2Kwasekuqediswa amazulu lomhlaba lalo lonke ibutho lakho. 2 UNkulunkulu wasewuqeda ngosuku lwesikhombisa umsebenzi wakhe abewenza. Waphumula ngosuku lwesikhombisaa emsebenzini wakhe wonke abewenza. 3 UNkulunkulu wasebusisa usuku lwesikhombisa, walungcwelisa; ngoba ngalo waphumula emsebenzini wakhe wonke, uNkulunkulu awudalayo wawenza1.

Isivande seEdeni

4 Lezi yizizukulwana zamazulu lezomhlaba ekudalweni kwakhob, mhla iNkosi uNkulunkulu isenza umhlaba lamazulu, 5 laso sonke isihlahlakazana sensimu, singakabi khona emhlabeni, layo yonke imibhida yegangac, ingakamili; ngoba iNkosi uNkulunkulu yayinganisanga izulu emhlabeni, njalo kwakungelamuntu wokulima umhlabathi. 6 Kodwa kwenyuka inkungu ivela emhlabathini, yasithelela ubuso bonke bomhlabathi. 7 INkosi uNkulunkulu yasibumba umuntu ngothuli oluvela emhlabathinid, yaphefumulela emakhaleni akhe umoya wempilo; umuntu wasesiba ngumphefumulo ophilayoe.

8 INkosi uNkulunkulu yasihlanyela isivande eEdenif ngasempumalanga, yasimbeka khona umuntu eyambumbayo. 9 INkosi uNkulunkulu yasimilisa emhlabeni sonke isihlahla esibukekayo lesilungele ukudla; lesihlahla sempilog phakathi kwesivande, lesihlahla solwazi lokuhle lokubi. 10 Kwasekuphuma eEdeni umfula wokuthelela isivande; njalo kusukela lapho wehlukaniswa waba zinhloko ezine. 11 Ibizo lowokuqala yiPishoni; yiwo ozingelezele ilizwe lonke leHavilah, lapho okulegolide khona. 12 Legolide lalelolizwe lihle; lapho kulebedola* lelitshe i-onikse*i. 13 Lebizo lomfula wesibili yiGihoni; yiwo ozingelezele ilizwe lonke eleEthiyophiya. 14 Lebizo lomfula wesithathu yiHidekeli; yiwo ogelezela empumalanga kweAsiriya. Lomfula wesine yiYufrathi. 15 INkosi uNkulunkulu yasimthatha umuntu2, yambeka esivandeni seEdeni, ukuze asilime asilondoloze. 16 INkosi uNkulunkulu yasimlaya umuntu isithi: Kuso sonke isihlahla sesivande ungadla lokudla; 17 kodwa okwesihlahla solwazi lokuhle lokubi, ungadli kuso, ngoba mhla usidla kuso uzakufa lokufa.

18 INkosi uNkulunkulu yasisithi: Kakukuhle ukuthi umuntu abe yedwa. Ngizamenzela umsizij onjengaye3. 19 INkosi uNkulunkulu yasibumba ngomhlabathi yonke inyamazana yeganga layo yonke inyoni yamazuluk; yakuletha kuAdamul4, ukuthi ibone ukuthi angazibiza ngokuthini, njalo loba yikuphi uAdamu azabiza ngakho isidalwa esiphilayo, yilo ibizo laso. 20 UAdamu wasesitha amabizo kuzo zonke izifuyo, lenyonini yamazulu, lakuyo yonke inyamazana yeganga; kodwa uAdamu katholelwanga umsizi onjengaye. 21 INkosi uNkulunkulu yasisehlisela phezu kukaAdamu ubuthongo obukhulum, waselala. Yasithatha olunye lwezimbambo zakhe, yavala ngenyama endaweni yalo. 22 INkosi uNkulunkulu yasisenza ubambo eyayiluthethe emuntwini lwaba5 ngowesifazana, yasimusa emuntwini. 23 UAdamu wasesithi: Lo khathesi ulithambo lamathambo ami, lenyama yenyama yamin; uzabizwa ngokuthi ngowesifazana6, ngoba yena ethethwe endodenio7. 24 Ngenxa yalokhu indoda izatshiya uyise lonina, inamathele kumkayo; njalo bazakuba nyamanyep. 25 Bobabili babenqunu-ke, umuntu lomkakhe, futhi bengelanhloni.