NdebeleTeam » Genesis » 6

Ukwanda kobubi babantu

6Kwasekusithi abantu sebeqala ukwanda ebusweni bomhlaba, basebezalelwa amadodakazi, 2 amadodana kaNkulunkulu ebona amadodakazi abantu ukuthi wona ayemahle; asezithathela abafazi kuwo wonke awakhethayoa. 3 INkosi yasisithi: UMoya wami kawuyikulwisana lomuntu njalonjalob, ngoba laye eyinyamac; kodwa izinsuku zakhe zizakuba yiminyaka elikhulu lamatshumi amabili. 4 Iziqhwaga zazisemhlabeni ngalezonsuku; lemva kwalokho-ke, lapho amadodana kaNkulunkulu esengenile emadodakazini abantu, asewazalela abantwana. Wona ayengamaqhawe asendulo, engamadoda alebizo.

5 INkosi yasibona ukuthi ububi bomuntu bukhulu emhlabeni, lokuthi konke ukuceba kwemicabango1 yenhliziyo yakhe kwakukubi kuphela usuku lonked. 6 INkosi yasizisolae ngokuthi yayimenzile umuntu emhlabeni, yasidabuka enhliziyweni yayof. 7 INkosi yasisithi: Ngizamchitha umuntu engamdalayo ngimsuse ebusweni bomhlaba, kusukela emuntwini kusiya enyamazaneni, kuze kube kokuhuquzelayo, lenyonini zamazulu; ngoba ngiyazisola ukuthi ngikwenzile. 8 Kodwa uNowa wazuza umusa emehlweni eNkosig.

UNowa wenza umkhumbi

9 Lezi yizizukulwana zikaNowa. UNowa wayeyindoda elungileyoh epheleleyo2 esizukulwaneni sakhe; uNowa wahamba loNkulunkului. 10 UNowa wasezala amadodana amathathu, uShemu, uHamu loJafethi. 11 Umhlaba wonakaliswa-ke phambi kukaNkulunkuluj, lomhlaba wagcwaliswa ngobudlwangudlwanguk. 12 UNkulunkulu wasebona umhlabal, khangela-ke wonakalisiwe, ngoba yonke inyama yonakalise indlela yayo emhlabeni. 13 UNkulunkulu wasesithi kuNowa: Ukuphela kwayo yonke inyama sekuze phambi kwamim, ngoba umhlaba ugcwele ubudlwangudlwangu ngenxa yabo; khangela-ke, ngizabachitha kanye lomhlaba. 14 Zakhele umkhumbi ngezigodo zegofere*, wenze izigaba3 phakathi komkhumbi, uwuhuqe ngengcino ngaphakathi langaphandle. 15 Nansi indlela ozawenza ngayo; ingalo ezingamakhulu amathathu yibude bomkhumbi, ingalo ezingamatshumi amahlanu yibubanzi bawo, ingalo ezingamatshumi amathathu yikuphakama kwawo. 16 Iwindi uzalenza emkhunjini, uliqede libe yingalo kusukela phezulu, ufake umnyango womkhumbi ehlangothini lwawo, uwenze ube lesitezi esaphansi, esesibili, lesesithathu. 17 Mina-ke, khangela, ngizakwehlisela uzamcolo wamanzi phezu komhlaba, ukuchitha yonke inyama, okukuyo umoya wempilo, isuke ngaphansi kwamazulu. Konke okusemhlabeni kuzaphela. 18 Kodwa ngizamisa isivumelwano sami lawe; njalo uzangena emkhunjini, wena lamadodana akho lomkakho labafazi bamadodana akho kanye lawe. 19 Lakukho konke okuphilayo, kuyo yonke inyama, okubili kwakho konke, uzakuletha emkhunjini, ukulondoloze kuphila lawe, kuzakuba ngokuduna lokusikazi; 20 enyonini ngohlobo lwayo, lesifuyweni ngohlobo lwaso, lakukho konke okuhuquzelayo komhlaba ngohlobo lwakho, okubili kwakho kuzakuza kuwen, ukulondoloze kuphila. 21 Lawe-ke, zithathele kukho konke ukudla okudliwayo, njalo ukubuthelele kuwe, futhi kuzakuba ngokwakho lokwazo okokudla. 22 Wasekwenza uNowao; njengakho konke uNkulunkulu ayemlaye khona wenza njalo.

a Dute. 7.3,4.

b Gal. 5.16,17.

c Hlab. 78.39.

1 imicabango: Ibala lesiHebheru litsho lenjongo leziloyiso.

d 8.21. Jobe 14.4; 15.14. Hlab. 51.5. Jer. 17.9. Mat. 15.19. Roma 3.23.

e 1 Sam. 15.11. 2 Sam. 24.16. Jow. 2.13. Nani 23.19. 1 Sam. 15.29. Gen. 18.30. Isa. 1.14; 43.24.

f Isa. 63.10. Efe. 4.30.

g 19.19. Eks. 33.12,13,16,17. Luka 1.30. Seb. 7.46.

h Hez. 14.14,20. 2 Pet. 2.5.

2 epheleleyo: kumbe, eqotho.

i 5.22,24.

j 7.1; 10.9; 13.13. Luka 1.6. Roma 2.13; 3.19.

k Hez. 8.17; 9.9; 28.16.

l 18.21. Hlab. 14.2; 53.2,3.

m Hez. 7.2,3,6.

3 izigaba: kumbe, izidleke.

n 2.19.

o Heb. 11.7. Eks. 40.16.