UHagari loIshmayeli

16USarayi umkaAbrama wayengamzaleli-ke abantwanaa; wayelencekukazi umGibhithekazib, lebizo layo linguHagaric. 2 USarayid wasesithi kuAbrama: Khangela-ke, iNkosi ingivalile ukuze ngingazalie; ake ungene encekukazini yami, mhlawumbe ngingakhiwa ngayo. UAbrama waselalela ilizwi likaSarayi. 3 Ngakho uSarayi umkaAbrama wamthatha uHagari umGibhithe, incekukazi yakhe, ekupheleni kweminyaka elitshumi uAbrama esehlale elizweni leKhananif, wasemnika uAbrama indoda yakhe ukuthi abe ngumkakhe. 4 Wasengena kuHagari, wasethatha isisu. Esebonile ukuthi uzithwele, inkosikazi yakhe yasideleleka emehlweni akheg. 5 USarayi wasesithi kuAbrama: Ububi bami buphezu kwakho. Mina nginike incekukazi yami esifubeni sakho, ithe isibonile ukuthi izithwele, ngiyadeleleka emehlweni ayo. INkosi kayahlulele phakathi kwami laweh. 6 UAbrama wasesithi kuSarayi: Khangela, incekukazi yakho isesandleni sakhoi. Yenza kuyo lokho okuhle emehlweni akho. USarayi waseyiphatha kubi, yasibaleka ebusweni bakhej.

7 Ingilosi yeNkosi yasiyifica emthonjeni wamanzi enkangalak, emthonjeni endleleni eya eShuril. 8 Yasisithi: Hagari, ncekukazi kaSarayi, uvela ngaphi, uya ngaphi? Yasisithi: Ngibalekela ubuso bukaSarayi inkosikazi yami. 9 Ingilosi yeNkosi yasisithi kuyo: Buyela enkosikazini yakho, ubusuzehlisela ngaphansi kwezandla zayo. 10 Ingilosi yeNkosi yathi kuyo futhi: Ngizakwandisa kakhulu inzalo yakhom ukuze ingabalwa ngenxa yobunengi. 11 Ingilosi yeNkosi yasisithi kuyo: Khangela, uzithwele, futhi uzazala indodana, njalo uzayitha ibizo layon uthi nguIshmayeli1, ngoba iNkosi izwile ukuhlupheka kwakho. 12 Yona-ke izakuba ngumuntu ongubabhemi ongathambangao, isandla sayo simelane labo bonke, lesandla sabo bonke simelane layo; izahlala phambi kobuso babafowabo bonkep. 13 Waseyitha iNkosi eyakhuluma laye ibizo lokuthi: Wena Nkulunkulu wokubona. Ngoba wathi: Lapha lami ngimkhangele yini ongibonayo? 14 Ngakho umthombo wabizwa ngokuthi iBeri-Lahayi-Royiq2; khangela, uphakathi kweKadeshir leBeredi. 15 UHagari wasemzalela uAbrama indodana; uAbrama wasesitha ibizo lendodana yakhe, uHagari ayizalayo, wathi nguIshmayelis. 16 Njalo uAbrama wayeleminyaka engamatshumi ayisificaminwembili lesithupha mhla uHagari emzalela uAbrama uIshmayeli.