAbrahama wasesuka lapho waya elizweni leningizimua, wahlala phakathi kweKadeshi leShurib wahlala njengowezizwec eGerarid. 2 UAbrahama wasesithi ngoSara umkakhe: Ungudadewethue. UAbhimeleki inkosi yeGerari wathuma-ke, wathatha uSara. 3 Kodwa uNkulunkulu wezaf kuAbhimeleki ephutshenig ebusuku, wathi kuye: Khangela, ufileh ngenxa yowesifazana omthetheyo, ngoba uganile endodeni. 4 Kodwa uAbhimeleki wayengasondelanga kuye. Ngakho wathi: Nkosi, uzabhubhisa lesizwe esilungileyoi yini? 5 Kayisuye yini othe kimi: Ungudadewethu? Laye uqobo wasesithi: Ungumnewethu. Ngobuqotho benhliziyo yami langobuhlophe bezandla zami ngikwenzile lokhu. 6 UNkulunkulu wasesithi kuye ephutsheni: Lami sengazile ukuthi ngobuqotho benhliziyo yakho ukwenzile lokhu; lami futhi ngikuvimbele ukuze ungoni kimij; ngenxa yalokhu kangikuvumelanga ukuthi umthinte. 7 Ngakho-ke buyisela umfazi wendoda, ngoba ingumprofethi; njalo izakukhulekelak ukuze uphile; kodwa uba ungambuyiseli, yazi ukuthi isibili uzakufa wena labo bonke abangabakhol. 8 UAbhimeleki wasevuka ekuseni kakhulu, wabiza zonke inceku zakhe, wakhuluma wonke la amazwi endlebeni zazo; njalo amadoda esaba kakhulu. 9 UAbhimeleki wasembiza uAbrahama, wathi kuye: Wenzeni kithi? Ngoneni kuwe ukuthi ungilethele mina lombuso wami isono esikhulu? Wenze kimi izenzo ezingafanelanga ukwenziwam. 10 UAbhimeleki wasesithi kuAbrahama: Uboneni, uze wenze into le? 11 UAbrahama wasesithi: Ngoba ngacabanga ukuthi: Isibili ukwesaba uNkulunkulu kakukho kulindawon; njalo bazangibulala ngenxa yomkami. 12 Kanti-ke isibili ungudadewethuo, uyindodakazi kababa, kodwa kasiyo indodakazi kamama; wasesiba ngumkami. 13 Kwasekusithi mhla uNkulunkulu engizulisa ngisuka endlini kababap ngasengisithi kuye: Lo ngumusa ozawenza kimi, kuzo zonke indawo esizafika kuzo, uthi ngami: Ungumnewethuq. 14 UAbhimeleki wasethatha izimvu lezinkomo lezinceku lezincekukazir, wapha uAbrahama, wambuyisela uSara umkakhe. 15 UAbhimeleki wasesithi: Khangela, ilizwe lami liphambi kwakhos; hlala lapho okuhle khona emehlweni akho. 16 LakuSara wathi: Khangela, ngimnikile umnewenut inhlamvu zesiliva eziyinkulungwane; khangela, uyisisibekelo samehlou kuwe, kuye wonke olawe, labo bonke, njalo ukhuziwev.

17 UAbrahama wasekhuleka kuNkulunkulu; uNkulunkulu wasemsilisa uAbhimeleki lomkakhe lencekukazi zakhe, ukuze bazale. 18 Ngoba iNkosi yayizivalile ngokupheleleyo izizalow zonke zabendlu kaAbhimeleki ngenxa kaSara umkaAbrahama.