Ukubizwa kukaAbrama

12INkosi yasisithi kuAbrama: Suka wena elizweni lakini lezihlotsheni zakho lemzini kayihlo, uye elizweni engizakutshengisa lonaa. 2 Ngizakwenza-ke ube yisizwe esikhulu, ngikubusise, ngenze ibizo lakho libe likhulu, njalo ube yisibusiso. 3 Njalo ngizababusisa abakubusisayo, lokuqalekisayo ngimqalekiseb; lakuwe kuzabusiswa zonke insapho zomhlabac. 4 UAbrama wasehamba njengoba iNkosi ikhulumile kuye, loLothi wahamba laye. Njalo uAbrama wayeleminyaka engamatshumi ayisikhombisa lanhlanu ekusukeni kwakhe eHarani. 5 UAbrama wasethatha uSarayi umkakhe, loLothi indodana yomfowabo, lempahla yabo yonke ababeyiqoqile, lemiphefumulo ababeyizuziled eHaranie; basebesuka ukuya elizweni leKhanani; bafika elizweni leKhanani.

6 UAbrama wasedabula ilizwef waze wafika endaweni yeShekema, esihlahleni se-okhi*g seMoreh. LamaKhanani ayekhona elizwenii ngalesosikhathi. 7 INkosi yasibonakala kuAbrama, yathi: Kunzalo yakho ngizanika lelilizwej. Waseyakhela lapho iNkosi ilathi eyayibonakale kuye. 8 Waseqhubeka esuka lapho waya entabeni empumalanga yeBhetheli, wamisa ithente lakhe, iBhetheli isentshonalanga leAyi empumalanga. Waseyakhela lapho iNkosi ilathi, wabiza ibizo leNkosik. 9 UAbrama wasesuka wahamba eqhubeka esiya eningizimu.

UAbrama useGibhithe

10 Kwasekusiba khona indlala elizwenil. UAbrama wasesehlela ngaseGibhithe ukuthi ahlale khona njengowezizwe, ngoba indlala yayinzima elizwenim. 11 Kwasekusithi esesondela ukungena eGibhithe wathi kuSarayi umkakhe: Khangela-ke, ngiyazi ukuthi ungowesifazana omuhle obukekayo. 12 Njalo kuzakuthi lapho amaGibhithe ekubona, azakuthi: Lo ngumkakhe; abesengibulalan, kodwa wena akugcine uphila. 13 Ake uthi ungudadewethu, ukuze kube kuhle kimi ngenxa yakho, lomphefumulo wami uphile ngenxa yakho. 14 Kwasekusithi lapho uAbrama esefikile eGibhithe, amaGibhithe ambona owesifazana, ukuthi muhle kakhulu. 15 Iziphathamandla zikaFaro lazo zambona, zambabaza phambi kukaFaro. Owesifazana waselethwa endlini kaFaro. 16 Wasemphatha kuhle uAbrama ngenxa yakhe; njalo waba lezimvu lezinkabi labobabhemi lezinceku lezincekukazi labobabhemikazi lamakamela. 17 Kodwa iNkosi yamhlupha uFaro ngezinhlupheko ezinkuluo, lendlu yakhe, ngendaba kaSarayi umkaAbrama. 18 UFaro wasembiza uAbrama, wathi: Kuyini lokhu okwenze kimi? Kungani ungangitshelanga ukuthi ungumkakho? 19 Utsholoni ukuthi ungudadewenu, ngize ngimthathe ukuba ngumkami? Ngakho khangela-ke umkakho; mthathe uhambe. 20 UFaro waselaya amadoda ngaye; asemmukisa lomkakhe lakho konke ayelakho.