Ukuzalwa kukaIsaka

21INkosi yasimhambelaa uSara njengokukhuluma kwayo, njalo iNkosi yenza kuSara njengoba yayitshilob. 2 USara wasethatha isisuc, wamzalela indodana uAbrahama ebudaleni bakhe, ngesikhathi esimisiweyod uNkulunkulu abesitshilo kuye. 3 UAbrahama wasesitha ibizo lendodana yakhe, eyazalelwa yena, uSara amzalela yona, wathi nguIsakae. 4 UAbrahama wasesokaf uIsaka indodana yakhe isilensuku eziyisificaminwembili, njengoba uNkulunkulu wamlayag. 5 Njalo uAbrahama wayeleminyaka elikhuluh lapho ezalelwa uIsaka indodana yakhe.

6 USara wasesithi: UNkulunkulu ungenzele uhlekoi, wonke ozwayo uzahleka lami. 7 Wathi futhi: Ngubani obengatsho kuAbrahama ukuthi: USara uzamunyisa abantwana? Ngoba ngimzalele indodana ebudaleni bakhej.

UHagari loIshmayeli basenkangala

8 Umntwana wakhula, walunyulwa. UAbrahama wasesenza idili elikhulu mhla uIsaka elunyulwa.

9 USara wasebona indodana kaHagari umGibhithekazik ayeyizalele uAbrahamal iklolodam. 10 Ngakho wathi kuAbrahama: Xotsha lesisigqilikazi lendodana yason; ngoba indodana yalesisigqilikazi kayiyikudla ilifa kanye lendodana yami, kanye loIsaka. 11 Lalelilizwi laba libi kakhulu emehlweni kaAbrahama, ngenxa yendodana yakheo. 12 Kodwa uNkulunkulu wathi kuAbrahama: Kakungabi kubi emehlweni akho, ngenxa yomfana langenxa yesigqilikazi sakho; konke uSara azakutsho kuwe, lalela ilizwi lakhe, ngoba kuIsaka inzalo yakho izabizwap. 13 Kodwa lendodana yesigqilikazi ngizayenza ibe yisizweq, ngoba iyinzalo yakho.

14 Ngakho uAbrahama wavuka ekuseni kakhulu, wathatha isinkwa lesigxingi samanzi, wakunika uHagari, ekubeka emahlombe akhe, lomntwana, wamyekela wahamba. Wasehamba wazula enkangala iBherishebhar. 15 Amanzi esephelile esigxingini waphosela umntwana phansi kwesinye sezihlahlakazana. 16 Wasehamba wahlala phansi maqondana laye, esuka kuye khatshanyana, okungaba yikutshoka ngedandili; ngoba wathi: Kangingaboni ukufa komntwana. Wahlala maqondana laye, waphakamisa ilizwi lakhe wakhala inyembezi. 17 UNkulunkulu wasesizwa ilizwi lomfana. Yasimemeza ingilosi kaNkulunkulu kuHagari isemazulwini, yathi kuye: Ulani, Hagari? Ungesabi, ngoba uNkulunkulu ulizwile ilizwi lomfana lapho akhona. 18 Sukuma, uphakamise umfana, umbambe ngesandla sakho; ngoba ngizamenza abe yisizwe esikhulu. 19 UNkulunkulu wasevula amehlo akhe, njalo wabona umthombo wamanzi; wahamba, wagcwalisa isigxingi ngamanzi, wamnathisa umfana. 20 Njalo uNkulunkulu waba lomfanas, wakhula, wahlala enkangala, waba ngumtshokit. 21 Wahlala enkangala iParani; unina wasemthathela umfazi elizweni leGibhitheu.

Isivumelwano sikaAbrahama loAbhimeleki

22 Kwasekusithi ngalesosikhathi uAbhimeleki loFikoliv, induna yebutho yakhe, wakhuluma kuAbrahama wathi: UNkulunkulu ulawe kukho konke okwenzayow. 23 Ngakho-ke funga kimi lapha ngoNkulunkulux ukuthi kawuyikungikhohlisa mina kumbe indodana yami kumbe izizukulwana zamiy; njengomusa engikwenzele wona, yenza kimi, lelizweni ohlala kilo njengowemzini. 24 UAbrahama wasesithi: Mina ngizafunga. 25 Kodwa uAbrahama wamsola uAbhimeleki ngenxa yomthombo wamanzi ebeziwuphangile izinceku zikaAbhimelekiz. 26 UAbhimeleki wasesithi: Angazi owenze le into; njalo lawe kawungitshelanga, futhi lami kangizwanga ngakho, ngaphandle kwalamuhla. 27 UAbrahama wasethatha izimvu lenkomo, wazinika uAbhimeleki; njalo bobabili benza isivumelwanoa. 28 UAbrahama wabeka amawundlukazi omhlambi ayisikhombisa wodwa. 29 UAbhimeleki wasesithi kuAbrahama: Ayini lapha lamawundlukazi ayisikhombisa owabeke wodwab? 30 Wasesithi: Ngoba uzakwemukela esandleni sami amawundlukazi ayisikhombisa, ukuze abe yibufakazi kimi bokuthi lumthombo ngiwugebhile. 31 Ngakho wabiza leyondawoc ngokuthi yiBherishebha1, ngoba lapho bafunga bobabili. 32 Ngakho benza isivumelwano eBherishebha. UAbhimeleki wasesukuma, loFikoli induna yebutho lakhe, babuyela elizweni lamaFilisti.

33 Wasehlanyela isihlahla setamarisiki* eBherishebha wabiza khona ibizo leNkosid, uNkulunkulu olaphakadee. 34 UAbrahama wasehlala njengowezizwe elizweni lamaFilistif insuku ezinengi.