Ukubuyisana kukaJakobe loEsawu

33UJakobe wasephakamisa amehlo akhe, wabona, khangela-ke, uEsawu esiza lamadoda angamakhulu amane kanye layea. Wasesehlukanisa abantwana phakathi kukaLeya loRasheli lencekukazi zombili. 2 Wasebeka izincekukazi labantwana bazo ngaphambili, loLeya labantwana bakhe ngemuva, loRasheli loJosefa ekucineni. 3 Yena uqobo wasesedlula phambi kwabo, wakhothamela emhlabathinib kasikhombisa waze wafika eduze lomnewabo. 4 UEsawu wasegijima ukumhlangabeza, wamgonac, wawela entanyeni yakhe, wamangad; basebekhala inyembezi. 5 Wasephakamisa amehlo akhe wabona abesifazana labantwana, wathi: Ngobani laba olabo? Wasesithi: Abantwana uNkulunkulu ngomusa ayinike bona inceku yakhoe. 6 Zasezisondela incekukazi, zona labantwana bazo, bakhothama. 7 Laye uLeya wasesondela labantwana bakhe, bakhothama; emva kwalokho uJosefa wasondela loRasheli, bakhothama. 8 Wasesithi: Uqondeni1 ngaleli iqembu lonkef engihlangene lalo? Wasesithi: Ukuthola umusa emehlweni enkosi yamig. 9 UEsawu wasesithi: Ngilokunengi, mfowethu; okwakho kakube ngokwakho. 10 UJakobe wasesithi: Hayi bo! Uba khathesi ngithole umusa emehlweni akho, yemukela isipho sami esivela esandleni sami; ngoba yikhoh ngibone ubuso bakho kunjengokuthi ngibone ubuso bukaNkulunkului, njalo wathokoza ngami. 11 Ake wemukele isipho2 sami esilethwa kuwej; ngoba uNkulunkulu ungiphile ngomusa, njalo ngoba ngilakho konke. Wasemncenga, waze wasemukelak. 12 Wasesithi: Asisuke sihambe, njalo ngizahamba phambi kwakho. 13 Kodwa wathi kuye: Inkosi yami iyazi ukuthi abantwana babuthakathaka, lokuthi izimvu lezinkomo engilazo ziyenyisa; uba-ke beziqhuba ngamandla usuku olulodwa, umhlambi wonke uzakufa. 14 Inkosi yami ake yedlule phambi kwenceku yayo; mina-ke ngizaqhubeka kuhle kuhlel, ngokuhamba3 komsebenzi ophambi kwami, langokuhamba kwabantwana, ngize ngifike enkosini yami eSeyirim. 15 UEsawu wasesithi: Ake ngibeke kuwe abanye babantu abalami. Wasesithi: Kungani lokhu? Kangithole umusa emehlweni enkosi yamin.

16 UEsawu wasebuyela ngendlela yakhe ngalolosuku, waya eSeyiri. 17 Njalo uJakobe waqhubeka waya eSukothio4, wazakhela indlu, wenzela izifuyo zakhe izibaya ezilophahla; ngakho wayitha ibizo lendawo iSukothi.

18 UJakobe wasefika evikelekile emzini weShekemap, oselizweni leKhanani, ekuveleni kwakhe ePadani-Arama; wamisa inkamba phambi komuzi. 19 Njalo ingxenye yesiqinti amisela kuyo amathente akhe wayithenga esandleni samadodana kaHamori uyise kaShekemaq, ngezinhlamvu zemali ezilikhulu. 20 Wasemisa khona ilathi, walibiza ngokuthi yiEli-Elohe-Israyelir5.