UJakobe ubalekela uLabani

31Wasesizwa amazwi amadodana kaLabani esithi: UJakobe uthethe konke okukababa; langalokho okwakungokukababa wenza lonke loludumoa. 2 UJakobe wasebona ubuso bukaLabanib, futhi khangela, babunganjengamandulo1 kuye. 3 INkosi yasisithi kuJakobe: Buyela elizweni laboyihlo lezihlotsheni zakho; njalo ngizakuba lawec. 4 UJakobe wasethuma wababiza oRasheli loLeya emadlelweni emhlanjini wakhe, 5 wathi kibo: Ngiyabona ubuso bukayihlod ukuthi kabunjengamandulo kimi; kodwa uNkulunkulu kababa ube lamie. 6 Futhi lina liyazi ukuthi ngamandla ami wonke ngimsebenzele uyihlof. 7 Kodwa uyihlo ungikhohlisile, waphendula iholo lami okwezikhathi ezilitshumig, kanti uNkulunkulu kamvumelanga ukwenza okubi kimi. 8 Kwathi esitsho njalo: Ezilamabala zizakuba liholo lakho, khona umhlambi wonke wazala ezilamabala. Kwathi esitsho njalo: Ezingamaqamule zizakuba liholo lakho, khona umhlambi wonke wazala ezingamaqamuleh. 9 Ngokunjalo uNkulunkulu uthethe izifuyo zikayihlo, wanginikai. 10 Kwasekusithi, ngesikhathi umhlambi umitha, ngaphakamisa amehlo ami ngabona ephutsheni, khangela-ke, izimpongo ezikhwela umhlambi zazingamaqamule, zilamabala, lezizinala. 11 Ingilosi kaNkulunkulu yasisithi kimi ephutsheni: Jakobe! Ngathi: Khangela ngilapha. 12 Yasisithi: Ake uphakamise amehlo akho ubone, zonke impongo ezikhwela umhlambi zingamaqamule, zilamabala lezizinalaj; ngoba ngibonile konke uLabani akwenze kuwek. 13 NginguNkulunkulu weBhetheli lapho owagcoba khona insika, owathembisa khona isithembiso kimil. Khathesi, vuka, uphume kulelilizwe, ubuyele elizweni lokuzalwa kwakhom. 14 ORasheli loLeya baphendula bathi kuye: Siselesabelo lelifa endlini kababa yini? 15 Kasibalwa njengabezizwe kuye yini? Ngoba wasithengisa, futhi wadla lokudla imali yethun. 16 Ngoba inotho yonke uNkulunkulu ayemuke ubaba ingeyethu leyabantwana bethu; khathesi-ke, konke uNkulunkulu akutsho kuwe, kwenze.

17 UJakobe wasesukuma, wakhweza amadodana akhe labomkakhe emakameleni; 18 waqhuba izifuyo zakhe zonke, layo impahla yakhe yonke abeyizuzile, izifuyo zenzuzo yakhe, ayezizuze ePadani-Arama, ukuze aye kuIsaka uyise elizweni leKhanani. 19 Njalo uLabani esehambile ukuyagunda izimvu zakhe, uRasheli weba izithombe2 uyise ayelazo. 20 UJakobe wasuka enyenya engananzelelwe3 kuLabani umSiriya, ngoba kamazisanga ukuthi uyabaleka. 21 Wasebaleka, yena lakho konke ayelakho, wasukuma, wachapha umfula, wakhangelisa ubuso bakheo entabeni yeGileyadi.

22 Kwasekusaziswa uLabani ngosuku lwesithathu ukuthi uJakobe ubalekile. 23 Wasethatha abafowabo kanye laye, waxotshana laye ibanga lensuku eziyisikhombisa, wamfica entabeni yeGileyadi. 24 UNkulunkulu wasesiza kuLabani umSiriya ephutsheni lebusukup, wathi kuye: Ziqaphele, hlezi ukhulume loJakobe okuhle kumbe okubi4. 25 ULabani wasemfica uJakobe. Njalo uJakobe wayemise ithente lakhe entabeni; uLabani laye kanye labafowabo bamisa entabeni yeGileyadi. 26 ULabani wasesithi kuJakobe: Wenzeni, ukuthi usuke unyenye ngingananzeleleq, uthathe amadodakazi ami ngamandla njengabathunjiweyo ngenkembar? 27 Ubalekeleni ngasese, unginyenyela5, ungangazisanga, ukuthi ngabe ngikuvalelise ngokuthokoza langengoma, ngesigubhu langechacho? 28 Njalo kawungivumelanga ukuthi nganges amadodana ami lamadodakazi ami. Khathesi wenze ubuthuthat ngokwenza lokho. 29 Kusemandleni esandla sami ukwenza okubi kini; kodwa uNkulunkulu kayihlou ukhulumile kimi ebusuku obudlulileyov wathi: Ziqaphele ukuthi ungakhulumi loJakobe okuhle kumbe okubi. 30 Khathesi-ke, ukuhamba uhambile, ngoba ngokukhanuka ukhanukile indlu kayihlo; webeleni onkulunkulu bamiw? 31 UJakobe wasephendula wathi kuLabani: Ngoba ngesaba, ngoba wathi: Hlezi ungihluthunele amadodakazi akho. 32 Lowo ozathola kuye onkulunkulu bakho kangaphili; phambi kwabafowethu zinanzelelele okungokwakho okukimi, uzithathele. Ngoba uJakobe wayengazi ukuthi uRasheli wayebebile. 33 ULabani wasengena ethenteni likaJakobe lethenteni likaLeya, lethenteni lezincekukazi ezimbili, kodwa katholanga. Waphuma ethenteni likaLeya, wangena ethenteni likaRasheli. 34 Kodwa uRasheli wayethethe izithombe, wazifaka esikhwameni sesihlalo sekamela, wahlala phezu kwazo. ULabani waphumputha ithente lonke kodwa katholanga. 35 Wasesithi kuyise: Kalungavuthi ulaka emehlweni enkosi yami ukuthi ngingesukume phambi kwakhox, ngoba indlela yabesifazana ikimi. Wabhudula, kodwa kazitholanga izithombe.

36 UJakobe wasethukuthela, waphikisana loLabani; uJakobe waphendula wathi kuLabani: Isiphambeko sami siyini, isono sami siyini, ukuthi ungixotshe ngokutshisekay? 37 Njengoba usubambabambe kuyo impahla yami yonke, utholeni okwayo impahla yonke yendlu yakho? Ibeke lapha phambi kwabafowethuz labafowenua ukuze baqume phakathi kwethu sobabili. 38 Iminyaka le engamatshumi amabili ngangilawe; izimvukazi zakho lezibhuzikazi zakho kaziphunzanga, lezinqama zemihlambi yakho kangizidlanga. 39 Ezadatshulwayo kangizilethanga kuwe, mina ngazihlawula; esandleni sami wazibiza, zebiwe emini loba zebiwe ebusukub. 40 Nganginjalo emini imbalela yangidla, lamakhaza ebusuku, ubuthongo babaleka emehlweni ami. 41 Iminyaka le engamatshumi amabili bengisemzini wakho, ngakusebenzela okweminyaka elitshumi lane ngenxa yamadodakazi akho amabilic, leminyaka eyisithupha ngenxa yomhlambi wakho; njalo waphendula iholo lami okwezikhathi ezilitshumid. 42 Ngaphandle kokuthi uNkulunkulue kababa, uNkulunkulu kaAbrahama loKwesaba kukaIsakaf ubengelami, isibili khathesi ubuzangixotsha ngize. Inhlupheko zami lomtshikatshika wezandla zami uNkulunkulu ubonileg, wakusolah izolo ebusukui.

Isivumelwano sikaJakobe loLabani

43 ULabani wasephendula wathi kuJakobe: Amadodakazi angamadodakazi ami, lamadodana angamadodana ami, lomhlambi ngumhlambi wami, lakho konke okubonayo kungokwami; lemadodakazini ami ngizakwenzani kuwo lamuhla, loba kubantwana bawo abawazeleyo? 44 Khathesi-ke, woza, asenze isivumelwanoj, mina lawe, njalo sibe yibufakazi phakathi kwami lawek. 45 UJakobe wasethatha ilitshe, walimisa laba yinsikal. 46 UJakobe wasesithi kubafowabo: Buthani amatshe. Basebethatha amatshe, benza inqumbi; badla khona phezu kwenqumbi. 47 ULabani waseyibiza ngokuthi yiJegari-Sahadutha6, kodwa uJakobe wayibiza ngokuthi yiGaledi7. 48 ULabani wasesithi: Linqwaba iyibufakazi phakathi kwami lawe lamuhlam. Ngakho bayitha ibizo layo iGaledi, 49 leMizipan8, ngoba wathi: INkosi kayilinde phakathi kwami lawe, lapho singabonani omunye lomunye. 50 Uba uhlupha amadodakazi ami, njalo uba uthatha abafazi phezu kwamadodakazi ami, kakulamuntu olathi, bona, uNkulunkulu ungumfakazi phakathi kwami lawe. 51 ULabani wasesithi kuJakobe: Khangela linqwaba, khangela-ke lensika engiyiphosileyo phakathi kwami lawe. 52 Linqwaba kayibe yibufakazi, lensika kayibe yibufakazio, bokuthi mina kangiyikuyidlula linqwaba ngiye kuwe, lawe kawuyikuyidlula linqwaba lalinsika uze kimi ngokubi. 53 UNkulunkulu kaAbrahama loNkulunkulu kaNahori, kahlulele phakathi kwethu, uNkulunkulu kayise wabo. UJakobe wasefunga ngoKwesaba kukayise uIsakap. 54 UJakobe wasehlaba umhlatshelo entabeni, wabiza abafowabo ukuthi badle isinkwaq; basebesidla isinkwa, balala entabeni. 55 ULabani wasevuka ekuseni kakhulu, wanga amadodana akhe lamadodakazi akher, wawabusisas; uLabani wasehamba wabuyela endaweni yakhe.