| NdebeleTeam Genesis « 26 » |
UIsaka useGerari leBherishebha
26Kwasekusiba khona indlala elizweni, ngaphandle kwendlala yakuqala eyayikhona ensukwini zikaAbrahamaa. UIsaka wasesiya kuAbhimelekib inkosi yamaFilistic, eGerari. 2 INkosi yasibonakala kuye, yathi: Ungehleli eGibhithe, hlala elizweni engizakutshela lonad; 3 hlala njengowezizwe kulelilizwee, futhi ngizakuba lawef ngikubusiseg; ngoba ngizanika wena lenzalo yakho wonke lamazweh, ngiqinise isifungo engasifunga kuAbrahama uyihloi. 4 Ngizakwandisa inzalo yakho njengenkanyezi zamazuluj, ngizanika inzalo yakho lamazwe wonke; lenzalweni yakho zizabusiswa izizwe zonke zomhlabak; 5 ngalokhu ukuthi uAbrahama walalela ilizwi lamil, wagcina ukulaya kwami, imilayo yami, izimiso zami lemithetho yami.
6 UIsaka wahlala-ke eGerari. 7 Amadoda aleyondawo asebuza ngomkakhe. Wasesithi: Ungudadewethu; ngoba wesaba ukuthi: Umkamim. Hlezi amadoda aleyondawo angibulale ngenxa kaRebeka, ngoba wayekhangeleka kuhlen. 8 Kwasekusithi esehlale khona isikhathi eside, uAbhimeleki inkosi yamaFilisti walunguza phansi ngewindi, wabona, khangela-ke, uIsaka wayedlala loRebeka umkakhe. 9 UAbhimeleki wasembiza uIsaka, wathi: Isibili, khangela, ungumkakho; utsho ngani ukuthi: Ungudadewethu? UIsaka wasesithi kuye: Ngoba ngathi, hlezi ngife ngenxa yakhe. 10 UAbhimeleki wasesithi: Kuyini lokhu okwenze kithi? Bekulula ukuthi omunye wabantu alale lomkakho; ubususibeka icalao. 11 UAbhimeleki waselaya wonke umuntu, esithi: Othinta lindoda lomkayo uzabulawa isibili.
12 UIsaka wasehlanyela kulelolizwe, wathola ngalowomnyaka okuphindwe kalikhulu; iNkosi yasimbusisap. 13 Lowomuntu waba mkhulu, waqhubeqhubeka waba mkhulu waze waba mkhulu kakhulu. 14 Njalo wayelemfuyo yezimvu lemfuyo yezinkomo lenceku ezinengi; ngakho amaFilisti aba lomhawu ngayeq. 15 Lemithombo yonke izinceku zikayise ezaziyigebhiler ensukwini zikaAbrahama uyise, amaFilisti ayeyivalile, ayigcwalisa ngenhlabathi. 16 UAbhimeleki wasesithi kuIsaka: Suka kithi, ngoba ulamandla kakhulu kulathis.
17 UIsaka wasesuka lapho, wamisa inkamba esigodini seGerari, wahlala khona. 18 UIsaka wabuya waphanda imithombo yamanzi ababeyigebhile ensukwini zikaAbrahama uyise, ngoba amaFilisti ayeyivalile emva kokufa kukaAbrahama. Wayibiza amabizo ngamabizo uyise ayewabizilet. 19 Izinceku zikaIsaka zasezigebha esihotsheni, zathola khona umthombo wamanzi agobhozayo1. 20 Njalo abelusi beGerari babangisana labelusi bakaIsaka, besithi: Amanzi ngawethuu. Ngakho wabiza ibizo lomthombo iEseki2, ngoba baphikisana laye. 21 Zasezigebha omunye umthombo, lalowo-ke bawubanga. Wasebiza ibizo lawo iSitina3. 22 Waseqhubeka wasuka lapho, wagebha omunye umthombo, kodwa lowo kabawubanganga. Wasewubiza ibizo lawo iRehobothi4, wathi: Ngoba iNkosi isisenzele indawo, futhi sizakuba lesithelo elizweniv.
23 Wasesenyuka lapho waya eBherishebha. 24 INkosi yasibonakala kuye ngalobobusuku yathi: NginguNkulunkulu kaAbrahama uyihlow. Ungesabix ngoba ngilawey, ngizakubusisa ngiyandise inzalo yakho ngenxa kaAbrahama inceku yami. 25 Wasesakha khona ilathiz, wabiza ebizweni leNkosi, wamisa khona ithente lakhe, lenceku zikaIsaka zagebha khona umthombo.
Isivumelwano sikaIsaka loAbhimeleki
26 UAbhimeleki wasesiya kuye evela eGerari loAhuzathi umngane wakhe loFikolia induna yebutho lakhe. 27 UIsaka wasesithi kubo: Lizeleni kimi, lokhu liyangizonda, lingixotshile kinib? 28 Basebesithi: Sesibonile lokubona ukuthi iNkosi ilawe. Ngakho sathi: Ake kube khona isifungo phakathi kwethu, phakathi kwethu lawe, asenze isivumelwano lawec, 29 sokuthi5 ungasenzeli okubi, njengoba singakuthintanga, njengoba sikwenzele okuhle kuphela, sakuyekela wahamba ngokuthula; wena khathesi ungobusisiweyo weNkosid. 30 Wasebenzela idili, basebesidla banathae. 31 Basebevuka ekuseni kakhulu, bafungisana omunye komunyef; uIsaka wasebayekela bahamba, basuka kuye ngokuthula. 32 Kwasekusithi ngalolosuku izinceku zikaIsaka zafika, zambikela mayelana lomthombo ezaziwugebhile, zathi kuye: Sithole amanzi. 33 Wawubiza ngokuthi yiShebha6; ngakho ibizo lomuzi liyiBherishebhag7 kuze kube lamuhla.
34 Kwasekusithi uEsawu eseleminyaka engamatshumi amane wathatha umfazi uJudithi indodakazi kaBeri umHethi, loBasemathi indodakazi kaEloni umHethih. 35 Lalaba baba lusizi8 lwawo umoya kuIsaka loRebekai.
a 12.10.
b 20.2.
c 21.34. 1 Sam. 21.10; Hlab. 34.1.
d 12.1.
e 20.1. Heb. 11.9.
f 28.15.
g 12.2.
h 13.15,16; 15.18.
i 22.16.
j 15.5. Eks. 32.13.
k 12.3; 22.18.
l 22.16,18.
m 12.13; 20.2,13.
n 24.16.
o 20.9.
p 26.3; 24.1,35. Jobe 42.12.
q 30.1; 37.11. Tshu. 4.4.
r 21.30.
s Eks. 1.9.
t 21.31.
1 agobhozayo: Heb. aphilayo.
u 21.25.
2 iEseki: okuyikuthi, ukuphikisana.
3 iSitina: okuyikuthi, ukuzonda.
4 iRehobothi: okuyikuthi, indawo.
v 17.6; 28.3.
w 24.12.
x 15.1.
y 28.15; 31.3.
z 12.7; 13.18.
a 21.22.
b 26.16.
c 21.22,23.
5 sokuthi: Heb. uba uzasenzela okubi.
d 24.31.
e 18.5-8; 19.3.
f 21.31.
6 iShebha: okuyikuthi, isifungo.
g 21.31; 22.19.
7 iBherishebha: okuyikuthi, umthombo wesifungo.
h 28.9; 36.2,3.
8 lusizi: Heb. okubabayo.
i 27.46.