Ukuwa komuntu

3Inyoka yayilobuqili-kea kulayo yonke inyamazana yeganga, eyayiyenzile iNkosi uNkulunkulu. Yasisithi kowesifazana: Yebo1 uNkulunkulu watsho yini ukuthi: Kumele lingadli kuso sonke isihlahla sesivande? 2 Owesifazana wasesithi enyokeni: Singadla okwesithelo sezihlahla zesivande; 3 kodwa okwesithelo sesihlahla esiphakathi kwesivande, uNkulunkulu wathi: Lingadli kuso, njalo lingasithinti, hlezi lifeb. 4 Inyoka yasisithi kowesifazana: Kaliyikufa sibili. 5 Ngoba uNkulunkulu uyazi ukuthi mhla lisidla kuso, amehlo enu azavuleka, njalo libe njengoNkulunkulu, lisazi okuhle lokubi. 6 Owesifazana ebona-ke ukuthi isihlahla silungile ukuba yikudla, lokuthi sona siyabukeka2 emehlweni, lesihlahla sikhwabitheka ukwenza uhlakaniphe, wakha okwesithelo saso, wadlac; wasenika lendoda yakhe kanye laye, yasisidla. 7 Asevuleka amehlo abo bobabilid, basebesazi ukuthi babenqunue; basebethungela ndawonye amahlamvu omkhiwa, bazenzela amafasikoti3.

8 Basebesizwa ilizwi leNkosi uNkulunkulu ihamba esivandeni ekupholeni4 kosuku; uAdamu lomkakhe basebecatsha ebusweni beNkosi uNkulunkulu phakathi kwezihlahla zesivande. 9 INkosi uNkulunkulu yasibiza uAdamu, yathi kuye: Ungaphi? 10 Wasesithi: Ilizwi lakho ngilizwe esivandeni, ngesaba, ngoba nginqunu; ngasengicatsha. 11 Yasisithi: Ngubani okutshele ukuthi unqunu? Udlile yini okwesihlahla, engakulaya ngaso ukuthi ungadli okwaso? 12 UAdamu wasesithi: Owesifazana owangipha yena ukuthi abe lamif, yena unginike okwesihlahla, ngasengisidla. 13 INkosi uNkulunkulu yasisithi kowesifazana: Kuyini lokhu okwenzileyo? Owesifazana wasesithi: Inyoka ingikhohlisileg, ngasengisidla. 14 INkosi uNkulunkulu yasisithi enyokeni: Njengoba usukwenzile lokhu, uqalekisiwe wena okwedlula sonke isifuyo lokwedlula yonke inyamazana yeganga. Uzahamba ngesisu sakho, njalo udle uthuli insuku zonke zempilo yakhoh. 15 Njalo ngizafaka ubutha phakathi kwakho lowesifazana laphakathi kwenzalo yakho lenzalo yakhei. Yona izakuchoboza ikhanda, wena uzayichoboza isithendej. 16 Kowesifazana yathi: Ngokwandisa ngizakwandisa ubuhlungu bakho lokuzithwala kwakho; ngobuhlungu uzabeletha abantwana, lokukhanuka kwakho kuzakuba sendodeni yakhok, njalo yona izakubusal. 17 Njalo kuAdamu yathi: Njengoba ulalele ilizwi lomkakho, wasusidla okwesihlahla engakulaya ngaso ukuthi: Ungadli okwasom, uqalekisiwe umhlaba ngenxa yakhon; ngokukhathazeka uzakudla okwawo insuku zonke zempilo yakhoo. 18 Njalo uzakumilisela ameva lokhula oluhlabayo, ubususidla imibhida yeganga. 19 Ngesithukuthuku sobuso bakho uzakudla ukudla, uze ubuyele emhlabathini, ngoba wathathwa kuwo; ngoba wena uluthulip, njalo uzabuyela ethuliniq. 20 UAdamu wasebiza ibizo lomkakhe ngokuthi nguEva5, ngoba yena ungunina wabo bonke abaphilayo. 21 INkosi uNkulunkulu yasisenzela uAdamu lomkakhe izigqoko zezigogo, yasibagqokisa.

22 INkosi uNkulunkulu yasisithi: Khangela, umuntu usenjengomunye wethu, esazi okuhle lokubir. Khathesi-ke, hlezi elule isandla sakhe athathe njalo okwesihlahla sempilos, adle aphile kuze kube sephakadeni. 23 Ngakho iNkosi uNkulunkulu yamkhupha esivandeni seEdeni ukuthi alime umhlabathi, lapho athathwa khona. 24 Yasimxotsha umuntu; yabeka empumalanga kwesivande seEdenit amakherubhi* lenkemba evuthayo ephenduphendukayou, ukulinda indlela yesihlahla sempilo.